Një automjet është përfshirë nga flakët në orët e para të mëngjesit të sotëm në lagjen nr. 4 të qytetit të Sarandës, duke shkaktuar dëme materiale.

Sipas informacionit paraprak të referuar nga Policia, zjarri ka rënë në një automjet të parkuar, në pronësi të shtetasit A. P. Fatmirësisht nuk raportohet për persona të lënduar, ndërsa mjeti ka pësuar dëmtime si pasojë e flakëve.

Autoritetet bëjnë me dije se po vijon puna për zbardhjen e plotë të rrethanave të këtij rasti, si dhe për identifikimin dhe kapjen e autorëve të mundshëm.

The post Digjet një automjet në orët e para të mëngjesit, Policia në kërkim të autorëve appeared first on Saranda News.

FOTO ILUSTRUESE

Sipas njoftimit zyrtar, specialistët e Seksionit të Trafikut Urban dhe Interurban në Komisariatin e Policisë Sarandë kanë vënë në pranga një shtetas 48-vjeçar, banues në Ksamil, i identifikuar me inicialet A. K.

Ngjarja ka ndodhur në rrugën “Hasan Tahsini”, ku 48-vjeçari, duke drejtuar automjetin në gjendje të dehur, ka aksidentuar një fëmijë 2 vjeç.

I mituri është transportuar në Spitalin e Sarandës, ku ndodhet nën kujdesin e mjekëve.

Policia vijon veprimet për dokumentimin e plotë të ngjarjes. Saranda Web

The post Drejtonte mjetin i dehur dhe aksidenton një fëmijë 2 vjeç, arrestohet nga Policia appeared first on Saranda News.

Sipas informacionit paraprak, ngjarja ka ndodhur rreth orës 02:00 pas mesnate, ku një sasi eksplozivi është vendosur në murin rrethues të një banese private. Shpërthimi është konstatuar në orët e mëngjesit nga pronarja e banesës, shtetasja me inicialet S. I., e cila ka njoftuar menjëherë policinë.

Forcat e Policisë Sarandë kanë mbërritur në vendngjarje dhe kanë nisur hetimet për zbardhjen e plotë të rrethanave, si dhe po punojnë për mbledhjen e provave.

Deri më tani nuk dihen motivet e kësaj ngjarjeje, ndërsa hetimet vijojnë.

The post Shpërthim tritoli gjatë natës në Berdenesh, Sarandë – VIDEO appeared first on Saranda News.

Një 77-vjeçar është ndaluar nga Policia e Sarandës, pasi dyshohet se ka përndjekur dhe ngacmuar sek,sualisht një vajzë të mitur në qytet.

Sipas njoftimit zyrtar, specialistët e Seksionit për Hetimin e Krimeve në Komisariatin e Policisë Sarandë kanë bërë ndalimin e shtetasit V. Q., 77 vjeç, banues në Sarandë.

Nga hetimet paraprake dyshohet se i moshuari ka përndjekur dhe ngacmuar sek,sualisht një vajzë të mitur, ndërsa kjo e fundit, gjatë intervistimit në prani të psikologut, ka deklaruar se ngjarja ka ndodhur teksa ajo po lëvizte në këmbë në rrugën “Flamuri”.

Materialet procedurale janë referuar në organet kompetente për vijimin e veprimeve të mëtejshme, ndërsa hetimet për zbardhjen e plotë të rastit vijojnë.

The post 77-vjeçari ndalohet nga Policia, u denoncua nga një e mitur për përndjekje dhe ngacmim sek,sual appeared first on Saranda News.

Policia Kufitare e Sarandës ka finalizuar me sukses operacionin e koduar “Distanca”, duke goditur një rast të dhënies së ndihmës për kalim të paligjshëm të kufijve, ndërsa një 27-vjeçar ka rënë në pranga.

Sipas njoftimit zyrtar të policisë, në kuadër të kontrolleve intensive dhe punës hetimore të zhvilluar për parandalimin e paligjshmërive në kufi, shërbimet policore kanë ndërhyrë gjatë natës në fshatin Xarrë, ku kanë kapur në flagrancë shtetasin E. Y., 27 vjeç, banues në Patos.

Nga veprimet hetimore rezulton se i riu transportonte me automjet, kundrejt pagesës, 13 emigrantë nga Egjipti, të cilët dyshohet se kishin hyrë ilegalisht në territorin shqiptar nga kufiri me Greqinë, me qëllim vijimin e udhëtimit drejt vendeve të Bashkimit Europian.

Automjeti i përdorur për transportin e emigrantëve është sekuestruar në cilësinë e provës materiale, ndërsa hetimet vijojnë për të dokumentuar plotësisht këtë veprimtari kriminale dhe për të identifikuar persona të tjerë të përfshirë.

Materialet procedurale i janë referuar Prokurorisë së Sarandës, për veprën penale “Ndihma për kalim të paligjshëm të kufijve”.

The post Policia aksion gjatë natës në Sarandë, ndalon 13 egjiptianë dhe arreston drejtuesin e mjetit appeared first on Saranda News.

Sarandë – Specialistët e Seksionit të Trafikut Urban dhe Interurban pranë Komisariatit të Policisë Sarandë kanë arrestuar në flagrancë një shtetas të shpallur në kërkim, i cili disa ditë më parë nuk i ishte bindur urdhrit të punonjësve të Policisë për të ndaluar automjetin.

Sipas njoftimit zyrtar të Policisë, në pranga ka rënë shtetasi M. K., 29 vjeç, banues në Salari, Tepelenë. Ky shtetas ishte shpallur në kërkim pasi më datë 24 mars 2026, gjatë një kontrolli rrugor, nuk i është bindur sinjalit të Policisë për të ndaluar dhe është larguar me automjet.

Gjatë verifikimeve të kryera pas identifikimit dhe kapjes së tij, rezultoi se 29-vjeçari nuk ishte i pajisur me leje drejtimi.

Policia vijon procedurat për dokumentimin e plotë të rastit, ndërsa materialet i janë referuar Prokurorisë për veprime të mëtejshme.

The post Nuk iu bind urdhrit të Policisë dhe u largua me automjet, arrestohet 29-vjeçari në Sarandë appeared first on Saranda News.

Specialistët për Hetimin e Krimeve në Komisariatin e Policisë Sarandë kanë referuar materialet në Prokurori, duke nisur procedimin penal ndaj tre shtetasve për ndërtime të paligjshme në zona të ndryshme të qytetit.

.

.

Sipas njoftimit zyrtar të Policisë, procedimi ka nisur për shtetasin F. S., 43 vjeç, banues në Sarandë, i cili dyshohet se ka ndërtuar pa leje një objekt në lagjen nr. 1.

.

Në të njëjtën linjë, është proceduar edhe shtetasi A. S., 66 vjeç, banues në Sarandë, pasi ka ndërtuar pa leje një mur në tokë publike, duke cenuar hapësirën që i përket komunitetit.

.

Ndërkohë, nën hetim është vendosur edhe shtetasi E. S., 47 vjeç, i cili dyshohet se ka kryer ndërtime pa leje në hotelin në pronësi të tij, po në lagjen nr. 1 të qytetit.

.

Materialet procedurale janë referuar në Prokurori për veprime të mëtejshme, ndërsa hetimet vijojnë për zbardhjen e plotë të rasteve.

.

The post Akuzohen për ndërtim pa leje, procedohen penalisht 3 shtetas në Sarandë appeared first on Saranda News.

Një 54-vjeçare nga Ksamili është shpallur në kërkim nga Policia e Sarandës, pasi akuzohet për veprën penale “Ndërtimi i paligjshëm”.

Sipas njoftimit zyrtar të policisë, specialistët për Hetimin e Krimeve të Komisariatit të Policisë Sarandë kanë shpallur në kërkim shtetasen me inicialet M. P., 54 vjeçe, banuese në Ksamil, e dyshuar për ndërtim të paligjshëm.

Autoritetet bëjnë me dije se po vijon puna për lokalizimin dhe kapjen e saj, ndërsa materialet procedurale i janë referuar organeve kompetente për veprime të mëtejshme.

Policia thekson se kontrollet dhe verifikimet në terren vijojnë, në kuadër të luftës kundër ndërtimeve të paligjshme në zonën e Sarandës dhe Ksamilit.

The post Shpallet në kërkim një 54-vjeçare nga Ksamili. Policia: punohet për kapjen e saj appeared first on Saranda News.

Policia e Sarandës ka arrestuar në flagrancë një 49-vjeçar të dyshuar për vjedhje të sendeve personale të një shtetaseje. Specialistët e Seksionit për Hetimin e Krimeve në Komisariatin e Policisë Sarandë arrestuan shtetasin A. M., 49 vjeç, banues në Sarandë, i dyshuar për veprën penale “Vjedhja”.

Sipas policisë, më datë 5 mars 2026 një shtetase ka bërë kallëzim se këtij shtetasi i kishte vjedhur një valixhe dhe një çantë, në të cilat ndodheshin sende personale, rroba, një shumë monetare dhe një kompjuter laptop.

Pas kallëzimit, policia ka ndërmarrë veprime të menjëhershme hetimore dhe operacionale, duke bërë të mundur identifikimin, lokalizimin dhe arrestimin e autorit të dyshuar.

Gjatë kontrollit të ushtruar në banesën e tij, uniformat blu gjetën sendet e vjedhura, të cilat u sekuestruan në cilësinë e provës materiale.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë për veprën penale “Vjedhja”. Saranda Web

The post I vodhi një gruaje valixhen, çantën dhe laptopin – arrestohet në flagrancë nga Policia appeared first on Saranda News.

Policia e Sarandës njofton se ka ndërmarrë një sërë veprimesh procedurale gjatë kontrolleve të fundit në territor, duke çuar 1 në pranga, 2 në ndjekje penale dhe 1 në kërkim.

Sipas komunikatës zyrtare të Policisë së Shtetit, specialistët e Seksionit të Trafikut Urban dhe Interurban të Komisariatit të Policisë Sarandë arrestuan në flagrancë shtetasin I. M., 40 vjeç, banues në Korçë. Ai u ndalua pasi u konstatua duke drejtuar automjetin në gjendje të dehur, duke rrezikuar sigurinë në rrugë.

Ndërkohë, specialistët e Seksionit për Hetimin e Krimeve referuan materialet në Prokurori, ku nisi procedimi penal për dy shtetas të tjerë.

A. M., 19 vjeç, banues në Sarandë, u procedua pasi gjatë kontrollit fizik nga shërbimet e Policisë iu gjet një sasi e vogël lënde e dyshuar narkotike, Cannabis Sativa.

Po ashtu, procedim penal nisi edhe për shtetasin A. G., banues në Sarandë, pas kallëzimit të shtetases A. A., e cila deklaroi se ai ka tentuar të vjedhë një celular në dyqanin ku ajo punon.

Në vijim të veprimeve, Policia referoi materialet në Prokurori dhe shpalli në kërkim shtetasin A. P., 59 vjeç, banues në Sarandë, pasi dyshohet se ka kryer punime ndërtimi në hotelin e tij pa lejen përkatëse nga organet kompetente.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, e cila do të vijojë me veprimet e mëtejshme ligjore.

The post 1 në pranga, 2 në ndjekje penale dhe 1 në kërkim nga Policia e Sarandës appeared first on Saranda News.