Një 54-vjeçare nga Ksamili është shpallur në kërkim nga Policia e Sarandës, pasi akuzohet për veprën penale “Ndërtimi i paligjshëm”.

Sipas njoftimit zyrtar të policisë, specialistët për Hetimin e Krimeve të Komisariatit të Policisë Sarandë kanë shpallur në kërkim shtetasen me inicialet M. P., 54 vjeçe, banuese në Ksamil, e dyshuar për ndërtim të paligjshëm.

Autoritetet bëjnë me dije se po vijon puna për lokalizimin dhe kapjen e saj, ndërsa materialet procedurale i janë referuar organeve kompetente për veprime të mëtejshme.

Policia thekson se kontrollet dhe verifikimet në terren vijojnë, në kuadër të luftës kundër ndërtimeve të paligjshme në zonën e Sarandës dhe Ksamilit.

The post Shpallet në kërkim një 54-vjeçare nga Ksamili. Policia: punohet për kapjen e saj appeared first on Saranda News.

Policia e Sarandës ka arrestuar në flagrancë një 49-vjeçar të dyshuar për vjedhje të sendeve personale të një shtetaseje. Specialistët e Seksionit për Hetimin e Krimeve në Komisariatin e Policisë Sarandë arrestuan shtetasin A. M., 49 vjeç, banues në Sarandë, i dyshuar për veprën penale “Vjedhja”.

Sipas policisë, më datë 5 mars 2026 një shtetase ka bërë kallëzim se këtij shtetasi i kishte vjedhur një valixhe dhe një çantë, në të cilat ndodheshin sende personale, rroba, një shumë monetare dhe një kompjuter laptop.

Pas kallëzimit, policia ka ndërmarrë veprime të menjëhershme hetimore dhe operacionale, duke bërë të mundur identifikimin, lokalizimin dhe arrestimin e autorit të dyshuar.

Gjatë kontrollit të ushtruar në banesën e tij, uniformat blu gjetën sendet e vjedhura, të cilat u sekuestruan në cilësinë e provës materiale.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë për veprën penale “Vjedhja”. Saranda Web

The post I vodhi një gruaje valixhen, çantën dhe laptopin – arrestohet në flagrancë nga Policia appeared first on Saranda News.

Policia e Sarandës njofton se ka ndërmarrë një sërë veprimesh procedurale gjatë kontrolleve të fundit në territor, duke çuar 1 në pranga, 2 në ndjekje penale dhe 1 në kërkim.

Sipas komunikatës zyrtare të Policisë së Shtetit, specialistët e Seksionit të Trafikut Urban dhe Interurban të Komisariatit të Policisë Sarandë arrestuan në flagrancë shtetasin I. M., 40 vjeç, banues në Korçë. Ai u ndalua pasi u konstatua duke drejtuar automjetin në gjendje të dehur, duke rrezikuar sigurinë në rrugë.

Ndërkohë, specialistët e Seksionit për Hetimin e Krimeve referuan materialet në Prokurori, ku nisi procedimi penal për dy shtetas të tjerë.

A. M., 19 vjeç, banues në Sarandë, u procedua pasi gjatë kontrollit fizik nga shërbimet e Policisë iu gjet një sasi e vogël lënde e dyshuar narkotike, Cannabis Sativa.

Po ashtu, procedim penal nisi edhe për shtetasin A. G., banues në Sarandë, pas kallëzimit të shtetases A. A., e cila deklaroi se ai ka tentuar të vjedhë një celular në dyqanin ku ajo punon.

Në vijim të veprimeve, Policia referoi materialet në Prokurori dhe shpalli në kërkim shtetasin A. P., 59 vjeç, banues në Sarandë, pasi dyshohet se ka kryer punime ndërtimi në hotelin e tij pa lejen përkatëse nga organet kompetente.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, e cila do të vijojë me veprimet e mëtejshme ligjore.

The post 1 në pranga, 2 në ndjekje penale dhe 1 në kërkim nga Policia e Sarandës appeared first on Saranda News.

Një 19-vjeçar është shpallur në kërkim nga Policia e Sarandës, pasi dyshohet se ka ushtruar dhunë fizike dhe ka kanosur një efektiv të Policisë Bashkiake për shkak të detyrës.

Ngjarja ka ndodhur në rrugën “Studenti”, në qytetin e Sarandës, ku i riu, i identifikuar me inicialet E. M., banues në Sarandë, dyshohet se është përfshirë në një konflikt me punonjësin e Policisë Bashkiake gjatë ushtrimit të detyrës së këtij të fundit.

Sipas njoftimit zyrtar, specialistët e Seksionit për Hetimin e Krimeve në Komisariatin e Policisë Sarandë kanë referuar materialet në Prokurori dhe kanë shpallur në kërkim 19-vjeçarin.

Policia bën me dije se po vijon puna për kapjen e autorit të dyshuar dhe për dokumentimin e plotë të rrethanave të ngjarjes.

NJOFTIMI I POLICISË

Specialistët e Seksionit për Hetimin e Krimeve të Komisariatit të Policisë Sarandë referuan materialet në Prokurori dhe shpallën në kërkim shtetasin E. M., 19 vjeç, banues në Sarandë, pasi në rrugën “Studenti”, Sarandë, dyshohet se ka ushtruar dhunë fizike dhe ka kanosur një punonjës të Policisë Bashkiake, për shkak të detyrës. Punohet për kapjen e shtetasit E. M. dhe për dokumentimin e rrethanave të rastit.

The post Dhunoi dhe kanosi efektivin e Policisë Bashkiake Sarandë, 19-vjeçari shpallet në kërkim appeared first on Saranda News.

Policia njofton se specialistët e Seksionit për Hetimin e Krimeve të Rënda pranë Drejtoria Vendore e Policisë Vlorë kanë arrestuar në flagrancë shtetasin G. P., 41 vjeç, banues në Sarandë, i dyshuar për veprën penale “Plagosja e rëndë me dashje”.

Sipas njoftimit zyrtar, arrestimi u krye pasi, gjatë ditës së djeshme, në vijim të një konflikti për motive të dobëta, 41-vjeçari ka goditur me grushte dhe sende të forta shtetasin G. M., 48 vjeç, banues në Konispol.

I dëmtuari ndodhet nën kujdesin e mjekëve dhe po merr trajtim në Spitalin e Traumës.

Materialet procedurale i janë referuar Prokurorisë për veprime të mëtejshme ligjore.

Burime policore bëjnë me dije se 41-vjeçari ndodhej prej rreth një jave në Sarandë dhe gjatë kësaj periudhe kishte pasur edhe konflikte të tjera me qytetarë të ndryshëm, por pa përdorimin e sendeve të forta, ndryshe nga rasti i fundit.

Po sipas policisë, i arrestuari ka shfaqur shqetësime të sistemit nervor dhe, pavarësisht arrestimit, pritet të dërgohet për shtrim të detyruar në Spitalin Psikiatrik të Lezhës.

The post Goditet me grushte dhe sende të forta, 48-vjeçari përfundon në Spital, arrestohet autori appeared first on Saranda News.

Policia e Sarandës njofton se ka finalizuar operacionin e koduar “Meantime”, duke goditur një rast të shitjes së lëndëve narkotike në qytet. Si rezultat i këtij operacioni, u arrestua në flagrancë një 30-vjeçar, i dyshuar për shpërndarje të kanabisit.

Sipas njoftimit zyrtar, specialistët e Seksionit për Hetimin e Narkotikëve në Komisariati i Policisë Sarandë ndaluan shtetasin A. M., 30 vjeç, banues në Sarandë, teksa qarkullonte me automjet në qytet. Gjatë kontrollit, atij iu gjet një sasi lënde narkotike kanabis e ndarë në doza, e dyshuar se ishte e destinuar për shitje.

Kontrollet vijuan edhe në banesën e të arrestuarit, ku u sekuestrua një sasi tjetër kanabisi. Në cilësinë e provës materiale u sekuestruan gjithashtu automjeti i përdorur nga i dyshuari dhe një peshore elektronike.

Materialet procedurale i janë referuar Prokurorisë Sarandë për veprime të mëtejshme ligjore.

The post Sarandë | Operacion antidrogë, arrestohet 30-vjeçari me kanabis gati për shitje appeared first on Saranda News.

Një konflikt i dhunshëm mes disa shtetasve në lagjen “Baba Rexhepi” në Sarandë ka përfunduar me dy persona të plagosur, por jashtë rrezikut për jetën, ndërsa Policia ka arrestuar dy autorë të dyshuar dhe ka shpallur në kërkim një tjetër.

Sipas Policisë, ngjarja u raportua në orët e para të mëngjesit të sotëm, pas së cilës shërbimet e Komisariatit të Policisë Sarandë ndërhynë menjëherë në vendngjarje për të zbardhur rrethanat dhe për të identifikuar autorët.

Si rezultat i veprimeve të shpejta policore, u arrestuan shtetasit M. H., 24 vjeç dhe Xh. S., 27 vjeç, ndërsa u identifikua dhe u shpall në kërkim shtetasi F. Gj.
Sipas hetimeve paraprake, dyshohet se shtetasit A. Gj., M. H. dhe Xh. S. kanë shkuar në banesën e shtetasit B. Q., ku për motive të dobëta kanë ushtruar dhunë ndaj shtetasve E. Q., B. Q. dhe A. Q., duke i goditur me sende të forta (shkopinj) dhe me mjet prerës.

Si pasojë e sulmit, janë plagosur shtetasit E. Q. dhe A. Gj., të cilët ndodhen jashtë rrezikut për jetën dhe po marrin ndihmën e nevojshme mjekësore.

Policia njofton se vijon punën për kapjen e shtetasit F. Gj., ndërsa në bashkëpunim me Prokurorinë po punohet për dokumentimin e plotë të rrethanave të ngjarjes.
Materialet procedurale i janë referuar Prokurorisë për veprime të mëtejshme ligjore, për veprën penale “Plagosja e rëndë me dashje”, kryer në bashkëpunim.

The post Konflikt i dhunshëm në lagjen “Baba Rexhepi” në Sarandë: 2 të plagosur, arrestohen 2 persona dhe 1 në kërkim appeared first on Saranda News.

Policia Kufitare në PKK Port Sarandë ka goditur një rast të mosdeklarimit të parave në kufi, duke proceduar penalisht një shtetas grek, i cili tentoi të dilte me traget nga Shqipëria me 45 000 euro, pa i deklaruar në përputhje me detyrimet ligjore.

Sipas njoftimit zyrtar të Policisë, shërbimet e Policisë Kufitare, gjatë kontrolleve të vazhdueshme me qëllim parandalimin, evidentimin dhe goditjen e paligjshmërive, kanë konstatuar se shtetasi mbante në çantën e tij shumën prej 45 mijë eurosh, të cilat po tentonte t’i nxirrte nga territori i Republikës së Shqipërisë pa i deklaruar.

Në vijim të veprimeve procedurale, materialet janë referuar Prokurorisë, ku ka nisur procedimi penal ndaj shtetasit grek G. V., banues në Greqi. Shuma e parave është sekuestruar në cilësinë e provës materiale.

Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme, për veprën penale “Mosdeklarimi në kufi i të hollave dhe i sendeve me vlerë”, thuhet në njoftimin e Policisë.

The post U nis nga Saranda për në Korfuz me 45,000 euro në çantë, procedohet penalisht appeared first on Saranda News.

Një tjetër rast i kultivimit të bimëve narkotike në ambiente të mbyllura është zbuluar këtë të martë në Sarandë. Burime paraprake bëjnë me dije se Policia ka ndërhyrë në lagjen nr. 2 të qytetit, në kryqëzimin e rrugëve “Adem Sheme” dhe “Pandeli Boçari”, ku dyshohet se funksiononte një tjetër e ashtuquajtur “shtëpi bari”.

Sipas informacioneve të para, bëhet fjalë për një apartament në një pallat disakatësh, i cili ishte përshtatur posaçërisht për kultivimin e brendshëm të bimëve të marijuanës. Ambienti dyshohet se ishte i pajisur me infrastrukturë të dedikuar për ndriçim dhe ventilim artificial, tipike për këtë lloj aktiviteti të paligjshëm.

Operacioni policor është ende në vijim, ndërsa në vendngjarje ndodhen forca të shumta policie. Deri në këto momente nuk ka një njoftim zyrtar mbi persona të shoqëruar apo të arrestuar, ndërsa pritet që autoritetet të dalin me një komunikatë zyrtare në orët në vijim.

Saranda Web do të sjellë detaje të reja sapo të konfirmohen nga burime zyrtare.

The post Zbulohet një tjetër “shtëpi bari” në lagjen nr. 2 në Sarandë – Operacioni policor në vijim appeared first on Saranda News.

Policia njofton se specialistët për Hetimin e Krimeve në Komisariatin e Policisë Sarandë arrestuan në flagrancë shtetasit L. B., 79 vjeç, dhe P. B., 73 vjeçe, bashkëshortë, banues në Sarandë.

Arrestimi i tyre u krye pasi dyshohen se për motive të dobëta, kanë dëmtuar me mjet prerës (thikë), në pjesën e dorës, një shtetas të mitur, si dhe nuk janë bindur urdhrit të punonjësve të Policisë për shoqërim.

Në kuadër të këtij rasti është proceduar penalisht edhe shtetasi E. B., 39 vjeç, (djali i çiftit të bashkëshortëve), pasi dyshohet se ka kanosur gjithashtu të miturin me mjet prerës.

Shkak i sherrit ishte pretendimi i tyre se fëmija 6-vjeçar u shante fëmijët e tyre.

Materialet iu referuan Prokurorisë Sarandë, për veprime të mëtejshme.

The post Arrestohen 2 të moshuar në Sarandë, plagosën me thikë një të mitur: Na shante fëmijët appeared first on Saranda News.