Në vitet e fundit, qyteti bregdetar i Sarandës ka qenë përfitues i investimeve të mëdha në infrastrukturë, të cilat arrijnë një total prej rreth 20 milionë euro. Këto projekte, të njohura si Rivitalizim dhe Rikualifikim Urban, kanë pasur për qëllim përmirësimin e cilësisë së jetës dhe zhvillimin e mëtejshëm të zonës turistike. Megjithatë, pavarësisht këtyre investimeve të konsiderueshme, problemi i kanalizimeve në Sarandë ka mbetur i pazgjidhur dhe në disa raste është përkeqësuar, veçanërisht pas reshjeve të shiut. Në këtë shkrim, do të analizojmë faktorët që kanë kontribuar në këto probleme dhe do të shqyrtojmë pasojat e tyre për qytetin dhe banorët e tij.

Faktorët që ndikojnë në problemet e kanalizimeve

1. Projektimi i Dobët i Kanalizimeve: Një nga arsyet kryesore për problemet me kanalizimet është projektimi i dobët ose jo i përshtatshëm për kushtet lokale. Inxhinieria dhe planifikimi mund të kenë neglizhuar kapacitetin e nevojshëm për të përballuar sasinë e reshjeve që bie dhe terrenin në Sarandë.
2. Zbatimi i Papërshtatshëm i Projekteve: Edhe në rastet kur projektet janë të mirëplanifikuara, zbatimi i tyre mund të ketë qenë i mangët. Ndërtimi jo i duhur dhe përdorimi i materialeve të cilësisë së ulët mund të kenë ndikuar në funksionimin e dobët të sistemit të kanalizimeve.
3. Mungesa e Mirëmbajtjes: Sistemet e kanalizimeve kërkojnë mirëmbajtje të rregullt për të funksionuar siç duhet. Mungesa e një programi të rregullt mirëmbajtjeje, përfshirë pastrimin e tubacioneve dhe heqjen e mbeturinave, mund të çojë në bllokime dhe përmbytje.
4. Urbanizimi i Shpejtë: Saranda ka përjetuar një rritje të shpejtë urbane dhe turistike, duke krijuar një presion të madh mbi infrastrukturën ekzistuese. Kanalizimet e ndërtuara më parë mund të mos jenë të përshtatshme për të përballuar rritjen e popullsisë dhe të trafikut turistik.

Pasojat e Problemeve të Kanalizimeve

1. Përmbytjet Urbane: Pas çdo shiu, rrugët dhe bulevardi i Sarandës shpesh përmbyten. Kjo krijon vështirësi për lëvizjen e këmbësorëve dhe automjeteve, duke e bërë qytetin të pakalueshëm në shumë raste. Përmbytjet urbane gjithashtu dëmtojnë pronat private dhe bizneset, duke shkaktuar humbje ekonomike të konsiderueshme.
2. Ndotja e Mjedisit: Përmbytjet sjellin me vete mbeturina dhe ndotje që mblidhen në rrugët e qytetit. Kjo ndotje përfundon në det, duke ndikuar negativisht në ekosistemin detar dhe në atraksionet turistike që Saranda ofron.
3. Rreziku për Shëndetin Publik: Uji i shiut përzihet me ujërat e zeza që mund të përbëjnë rrezik për shëndetin publik. Kontakti me këtë ujë të ndotur mund të shkaktojë infeksione dhe sëmundje të ndryshme tek banorët dhe turistët.
4. Dëm për Imazhin Turistik: Saranda, si një nga destinacionet kryesore turistike në Shqipëri, rrezikon të humbasë atraktivitetin e saj për vizitorët nëse problemet e kanalizimeve vazhdojnë. Përmbytjet e shpeshta dhe pasojat e tyre mund të krijojnë një imazh negativ të qytetit në sytë e turistëve potencialë.

Rekomandime për Përmirësimin e Situatës

1. Rishikimi dhe Përmirësimi i Projekteve ekzistuese: Duhet të kryhet një analizë e hollësishme e projekteve të kanalizimeve për të identifikuar dobësitë dhe për të bërë përmirësimet e nevojshme. Kjo përfshin riprojektimin e rrjetit të kanalizimeve për të siguruar një kapacitet të mjaftueshëm për të përballuar reshjet e shumta.
2. Zbatimi i Standardeve të Larta Ndërtimi: Është thelbësore që ndërtimi i kanalizimeve të kryhet në përputhje me standardet më të larta të cilësisë dhe të përdoren materiale të qëndrueshme. Mbikëqyrja e rreptë gjatë fazave të ndërtimit mund të ndihmojë në parandalimin e problemeve të mëvonshme.
3. Program i Rregullt i Mirëmbajtjes: Krijimi dhe zbatimi i një programi të rregullt mirëmbajtjeje është thelbësor për të siguruar që sistemi i kanalizimeve të funksionojë siç duhet. Kjo përfshin pastrimin e rregullt të tubacioneve dhe sistemit të kanalizimeve për të parandaluar bllokimet.
4. Planifikimi Urban i Qëndrueshëm: Në mënyrë që të përballohet rritja e shpejtë urbane dhe turistike, duhet të përpilohet një planifikim urban i qëndrueshëm që merr parasysh nevojat aktuale dhe të ardhshme të infrastrukturës. Kjo përfshin zgjerimin dhe përmirësimin e rrjetit të kanalizimeve në përputhje me zhvillimin e qytetit.
5. Përfshirja e Komunitetit dhe Transparenca: Përfshirja e komunitetit lokal në procesin e planifikimit dhe zbatimit të projekteve të kanalizimeve do të ndihmojë në identifikimin e problemeve dhe zgjidhjeve të mundshme. Transparenca dhe informimi i vazhdueshëm i publikut për hapat që po ndërmerren janë gjithashtu të rëndësishme për të fituar besimin dhe mbështetjen e banorëve.

Ndërhyrjet në infrastrukturën e Sarandës duhet të jenë të mirëplanifikuara dhe të zbatuara me kujdes për të shmangur dhe zgjidhur problemet e kanalizimeve. Vetëm në këtë mënyrë, qyteti mund të sigurojë një mjedis të sigurt dhe të qëndrueshëm për banorët dhe vizitorët e tij.

The post Pas çdo investimi “Rivitalizimi & Rikualifikimi Urban”, dalin probleme të reja me kanalizime appeared first on Saranda News.

Hapja ndaj botës, turizmi, në analogji me parimin e enëve komunikuese, do të kenë ndikimet e tyre
në vend. Në rastin e turizmit, retorika “Champions League” apo 30 milionë në 30 prej Ramës do të
ngjiste e vlente vërtet nëse zhvillimi i turizmit do të sigurojë përfitime të prekshme e mirëqënie për
të gjithë qytetarët shqiptarë, me apo pa lidhje me sektorin turistik. Nga punësimi i vazhdueshëm
përtej atij sezonal, rrogat me një hap me çmimet, pensionet, kujdesi social e shërbimet e duhura
publike, strehimi i përballueshëm etj, pasuar kjo me barazpeshën mes sektorëve ekonomik,
mbrojtjen e mjedisit, trashëgimisë kulturore etj.

Milionat e turizmit katandisen në “tollumbace” politike kur shndërrohen jo në miliona
përfitime për qytetarët por për “strategjikët” e politikës e të huajt me të cilët politika shkëmben
qokat e rradhës. Kur shqiptari katandiset jabanxhi në vëndin e tij sepse nuk i del paga për të jetuar
normalisht e nuk gjen dot strehim, nuk “shkel” dot në rezorte elitare turistike ku baresin vetëm të
kamurit e bota, natyra, habitati urban e peisazhi u tjetërsohen para syve të emër të klientelizmit të
ditës, identiteti e trashëgimia kulturore rrezikojnë “hollimin” prej të ndryshmes që turizmi bart duke
cënuar uniken shqiptare si premisë për vetë interesin e botës etj.

Të “mirës” me shkelm!

Sipas medias, në ishujt Kanarie të Spanjës protestues ndërmorrën një grevë urie si reagim ndaj asaj
që ata e shohin si ndikim negativ të turizmit në këto ishuj duke kërkuar ndalimin e punimeve për
ndërtimin e një kompleksi turistik dhe moratorium mbi projektet e zhvillimit turistik për të
mundësuar rishqyrtimin e modelit ekonomik.

Lëvizja “Canaris Se Agota” (Kanariet nuk mbajnë më!) që po ndodh në një destinacion ku
turizmi ka rritje çdo vit (13.9 milion turistë vjet, pothuajse 6 herë më shumë se 2.2 milionë vëndas)
pretendon se numri i turistëve po kalon çdo cak me ndikim në mjedis dhe jetën e vëndasve (çmime
të papërballueshme të shtëpive e qerave me pasoja në varfërinë e izolimin social me syresh që
jetojnë në makina, tenta). Kjo po trazon raportet me turizmin duke shkaktuar edhe reagim qytetar
(grafite anti-turistike mureve, parrulla “Turistë ikni në shtëpi” etj). Sipas protestës, ironikisht është
vetë turizmi ai që po shkatërron atë që shet!

Ngjarje të tilla dëshmojnë se gjërat në turizëm nuk janë të mirëqëna si dikur. Diku më
shumë, diku më pak nga Spanja, Italia (taksa turistike në Venecia), Japonia (bllokimi i pamjes së Malit
Fuji për foto turistike) e gjetkë tregon se turizmi “tufë” pavarësisht futjes së parasë, nuk është më aq
popullor dhe i mirëpritur si më parë ndaj, përtej debatit rreth “fobisë” turistike ndaj një industrie që
fut para në vënd, e mira e vetë turizmit e do që në qëndër të vëmëndjes të mos jetë vetëm turisti
por edhe banori vëndas, mirëqënia e tij ekonomike dhe kohezioni social.

Komb hanxhi!

Turizmi tek ne është ende larg atij masiv por nisur nga propaganda shtetërorë, orientimi i
investimeve në infrastrukturë, favoret e statuset e investitorëve, betonizmi i bregdetit e jo vetëm,
mega-panet që befasojnë, diferenca në çmime me botën e fqinjët etj, prirja është drejt tij ndaj dhe
modeli i zhvillimit turistik ka nevojë gjithnjë për rishikim për të shmangur problemet që po has bota
sot.

Mbi të gjitha turizmi nuk duhet të jetë super-industri që nga komb tregtar të katandisemi në
komb hanxhi. Të gjitha “vezët” në një shportë nuk shkon në një botë që ndryshon me shpejtësi ndaj
vëndi ka nevojë së pari për industri e bujqësi që jo vetëm garantojnë mirëqënie në kohë por dhe janë
parakusht për mbarëvajtjen e turizmit.

Të ardhurat nga vetë turizmi duhet të kenë ndikim real tek banori vëndas dhe buxheti i
shtetit. Pjesa e “luanit” duhet të mbetet në vënd ndryshe një turizëm, qoftë edhe elitar, që lejon që
fitimet e investitorëve strategjikë të ikin në masë jashtështetit, e tepron me importet etj, nuk vlen
dhe mund të ngjizë probleme sociale e ekonomike me ndikim në vetë turizmin.

Gara, jo me botën por të nesërmen

Sot ka mjaft kundërshti politike e qytetare për zhvillimin e turizmit që përfundon deri në dyert e
Gjykatës Kushtetuese, UNESCO etj, ka debat për aeroportet (numri i tyre, flora e fauna, niveli detit si
rrjedhojë i ngrohjes globale etj), për strukturat turistike dhe zonat e mbrojtura natyrore dhe ato të
trashëgimisë historike (Butrinti) etj, dhe të gjitha këto probleme shtrojnë nevojën urgjente për një
strategji mbarëkombëtare për turizmin, përtej qasjeve të partive të rradhës në pushtet.
Turizmi nuk është garë me grekun e italianin jo vetëm sepse milionat e turistëve tanë janë
“pika uji” për ta por dhe se sa kohë jemi unik në histori, kulturë e mbi të gjitha mikpritje (se dete e
male ka plot bota), do të kemi edhe ne turistët tanë.

Turizmi ynë është garë me kohën, jo thjesht për të fituar kohën e humbur gjatë por që
turizmi t’i rezistojë kohrave dhe të garantojë zhvillim të qëndrueshëm dhe të barazpeshuar ku
mikpritja e dashamirësia ndaj turistit mbetet po ajo dhe përshtypja e emri i mirë rreth Shqipërisë
mban gjithnjë ndezur kërshërinë e interesin në botë!

Nxitimi në turizëm është kurth për të. E nisëm të fundit në rajon por kemi çfarë të mësojmë
prej nxitimit të të tjerëve. Ngritja e “pjacës” në 30 milion deri në 2030 bart sfida plot e nuk është
vetëm rritja e cilësia e ofertës turistike por dhe ndikimi i këtij fluksi turistik në ekonomi, barazpeshat
mes sektorëve, rritja e mirëqënies së shqiptarit, kohezioni zakonor e kulturor mes nesh dhe turistëve
që do vërshojnë “lumë” nga e gjithë bota etj.

Turizmi fillon me vëndasin

Një turizëm që hap dyert për botën e shtrënjton gjithshka për vëndasit duke nxitur qejfmbetje, deri
mllefe mes vëndasit e turistit është bomerang për turizmin. Para se të numërojmë turistët që vinë,
të numërojmë vëndasit që ikin për fare, ata që munden dhe ia arrijnë të pushojnë në vëndin e tyre
apo pushojnë jashtë se u del më lirë! Turizmi klientelist që i jep një dorë boshatisjes së vëndit nga
shqiptarët si prej humbjes së besimit tek politika ashtu edhe shndërrimit të vëndit në “aeroport”,
“hotel” e “dyqan lluksi” gjigand për botën (qysh tani, imagjinoni pas hyrjes në BE) me botën ulur
këmbëkryq në krye të sofrës, nuk vlen.

Përtej të mirave prej turizmit në botë (ekonomia, ambasador i paqes etj), bota po i sheh
edhe “sherrin” atij. Nuk është vetëm punë dallimi vëndasish që ndihen të “huaj” dhe të huajsh “miza
lisi”që ndjehen “vëndas” por dhe problemet mjedisore që turizmi shkakton në planet nga ndotja e
transportit ajror e atij rrugor, betonizimi, flora e fauna e rrezikuar etj.

Turisti më së pari duhet të jetë shqiptari dhe ai, jo me bukë me vete. Mali, deti, fshati,
muzeu etj para se të ftojnë milionat e botës, të ftojnë milionat këtu. Do të ishte turizëm që kujdeset
për burimet natyrore, ul ndotjen në mjedis duke shmangur transportin e tepruar, ruan trashëgiminë
etno-kulturore dhe garanton që mikpritja unike shqiptare ndaj botës të vijojë se shqiptari nuk ikën
gjetiu por rri me besim e shpresë në shtëpinë e tij!

The post Turizmi fillon me vendasin – Opinion nga Artan Xh. DUKA appeared first on Saranda News.

E konsideruar si mbledhja më e rëndësishme deri tani e këtij mandati, ajo do të vendosë edhe “vulën” se nga do të anojë e djathta, e cila bashkë me PDIU dhe të pavarurin mund të vendosin veton me maksmimalisht 17 vota në Këshillin me 31 anëtarë.

Përvec qëndrimit publik të PDIU, publikuar nga Saranda Web gjatë dëgjesës publike, nga burimet tona mësohet se edhe këshilltarët e djathtë janë mbledhur disa herë në tryeza deri tani informale dhe kanë rënë dakort për votimin kundër të këtij vendimi. Mësohet se qëndrime të tilla janë shprehur edhe në kryesinë e Këshillit kur është miratuar rendi i ditës për mbledhjen e 29 shkurtit.

Përpos kësaj, sic informohemi, nuk kanë munguar tentativat nga ana e Bashkisë për të gjetur ndonje “dezertor” në rradhët e të djathtëve.

Edhe pse duket se deri tani asnjë i tillë nuk është gjetur, mbetet për t’u parë qëndrimi zyrtar në mbledhjen e së enjtes, e cila do të ketë edhe prezencë të mediave dhe banorëve të interesuar.

The post Panelet fotovoltaike, të djathtët gati të “rrëzojnë” Bashkinë appeared first on Saranda News.

Duke pershendetur Kryeministrin per ngritjen e sateliteve ne hapesire me synim parandalimin e ndertimeve pa leje, Forumi deshiron kujtoje se fenomeni i ndertimeve pa leje eshte shumefishuar keto 10 vitet e fundit duke zaptuar jo vetem hapesira publike, por edhe pjese te trashegimise kulturore.

Shume shtepi historike ne Tirane jane shkaterruar deri me sot naten me firmen e ish-ministres Kumbaro. As Sat 1 dhe as Sat 2 nuk kane cfare ti bejne firmave te ministrave qe firmosin per zhdukjen e tyre.

Kjo foto e botuar disa here prej nesh si dhe e reklamuar ne media eshte nje ndertim pa leje qe eshte bere ne territorin e parkut Kombetar te Butrintit. Zone e Mbrojtur jo vetem nga ligji shqiptar, por edhe nga Konventa e UNESCO-s ku Shqiperia ka aderuar.

Ky shkaterrim i vijes bregdetare eshte bere ne periudhen e qeverisjes Rama dhe nen bekimin e ministres Kumbaro, e cila ne cdo media ka premtuar se do beje verifikimin e ketij ndertimi dhe deri me sot vazhdon te genjeje pa ju dridhur qerpiku se nuk di asgje.

Nese doni ta dini z.Kryeminister se cili eshte ndertuesi pa leje mjafton te shikoni reklamen televizive per fshatin turistik Arameras per te kuptuar se cili oligark prane Jush ka shkaterruar nje zone te mbrojtur brenda Parkut te Butrintit me mbeshtetjen e Qeverise Tuaj.

Ky ndertim brenda nje zone te konsideruar e Mbrojtur tregon shume qarte se satelitet nuk do te kene asnje rol per sa kohe nuk do te denohet as oligarku i ndertimeve pa leje dhe as ministrat pergjegjes, qe genjejne ne cdo studio televizive se nuk kane dijeni per kete shkaterrim te dhunshem te zonave te Mbrojtura.

The post FMTK: Oligarku i Ramës po shkatërron vijën bregdetare brenda Parkut të Butrintit appeared first on Saranda News.

Nga Ing.Tanush Çaushi

Mjaftojnë pesë pika shiu dhe energjia elektrike ndërpritet në zonën e Konispol-it. Banorët e kësaj zone zhyten në një terr informativ, mediatik dhe detyrohen të ndërpresin gjithë aktivitetin e tyre dhe biznesin që ka lidhje me energjinë elektrike.

Jo rrallë herë “kolpot” e tensionit djegin pajisjet elektroshtëpiake dhe ato të biznesit duke shkaktuar dëme që nuk njihen si shpenzime.

Po të marrim parasysh që kjo zonë ka dhe një nevojë specifike për energji për agrikulturën kjo e bën këtë çështje më sensitive.

Janë dekada të tëra që nuk janë kryer investime në linjën elektrike dhe kabinat e transformatorët dhe infrastrukturën mbështetëse. Përveç të tjerash humbjet e transmetimit janë shumë të mëdha.

Mungesa e investimeve për energjinë elektrike në zonën e Konispol-it, kërkon reagim nga të gjithë dhe kërkesë zyrtare dhe peticion dhe veprime konkrete.

Kjo është në interesin e përbashkët të të gjithë zonës dhe banorëve pa dallim partiak. Duhet bashkim për këtë kauzë.

Së bashku me disa miq nga Konispoli në grupimin tonë “Miqtë e Konispolit” kemi vendosur të përgatisim një peticion online dhe nje planveprimi për këtë çështje dhe për tja dorëzuar institucioneve përkatëse.

Dhe këtu nuk po kërkojmë fajtorët pasi ata dihen, por zgjidhjen. Sepse dihet që asnjë qeveri nuk ka hedhur kokërr leku dhe OSHEE për këtë linjë.

Cila është zgjidhja? Të rrimë të presim?

Natyrisht që duhet ushtruar presioni i nevojshëm dhe fillimi është peticioni.

The post Konispoli dekada pa investime në energjinë elektrike, së shpejti nis peticioni appeared first on Saranda News.

Përmes kësaj thirrjeje, Saranda Web fton qytetarët e Sarandës, Ksamilit, Delvinës dhe Finiqit që të ndajnë me ne shqetësimet dhe përvojat personale në lidhje me menaxhimin e mbetjeve urbane në lagjen apo qytetin tuaj.

The post Si ka qenë menaxhimi i pastrimit përgjatë sezonit turistik? Ndani mendimin dhe shqetësimin tuaj appeared first on Saranda News.

Përgjatë verës, Saranda shndërrohet në kryeqendrën e turizmit shqiptar. Por ndërsa mijëra turistë i shtohen qytetit tonë, ata sjellin me vete një sërë përfitimesh, por edhe problematikash për vendasit.

Me ardhjen e turistëve në Sarandë, rriten mundësitë e punësimit, shtohen të ardhurat si dhe gjallërohet jeta e natës dhe argëtimi. Në anën tjetër, banorët përballen edhe me rritjen eksponenciale të çmimeve, trafikun e rënduar, ndotjen e lartë akustike apo mungesën e parkingjeve.

Përmes kësaj thirrjeje, Saranda Web dëshiron të mbledhë përshtypjet e banorëve të Sarandës dhe përvojat tuaja personale në lidhje me ndikimin e turizmit masiv në qytetin tonë.

Ne duam gjithashtu të dimë nëse përfitimet e banorëve vendas i tejkalojnë problematikat dhe nëse autoritetet vendore po bëjnë detyrën e tyre për të ofruar shërbime publike më cilësore, si për turistët ashtu edhe për banorët e Sarandës.

Për të marrë pjesë në raportimin tonë, ju lutem plotësoni pyetësorin e mëposhtëm ose na shkruani përmes adresës së emailit sarandaweb@gmail.com ose adresës sonë në FB @SarandaWeb.net.

Ne duam gjithashtu t’u garantojmë se të dhënat tuaja personale do të trajtohen me konfidencialitet, do të lexohen vetëm nga stafi ynë dhe nuk do të publikohen në asnjë rast pa marrë më parë miratimin tuaj.

The post Ndikimi i turizmit masiv në Sarandë – Raporto në Saranda Web appeared first on Saranda News.

Në qytet kanë filluar të lëvizin botet e ujit, ndërsa nga zona të ndryshme të Sarandës dhe Ksamilit, në Saranda Web raportohet për mungesa të furnizimit nga zona të ndryshme.

Vit pas viti dhe fushatë pas fushate përmendet një projekt për furnizimin me ujë të bollshëm nga Burimet e Tatzatit, por që mesa duket mbahet peng nga një kontatë e HEC Sasaj me Këshillin e Basenit Ujor, e cila i jep të drejtën e shfrytëzimit të ujit të Burimeve të Tatzatit vetëm HEC Sasaj.

Për të kuptuar sa më drejt gjendjen e furnizimit me ujë dhe nevojat e qytetarëve, Saranda Web ju fton të plotësoni këtë formular (më pak se 1 minutë)

The post Si është situata e furnizimit me ujë në Sarandë, jepni mendimin tuaj appeared first on Saranda News.

Mesatarisht këtë shumë çuditërisht e përfton çdonjëri prej shozllenguerëve kryesorë shqiptarë (madje edhe ata me zero arsimim), përgjatë çdo sezoni turistik veror, thjesht duke shfrytëzar pronën publike të vijës bregdetare, pa derdhur asnjë pikë djerse në këtë llojë pseudobznesi rrjepës ndaj qytetarëve, madje edhe duke u argëtuar për vete dhe masakruar legjislacionin fiskal e më tej.

Jo më kot shumë prej qytetarëve të ndershëm këtë lloj veprimtarie private që dëmton ekstremisht interesin publik me tarifa pagesash “therëse” dhe nivel shumë të lartë evazioni fiskal pothuajse në krejt vijën bregdetare shqiptare nga Velipoja në Ksamil (ndonëse pronë publike), e krahasojnë me pseudobizneset e mirëfillta ekonomike kontrabandeske, të cilat shteti vetëm i licenson por që pothuajse nuk ushtron asnjëlloj kontolli, lidhur me respektimin e kushteve përkatëse kontraktore.

Janë jo të pakta rastet tipike të shkeljes flagrante të legjislacionit në fuqi, ku subjekte të ndryshme me ststusin e personit fizik, ndërsa marrin lejen (të drejtën) përkatëse nga Ministria e Turizmit për menaxhimin privat të një plazhi tē caktuar, nga ana tjetër në mënyrë krejt të palejueshme ligjërisht ja shesin këtë të drejtë (kundrejt një çmimi shumë të lartë) një personi tjetër të pa verifikuar paraprakisht nga organet kompetente shtetërore se i plotëson apo jo kriteret përkatëse ligjore.

Kjo praktikë jo ligjore do të ishte e ngjashme me rastin, nëse një kirurg, stomatolog, farmacist, kardiolog e tjera privat i liçencuar do t’ia shiste këtë drejtë të ushtrimit të profesionit të tij (përkundrejt një pagese të caktuar), kasapit, çobanit të bagëtiive, apo llamarinistit.

Natyrisht që në këto lloj rastesh qeramarrësi (mbajtësi jo i ligjshëm i mbajtësit të së drejtës të menaxhimit privat të plazhit), do të aplikojë ndaj qytetarëve tarifa “vare” pagesash edhe më të kripura.

Në të gjitha ato raste kur këto shitje të drejtash, realizohen përmes kontratave përkatëse noteriale (pasi disa prej tyre thuhet se bëhen edhe të fshehta në mirëbesim), të karakteti “qeradhënie objektesh” e tjera, noterët që e kanë kryer këtë gjë , duhet të përgjigjen ligjërisht, deri në heqjen e lejes së ushtrimit të këtij profesioni të lirë privat, ndërsa subjektit përkatës që e shet këtë të drejtë (të menaxhimit privat të plazhit) të fituar më parë nga ana e tij prej Ministrisë së Turizmit, përveç gjobave, penaliteteve të parashikuara në legjislacion, duhet t’i hiqet në mënyrë të menjëhershme kjo e drejtë, duke ndëshkuar ligjërisht nē këtë mënyrë edhe qeramarrësin e tij.

Shembujt shqiptarë të këtij karakteri të tranzicionit ekonomik të 30 vjeçarit të fundit jo vetëm që vërtetojnë sloganin: “Punojnë qorrat dhe superpasurohen e mbretërojnë horrat”, por nga ana tjetër, janë një eksploziv i vërtet i shkatërrimit të teorive shkencore ekonomike (të famshme dhe suksesshme botërore), mbi funksionimin e ekonomisë së lirë të tregut në të gjitha vendet demokratike

The post Më mirë shkencëtar apo shezllonguer – Kjo është dilema! Nga Zija Lika appeared first on Saranda News.

Në gusht 2021, ministrja e Shëndetësisë Ogerta Manastirliu inspektoi pavionet e rinovuara në spitalin bashkiak të Sarandës dhe u shpreh krenare për mjekët e rinj specialistë që i ishin bashkuar ekipit ekzistues.

“Mjekë të rinj, mjekë specialistë i janë bashkuar ekipeve tona dhe jam shumë krenare që edhe në spitalin e Sarandës ne kemi mjekë pediatër, mjekë kirurgë, mjekë gjinekologë obsteter,” tha Manastirliu.

“Ndaj fokusi vazhdon për të përmirësuar cilësinë e shërbimeve ndaj të gjithë qytetarëve dhe për të ofruar shërbim në kohë afër vendbanimit,” shtoi ajo.

Megjithatë, përpjekjet e bëra konsiderohen të pamjaftueshme nga dhjetëra qytetarë të Sarandës, Delvinës dhe Konispolit, të cilët i thanë Saranda Web përmes një pyetësori se spitali vazhdon të vuajë nga mungesa e mjekëve specialistë.

“Jam shtruar në spital për trajtimin e këmbës së thyer. Shërbimi profesional, problemi është mungesa e specialistëve në specialitetet e tjera përveç ortopedisë,” shkroi një qytetar për Saranda Web.
“Por mungesën e mjekëve dhe personelit mjekësor në tërësi e shikoj më shumë si një problem social- ekonomik të qytetit se sa përgjegjësi politike. Si çdo qytetar, ashtu edhe personeli mjekësor përpiqet të largohet nga qyteti për një jetë më të mirë,” shtoi ai.

Saranda Web kontaktoi me 73 qytetarë përmes një pyetësori dhe me dhjetra të tjerë përmes rrjeteve sociale, të cilët ndanë përvojat e tyre me shërbimin e marrë në spitalin e Sarandës.
Rreth 40% e të anketuarve u përgjigjën se kishin marrë shërbimin e nevojshëm në spitalin e Sarandës, ndërsa 60% tha se ishin dërguar për trajtim drejt spitaleve të tjera.

Të dhënat kryesore të siguruara nga qytetarët janë si më poshtë:

 Spitali i Sarandës ka sot nevojë për mjekë kirurgë, kardiologë, pediatër, reumatologë, nefrologë dhe urologë.
 Në mungesë të tyre, qytetarët janë referuar në spitale të tjera për konsulta mjekësore, për operacione apo për trajtim të COVID-19.
 Mes qytetarëve që kishin marrë trajtim mjekësor në spitalin e Sarandës, rreth 62% e konsideruan shërbimin të mirë ose shumë të mirë kundrejt 38% që e vlerësuan atë të keq ose shumë të keq.

Mungesa e mjekëve specialistë është një problem i vjetër për spitalin bashkiak të Sarandës – i cili mbulon me shërbime shëndetësore mbi 100 mijë banorë jo vetëm të qytetit turistik, por edhe të qyteteve të tjera fqinje si Konispoli, Finiqi apo Delvina.
Sipas zv.drejtorit të spitalit, Florjan Sali, spitali i Sarandës ofron aktualisht më shumë shërbime se sa një spital bashkiak. Ai renditi mes trajtimeve shëndetësore që ofrohen shërbimin ortopedik, okulist, shërbimin ORL si dhe shërbimin e mjekut infeksionist apo atij argeolog.
Sali i tha gjithashtu Saranda Web se aktualisht po punohet që ky spital të fitojë statusin e spitalit rajonal.

“Spitali i Sarandës është në statusin e një spitali bashkiak dhe natyra e shërbimeve janë të reduktuara, që do thotë se spitali i Sarandës nuk mund të ofrojë të njëjtat shërbime spitalore që ofron një spital rajonal,” tha zv.drejtori Florjan Sali.
“Përsa i përket shërbimit të urgjencës, ky shërbim ofrohet 24 orë, i vlerësuar si ndër më të mirët në Shqipëri,” shtoi ai.

Qytetarët e anketuar i thanë Saranda Web se faktorët kryesorë që i detyrojnë mjekët të largohen nga Saranda janë pagesa [45%], korrupsioni [24%], mungesa e infrastrukturës [18%] dhe mungesa e sigurisë në punë [13%].

The post Mungesa e mjekëve specialistë ‘shton dhimbjet’ e pacientëve në Sarandë appeared first on Saranda News.