Në një deklaratë publike, Gani Islamaj, pronar i një objekti 3-katësh në Sarandë, shprehet se njoftimi i AMP-së dhe pasqyrimi i tij në media kanë përmbajtur të dhëna të pavërteta që, sipas tij, cenojnë imazhin e tij dhe rëndojnë padrejtësisht pozitën ligjore të djalit të tij.

Islamaj deklaron se objekti në fjalë është pronë e tij e regjistruar me dokumentacion të rregullt dhe se disponon certifikata pronësie, leje zhvillimi dhe leje ndërtimi të miratuara nga Bashkia Sarandë. Ai thekson se hoteli funksionon ligjërisht, ka NIPT aktiv dhe markë tregtare të regjistruar.

Sipas tij, pretendimet e ngritura nga organet hetimore krijojnë një pasqyrë të shtrembëruar të realitetit juridik dhe faktik, ndërsa akuzon institucionet se po ndikojnë në opinionin publik në prag të shqyrtimit të çështjes në apel.

Në deklaratën e tij, Islamaj pretendon gjithashtu se në pronën e tij janë kryer disa kontrolle pa u njoftuar si pronar dhe se punonjës të AMP-së kanë hyrë në objekt mbi bazën e urdhrave verbalë të prokurorëve.

Ai bën të ditur se do të publikojë dokumentacionin përkatës të pronës, përfshirë lejet e ndërtimit dhe certifikatat e pronësisë, ndërsa paralajmëron se do të ndjekë të gjitha rrugët ligjore për mbrojtjen e dinjitetit, pronës dhe të drejtave të tij.

Në përfundim, Gani Islamaj i bën thirrje AMP-së dhe Prokurorisë të respektojnë dokumentacionin zyrtar dhe parimin e procesit të rregullt ligjor, duke kërkuar që të mos publikohen, sipas tij, informacione të pavërteta që ndikojnë në perceptimin publik të çështjes. Saranda Web

The post Flet babai i oficerit të Policisë të arrestuar nga AMP: Pretendimet janë të pavërteta, hoteli është i ligjshëm appeared first on Saranda News.

Policia e Sarandës ka sqaruar se objekti që u gjet mëngjesin e kësaj të mërkure në një lulishte të shëtitores “Naim Frashëri”, mbi plazhin “Centrali”, nuk ishte armë zjarri. Sipas burimeve policore, pas verifikimeve dhe ekzaminimeve të kryera, objekti i gjetur rezultoi të ishte një armë imituese që përdor sfera plastike dhe jo një pistoletë e vërtetë.

Nga kontrolli i specialistëve ka rezultuar se arma lodër kishte ngjashmëri pothuajse perfekte me një armë zjarri të tipit pistoletë, çka bëri që në momentin e parë të dyshohej se bëhej fjalë për një armë të vërtetë.

Objekti ishte pikasur në orët e para të mëngjesit nga efektivë të Policisë Bashkiake të Sarandës, të cilët njoftuan menjëherë Policinë e Shtetit dhe siguruan zonën deri në mbërritjen e grupit hetimor.

Pas sqarimit të rrethanave, rezulton se nuk ka elementë që lidhen me përdorimin e një arme zjarri, ndërsa rasti është dokumentuar nga autoritetet përkatëse. Saranda Web

Gjendet një pistoletë mes luleve në shëtitoren e Sarandës, Policia në kërkim të “pronarit”

The post Policia sqaron situatën: Pistoleta që gjetën policët e bashkisë ishte lodër appeared first on Saranda News.

Sipas njoftimit të Policisë, gjatë kontrolleve dhe patrullimeve të shtuara përgjatë vijës bregdetare, shërbimet e Policisë Kufitare konstatuan mjetin lundrues brenda hapësirës së dedikuar për pushuesit, duke krijuar rrezik për jetën dhe sigurinë e tyre.

Pas verifikimeve dhe procedurave administrative, ndaj drejtuesit të mjetit u vendos një masë administrative prej 500.000 lekësh të rinj (5 milionë lekë të vjetër), ndërsa mjeti lundrues u bllokua nga autoritetet.

Policia e Shtetit thekson se kontrollet në bregdet do të vijojnë gjatë gjithë sezonit turistik, me fokus garantimin e sigurisë së pushuesve dhe respektimin e rregullave të lundrimit.

Autoritetet u bëjnë thirrje të gjithë përdoruesve të mjeteve lundruese dhe subjekteve që operojnë me to të respektojnë perimetrat e sigurisë dhe të shmangin hyrjen në zonat e përcaktuara për pushuesit.

Gjithashtu, Policia kujton se edhe në plazhet ku perimetrat e sigurisë nuk janë vendosur ende, mjetet lundruese nuk duhet të afrohen pranë bregut apo të kryejnë manovra në zonat ku ka pushues, për të shmangur çdo rrezik për jetën dhe sigurinë e qytetarëve. Saranda Web 

The post Policia bllokon një varkë në Krorëz. I vendos edhe gjobë 5 milionë lekë – VIDEO appeared first on Saranda News.

Sipas informacioneve paraprake, rreth orës 04:00 të mëngjesit në urgjencën e Spitalit të Sarandës është paraqitur i plagosur A. Ç. 51 vjeç. Ai kishte marrë një goditje me thikë në mushkërinë e majtë, duke pësuar dëmtime serioze.

Mjekët e Spitalit të Sarandës i kanë dhënë ndihmën e parë të specializuar, por për shkak të gjendjes së rëndë shëndetësore është vendosur transferimi i tij i menjëhershëm me autoambulancë drejt Spitalit të Traumës në Tiranë për trajtim më të avancuar.

Ndërkohë, shërbimet e Policisë kanë nisur hetimet për zbardhjen e plotë të rrethanave të ngjarjes, identifikimin e autorit dhe dokumentimin e shkaqeve që çuan në plagosjen e 51-vjeçarit.

Pritet që në vijim autoritetet të japin më shumë detaje lidhur me këtë ngjarje të rëndë të ndodhur në Sarandë. Saranda Web

The post Plagoset me thikë 51-vjeçari në Sarandë, niset në gjendje të rëndë drejt Tiranës appeared first on Saranda News.

Sipas njoftimit zyrtar, Prokuroria pranë Gjykatës së Shkallës së Parë të Juridiksionit të Përgjithshëm Sarandë ka firmosur urdhrat e ekzekutimit për veprat penale “Shpërdorimi i detyrës”, “Mosmarrja e masave për ndërprerjen e gjendjes së paligjshmërisë” dhe “Ndërtimi i paligjshëm”, kryer në bashkëpunim dhe më shumë se një herë.

Hetimet lidhen me procedimin penal nr. 304 të vitit 2026 dhe përfshijnë zyrtarë të Inspektoriatit Vendor të Mbrojtjes së Territorit në Bashkinë Sarandë, punonjës të Komisariatit të Policisë Sarandë dhe persona të përfshirë në sektorin e ndërtimit.

Deri tani janë ekzekutuar masat e sigurisë për katër persona. Mes tyre është një ish-shef i Seksionit të Krimeve në Komisariatin e Policisë Sarandë, ndaj të cilit është caktuar masa “arrest në shtëpi”, si dhe dy inspektorë të policimit në komunitet, për të cilët gjykata ka vendosur “arrest në burg”. Po ashtu, është arrestuar edhe pronari i hotelit “Oasis”, i dyshuar për ndërtim të paligjshëm.

Burime pranë hetimit bëjnë me dije se tetë personat e tjerë ndaj të cilëve janë lëshuar masa sigurie nuk janë gjetur në banesat e tyre dhe dyshohet se janë larguar për t’iu shmangur arrestimit.

Prokuroria e Sarandës deklaron se puna vijon për lokalizimin dhe ekzekutimin e masave të mbetura, ndërsa operacioni konsiderohet një nga aksionet më të forta kundër paligjshmërisë dhe abuzimit me detyrën në jug të vendit. Saranda Web

The post Prokuroria Sarandë: Lëshuam 12 urdhër-arreste, por vetëm 4 u kapën. Të tjerët ikën në drejtim të paditur appeared first on Saranda News.

Sipas Policisë së Shtetit, dy shtetasit e huaj kishin krijuar faqe interneti identike me faqen zyrtare të Postës Shqiptare, duke dërguar SMS me linqe mashtruese për të përvetësuar të dhënat personale dhe bankare të qytetarëve. Përmes kësaj skeme synohej përfitimi i paligjshëm i shumave monetare nga llogaritë bankare të viktimave.

Operacioni i koduar “Posta e Rreme 2” u finalizua nga Strukturat për Hetimin e Krimeve Kibernetike, në bashkëpunim me Komisariatin e Policisë Sarandë. Gjatë ndërhyrjes u ndalua shtetasi francez me inicialet Z. K., 22 vjeç, ndërsa u shpall në kërkim shtetasi gjerman T. M., 53 vjeç.

Blutë sekuestruan telefona celularë, karta SIM, karta bankare, dokumente të ndryshme dhe sende të tjera që dyshohet se përdoreshin në këtë veprimtari kriminale.

Policia bën me dije se në raste të mëparshme disa qytetarë kanë rënë pre e kësaj skeme mashtrimi, duke humbur para pasi kanë vendosur të dhënat e tyre bankare në faqet e falsifikuara.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë për hetime të mëtejshme, për veprën penale “Falsifikimi kompjuterik”.

Policia e Shtetit u bën thirrje qytetarëve të mos klikojnë në linqe të dyshimta të dërguara përmes SMS-ve, email-eve apo rrjeteve sociale, të verifikojnë adresat zyrtare të institucioneve dhe të mos japin asnjëherë të dhëna bankare apo fjalëkalime në faqe të paverifikuara. Gjithashtu, çdo rast i dyshuar mashtrimi online duhet të raportohet menjëherë pranë autoriteteve. Saranda Web

The post Skemë mashtrimi online në Sarandë, 1 në pranga dhe 1 në kërkim. Sekuestrohen karta bankare dhe celularë appeared first on Saranda News.

Drejtori i Përgjithshëm i Policisë së Shtetit, Skënder Hita, zhvilloi një takim me strukturat e Komisariatit të Policisë Sarandë dhe drejtues të Drejtorisë Vendore të Policisë Vlorë, ku kërkoi reagim të menjëhershëm për përmirësimin e situatës së sigurisë dhe rikthimin e besimit të qytetarëve te Policia.

Gjatë fjalës së tij, Hita u shpreh se situata në Sarandë është e papranueshme dhe mbajti përgjegjëse strukturat vendore për gjendjen aktuale. Ai kërkoi reflektim të menjëhershëm, profesionalizëm dhe reagim më të fortë ndaj kriminalitetit, duke theksuar se çdo punonjës policie që favorizon apo mban lidhje me grupet kriminale do të përjashtohet nga radhët e Policisë dhe do të përballet me drejtësinë.

“Është e papranueshme situata në Sarandë dhe kjo është përgjegjësi e drejtpërdrejtë e Drejtorisë Vendore të Policisë Vlorë. Kërkohet reflektim, përgjegjësi dhe rikthim i besimit të qytetarëve te Policia”, mësohet të ketë deklaruar ai.

Drejtori i Përgjithshëm kërkoi që strukturat policore të godasin me forcë grupet kriminale, armëmbajtjen pa leje, trafikun e narkotikëve dhe çdo aktivitet që cenon rendin dhe sigurinë publike. Një tjetër fokus i rëndësishëm ishte edhe lufta kundër ndërtimeve pa leje, për të cilat Hita kërkoi koordinim të plotë me institucionet përgjegjëse për mbrojtjen e territorit.

Në takim u diskutua edhe për sigurinë në shkolla, të cilën ai e cilësoi si “prioritet mbi prioritete”, duke kërkuar angazhim maksimal deri në përfundim të vitit shkollor për mbrojtjen e nxënësve dhe parandalimin e fenomeneve kriminale pranë institucioneve arsimore.

Gjithashtu, Hita kërkoi më shumë kontrolle nga Policia Rrugore ndaj parkimeve të gabuara, automjeteve të modifikuara dhe shkeljeve që krijojnë kaos në qarkullim, ndërsa Forca e Posaçme “Shqiponja” u urdhërua të rrisë prezencën në terren për goditjen e elementëve kriminalë dhe rritjen e sigurisë në qytet.

Një mesazh të fortë ai dha edhe për efektivët e Policisë, duke deklaruar se çdo kërcënim apo presion nga grupet kriminale duhet të denoncohet menjëherë.

“Çdo kërcënim apo presion ndaj punonjësve të Policisë duhet të denoncohet menjëherë dhe do të përballet me forcën e ligjit”, theksoi Hita.

Në prag të sezonit turistik, Drejtori i Përgjithshëm kërkoi angazhim maksimal nga të gjitha strukturat policore për garantimin e rendit dhe sigurisë, si dhe ofrimin e një shërbimi profesional për qytetarët dhe turistët vendas e të huaj.

Në përfundim të takimit, ai theksoi se Policia e Sarandës duhet të rikthehet në standardet që qytetarët meritojnë, përmes profesionalizmit, reagimit në kohë dhe zbatimit të paanshëm të ligjit. Saranda Web

The post Skënder Hita takim në Policinë e Sarandës: Denonconi çdo kërcënim apo presion që ju bëjnë bandat appeared first on Saranda News.

Drejtori i Përgjithshëm i Policisë së Shtetit, Skënder Hita, zhvilloi një takim me strukturat e Komisariatit të Policisë Sarandë dhe drejtues të Drejtorisë Vendore të Policisë Vlorë, ku kërkoi reagim të menjëhershëm për përmirësimin e situatës së sigurisë dhe rikthimin e besimit të qytetarëve te Policia.

Gjatë fjalës së tij, Hita u shpreh se situata në Sarandë është e papranueshme dhe mbajti përgjegjëse strukturat vendore për gjendjen aktuale. Ai kërkoi reflektim të menjëhershëm, profesionalizëm dhe reagim më të fortë ndaj kriminalitetit, duke theksuar se çdo punonjës policie që favorizon apo mban lidhje me grupet kriminale do të përjashtohet nga radhët e Policisë dhe do të përballet me drejtësinë.

“Është e papranueshme situata në Sarandë dhe kjo është përgjegjësi e drejtpërdrejtë e Drejtorisë Vendore të Policisë Vlorë. Kërkohet reflektim, përgjegjësi dhe rikthim i besimit të qytetarëve te Policia”, mësohet të ketë deklaruar ai.

Drejtori i Përgjithshëm kërkoi që strukturat policore të godasin me forcë grupet kriminale, armëmbajtjen pa leje, trafikun e narkotikëve dhe çdo aktivitet që cenon rendin dhe sigurinë publike. Një tjetër fokus i rëndësishëm ishte edhe lufta kundër ndërtimeve pa leje, për të cilat Hita kërkoi koordinim të plotë me institucionet përgjegjëse për mbrojtjen e territorit.

Në takim u diskutua edhe për sigurinë në shkolla, të cilën ai e cilësoi si “prioritet mbi prioritete”, duke kërkuar angazhim maksimal deri në përfundim të vitit shkollor për mbrojtjen e nxënësve dhe parandalimin e fenomeneve kriminale pranë institucioneve arsimore.

Gjithashtu, Hita kërkoi më shumë kontrolle nga Policia Rrugore ndaj parkimeve të gabuara, automjeteve të modifikuara dhe shkeljeve që krijojnë kaos në qarkullim, ndërsa Forca e Posaçme “Shqiponja” u urdhërua të rrisë prezencën në terren për goditjen e elementëve kriminalë dhe rritjen e sigurisë në qytet.

Një mesazh të fortë ai dha edhe për efektivët e Policisë, duke deklaruar se çdo kërcënim apo presion nga grupet kriminale duhet të denoncohet menjëherë.

“Çdo kërcënim apo presion ndaj punonjësve të Policisë duhet të denoncohet menjëherë dhe do të përballet me forcën e ligjit”, theksoi Hita.

Në prag të sezonit turistik, Drejtori i Përgjithshëm kërkoi angazhim maksimal nga të gjitha strukturat policore për garantimin e rendit dhe sigurisë, si dhe ofrimin e një shërbimi profesional për qytetarët dhe turistët vendas e të huaj.

Në përfundim të takimit, ai theksoi se Policia e Sarandës duhet të rikthehet në standardet që qytetarët meritojnë, përmes profesionalizmit, reagimit në kohë dhe zbatimit të paanshëm të ligjit. Saranda Web

The post Skënder Hita në Sarandë: Çdo polic i lidhur me bandat do arrestohet dhe do përjashtohet nga Policia appeared first on Saranda News.

Sipas komunikatës së Prokurorisë Sarandë, bëhet fjalë për shtetasin Edmond Ruçi, oficer në Komisariatin e Policisë Sarandë, ndaj të cilit rëndon dyshimi për veprën penale “Korrupsioni pasiv i personave që ushtrojnë funksione publike”, parashikuar nga neni 259/2 i Kodit Penal.

Ndalimi i tij erdhi në vijim të hetimeve për procedimin penal nr. 305, datë 19.05.2026, i regjistruar për veprën penale “Prodhimi dhe shitja e narkotikëve”, parashikuar nga neni 283/2 i Kodit Penal, në ngarkim të shtetasve K.D. dhe A.Z.

Gjatë kontrollit të automjetit që drejtohej nga shtetasi A.Z., shërbimet policore gjetën dhe sekuestruan 24 doza me lëndë të dyshuar narkotike cannabis sativa. Dy të dyshuarit u arrestuan në flagrancë, ndërsa hetimet për këtë rast vijojnë ende.

Prokuroria e Sarandës njofton se gjatë hetimit të çështjes kanë lindur dyshime për përfshirje në veprime të kundërligjshme nga oficeri i policisë gjyqësore që po ndiqte rastin. Pas kryerjes së veprimeve hetimore nga prokurori i gatshëm, janë siguruar të dhëna që implikojnë Edmond Ruçin në veprime të dyshuara korruptive.

Për këtë arsye, Prokuroria urdhëroi ndalimin e tij për veprën penale të “Korrupsionit pasiv të personave që ushtrojnë funksione publike”. Ndalimi është ekzekutuar nga shërbimet e Agjencisë së Mbikëqyrjes Policore (AMP), ndërsa hetimet për zbardhjen e plotë të ngjarjes vazhdojnë.

The post Përgjimet për drogë në Sarandë çojnë në ndalimin e oficerit të policisë nga AMP appeared first on Saranda News.

Burime paraprake bëjnë me dije se deri tani është ndaluar nënkomisari Edmond Ruçi, ndaj të cilit rëndojnë dyshime për veprën penale të “shpërdorimit të detyrës”.

Operacioni vijon ende, ndërsa pritet që në vijim të ketë detaje të tjera lidhur me hetimin dhe persona të tjerë të përfshirë. Saranda Web

Përgjimet për drogë në Sarandë çojnë në ndalimin e oficerit të policisë nga AMP

The post Një tjetër oficer i Komisariatit të Policisë Sarandë bie në prangat e AMP appeared first on Saranda News.