Ditën e sotme zhvillohet procesi i votimit për zgjedhjen e kryetarit të ri të degës së Partisë Demokratike në Sarandë, një proces i rëndësishëm për strukturat lokale të kësaj force politike.

Në garë për drejtimin e degës janë dy kandidatë: Matilda Qurku dhe Kreshnik Shehu, të cilët gjatë ditëve të fundit kanë paraqitur platformat dhe vizionin e tyre për organizimin dhe forcimin e strukturave të Partia Demokratike e Shqipërisë në Sarandë.

Procesi i votimit ka nisur në orën 08:00 të mëngjesit dhe do të vijojë deri në orën 18:00. Pas mbylljes së votimit pritet që të nisë menjëherë numërimi i votave, ndërsa rezultati do të përcaktojë drejtuesin e ri të degës lokale.

Saranda Web do të sjellë përditësime të mëtejshme mbi ecurinë e procesit dhe rezultatin zyrtar.

The post Zhvillohen sot votimet për kryetarin e ri të degës së Partisë Demokratike në Sarandë appeared first on Saranda News.

Dega e Partisë Demokratike në Sarandë do t’i drejtohet procesit zgjedhor të brendshëm më 22 Shkurt, ku anëtarësia do të zgjedhë drejtuesin e ri të degës. Në këtë garë janë shpallur dy kandidatura: Kreshnik Shehu dhe Matilda Qurku.

Procesi konsiderohet një moment i rëndësishëm për strukturat lokale të PD-së, në një kohë kur partia synon riorganizim dhe forcim të saj, pas disfatës historike që pësoi në zgjedhjet e 11 Majit, ku në Sarandë mori vetëm 24% të votave.

Kandidatura e Kreshnik Shehut

Kreshnik Shehu vjen në këtë garë duke theksuar angazhimin e tij të hershëm në Partinë Demokratike. Ai shprehet se vota e tij e parë, në moshën 19-vjeçare, ka qenë për PD-në dhe që prej asaj kohe ka qenë pjesë aktive e strukturave të saj.

Me profesion jurist, Shehu thekson se kandidimi i tij mbështetet në parime si drejtësia, transparenca dhe bashkimi i demokratëve në Sarandë. Sipas tij, këto janë elementët kyç për ta çuar degën drejt një faze të re funksionimi dhe besimi politik. Ai u bën thirrje anëtarëve që më 22 Shkurt të mbështesin një PD më të organizuar dhe më pranë qytetarëve.

Kandidatura e Matilda Qurkut

Matilda Qurku ka shpallur kandidaturën e saj duke vënë theksin te përvoja e gjatë politike brenda Partisë Demokratike. Ajo ka mbajtur disa funksione drejtuese, përfshirë anëtare e Kryesisë së Degës, Sekretare e Degës, anëtare e Këshillit Kombëtar dhe kandidate për deputete.

Në deklarimin e saj, Qurku thekson se kandidimi vjen nga bindja se politika ka kuptim kur bëhet me ndershmëri, dëgjim dhe përballje të drejtpërdrejtë me sfidat. Ajo nënvizon nevojën për punë konkrete, guxim dhe bashkim, duke e konsideruar rikthimin e besimit dhe forcimin e degës si objektiva kryesore të saj.

Më 22 Shkurt, anëtarët e Partisë Demokratike në Sarandë janë ftuar të marrin pjesë në procesin zgjedhor dhe të shprehin vullnetin e tyre për drejtimin e degës. Gara mes dy kandidaturave pritet të përcaktojë drejtimin e ardhshëm të PD Sarandë dhe mënyrën se si ajo do të pozicionohet në jetën politike të qytetit.

The post Dy kandidatët në garë për drejtimin e PD Sarandë, zgjedhjet më 22 Shkurt appeared first on Saranda News.