Sipas banorëve, kjo situatë jo vetëm dëmton pamjen e zonës, ku shumë prej banesave përdoren për turizëm dhe akomodimin e pushuesve, por përbën edhe rrezik për kalimtarët, veçanërisht gjatë natës, për shkak edhe të mungesës së ndriçimit. Saranda Web

The post Banorët denoncojnë: Kanë çarë rrugët dhe kanë braktisur punimet prej 3 muajsh appeared first on Saranda News.

Vitin e kaluar banorëve u është thënë se fondet e emergjencës ishin shteruar për të përballuar dëmet nga zjarret dhe nuk kishte mundësi për të riparuar rrugën, duke u premtuar se rruga do të rregullohej nga fondet e 2026

Sot shohin rrjetet sociale të mbushura me story dhe video të publikuara nga patronazhistët dhe parazitët e pushtetit që shkuan te koncerti i Kanye West me bileta falas, financuar me 4.2 milionë euro nga fondi i emergjencave.

Banorët e konsiderojnë këtë një fyerje për qytetarët që vazhdojnë të jetojnë me pasojat e fatkeqësive natyrore dhe kërkojnë që paratë publike të përdoren për zgjidhjen e problemeve reale të komuniteteve, jo për luks dhe propagandë. Tetë muaj më pas, rruga mbetet e shkatërruar dhe banorët ende presin ndërhyrjen që u ishte premtuar. Saranda Web

The post Për ne nuk kishte fonde, por për të çuar në koncert parazitët e pushtetit u dhanë 4.2 milionë euro appeared first on Saranda News.

.

.

Sipas ankesës së dërguar në Saranda Web, në hyrje të pallatit është lënë e braktisur dhe e ekspozuar rrjeta metalike e betonit, duke krijuar vështirësi për kalimin e banorëve dhe rrezik potencial për fëmijët, gratë dhe të moshuarit që kalojnë.

.

“Ka rreth 20 ditë që është lënë në këtë gjendje. Pengohen fëmijët, të moshuarit dhe banorët e lagjes. Pranë ndodhen edhe stola ku qëndrojnë qytetarët”, shprehet qytetari që ka përcjellë shqetësimin.

Banorët kërkojnë ndërhyrjen e Bashkisë Delvinë për përfundimin e punimeve dhe eliminimin e çdo rreziku që mund të shkaktohet nga situata aktuale.

.

Saranda Web pret edhe reagimin e institucioneve përgjegjëse lidhur me këtë shqetësim të ngritur nga qytetarët.

.

The post Punimet e braktisura në Delvinë rrezik për fëmijë, gra dhe të moshuar appeared first on Saranda News.

Një shqetësim serioz po ngrihet nga qytetarët e Sarandës lidhur me gjendjen në Spitalin dhe Urgjencën e qytetit, ku sipas denoncimeve të mbërritura në Saranda Web mungojnë jo vetëm medikamentet, por edhe materialet më bazike mjekësore që duhet të jenë pjesë e shërbimit spitalor.

Një qytetare, e cila ka ndjekur për shtatë ditë trajtim me antibiotik në rrugë venoze, tregon se është detyruar të blejë jo vetëm antibiotikun, por edhe aparatin e serumit, ujin fiziologjik për tretjen e medikamentit dhe shiringat.

“Kam marrë mjekim venoz për 7 ditë. Antibiotikun e bleva vetë, por kur shkova për ta bërë në spital më njoftuan se duhej të blija edhe aparatin e serumit, ujin fiziologjik dhe shiringën. Më vjen keq që institucionet mjekësore janë katandisur në këtë gjendje”, shprehet ajo.

Ky nuk është një rast i izoluar. Saranda Web ka marrë edhe më herët ankesa të ngjashme nga qytetarë të tjerë, të cilët në heshtje dhe me dorëzim përballen me të njëjtin realitet, duke paguar nga xhepi materiale që teorikisht duhet të jenë të disponueshme në një institucion shëndetësor publik.

Pyetja që shtrohet është e thjeshtë dhe e drejtë: Ku shkojnë fondet publike për shëndetësinë nëse qytetarët duhet të blejnë vetë edhe materialet më elementare për të marrë një shërbim bazik?

Nëse një qytetar me të ardhura mesatare arrin t’i përballojë këto shpenzime, çfarë ndodh me pensionistët, familjet në ndihmë ekonomike apo personat që nuk kanë as mundësinë minimale financiare për të blerë këto materiale?

Shëndetësia publike duhet të garantojë akses të barabartë për të gjithë qytetarët dhe jo t’i vendosë ata përballë zgjedhjes mes shëndetit dhe pamundësisë ekonomike.

Saranda Web i bën thirrje Drejtorisë së Spitalit të Sarandës, Ministrisë së Shëndetësisë dhe institucioneve përgjegjëse të japin një sqarim publik lidhur me këtë situatë dhe të tregojnë sa është përmasa e problemit dhe çfarë masash do të merren për ta zgjidhur atë.

Reagimi i Spitalit Sarandë pas publikimit në Saranda Web

Pas publikimit të shqetësimit të qytetarëve lidhur me mungesën e materialeve të mjekimit, Drejtoria e Spitalit Sarandë ka dërguar një reagim për Saranda Web.

Sipas sqarimit zyrtar, spitali mohon të ketë mungesa të materialeve mjekësore dhe thekson se janë marrë të gjitha masat për furnizimin e nevojshëm.

“Spitali Sarandë ka marrë të gjitha masat për furnizimin me materiale mjekimi dhe aktualisht nuk ka mungesa”, thuhet në reagim.

Drejtoria sqaron se qytetarët në fjalë kanë kërkuar një shërbim pranë Repartit të Urgjencës, ndërkohë që sipas saj ky shërbim nuk ofrohet në urgjencë, por pranë shërbimit ambulator.

Megjithatë, sipas reagimit zyrtar, qytetarëve u është mundësuar shërbimi i kërkuar dhe janë orientuar që në ditët në vijim ta marrin atë pranë Qendrës Shëndetësore.

“Qytetarët në fjalë kanë kërkuar një shërbim pranë Repartit të Urgjencës, shërbim i cili nuk ofrohet pranë Urgjencës, por pranë shërbimit ambulator. Megjithatë, qytetarëve ju mundësua shërbimi i kërkuar dhe u rekomandua për ditët në vazhdim të marrin shërbim pranë Qendrës Shëndetësore”, përfundon reagimi i Drejtorisë së Spitalit Sarandë.

The post Spitali dhe Urgjenca në Sarandë pa ilaçe: Pacientët detyrohen të blejnë edhe serumin dhe shiringat appeared first on Saranda News.

Pronarë hotelesh, restorantesh, apartamentesh turistike dhe aktivitetesh të tjera të lidhura me turizmin thonë se çdo ditë përballen me mungesë energjie për periudha të konsiderueshme, duke vështirësuar funksionimin normal të bizneseve të tyre.

Sipas tyre, ndërprerjet ndikojnë drejtpërdrejt në shërbimin ndaj klientëve, pasi pajisjet elektrike dalin jashtë funksionit, sistemet e ftohjes dhe ruajtjes së produkteve rrezikojnë të dëmtohen, ndërsa turistët mbeten pa shërbime bazë gjatë qëndrimit të tyre.

“Jemi në mes të sezonit turistik dhe nuk mund të ofrojmë standardin që kërkojnë vizitorët. Kjo situatë po na shkakton humbje ekonomike dhe po dëmton imazhin e destinacionit”, shprehen bizneset në mesazhin e dërguar.

Ata theksojnë se turistët që kanë zgjedhur Sarandën dhe rivierën shqiptare për pushimet e tyre përballen me kushte të papranueshme për një zonë turistike, duke rritur pakënaqësitë dhe ankesat ndaj operatorëve turistikë dhe strukturave akomoduese.

Bizneset kërkojnë ndërhyrje urgjente nga institucionet përgjegjëse dhe një zgjidhje të qëndrueshme për furnizimin me energji elektrike, duke argumentuar se një problem i tillë nuk mund të vazhdojë gjatë periudhës më të rëndësishme ekonomike të vitit për qytetin.

“Turizmi nuk mund të zhvillohet në errësirë. Nevojitet veprim i menjëhershëm”, përfundon reagimi i tyre.

Saranda Web mbetet e hapur për çdo reagim apo sqarim zyrtar nga operatori i shpërndarjes së energjisë elektrike lidhur me këtë shqetësim të ngritur nga bizneset turistike të qytetit.

The post Bizneset turistike në Sarandë në alarm: Ndërprerjet e energjisë po dëmtojnë sezonin turistik appeared first on Saranda News.

Një qytetare, përmes një mesazhi të dërguar në Saranda Web, tregon se është përballur disa herë me të njëjtën situatë gjatë përpjekjeve për të vaksinuar fëmijën e saj. Sipas saj, korridoret e spitalit mbushen që në orët e para të mëngjesit me pacientë, të sëmurë dhe prindër me fëmijë të vegjël, ndërsa personeli mjekësor mungon për orë të tëra.

Ajo shprehet se, duke e ditur se doktoresha nuk paraqitet në orarin zyrtar, është detyruar të shkojë më vonë në spital, por edhe pas orës 09:00 nuk ka mundur ta gjejë në vendin e punës. Ndërkohë, prindërit presin për orë të tëra me fëmijët në krahë, në kushte lodhjeje dhe stresi.

“Nuk është hera e parë. Kam pritur me orë të tëra ndërsa fëmija qan dhe askush nuk jep shpjegim. Edhe kur rikthehem më vonë, më thonë se doktoresha është larguar për mbledhje,” – shprehet qytetarja në mesazhin e saj.

Sipas saj, e njëjta situatë përsëritet vazhdimisht edhe në repartin e pediatrisë, ku shpesh gjenden vetëm infermieret, ndërsa pediatrët mungojnë. Qytetarët marrin justifikime se mjekët “janë larguar për pak” ose “do të vijnë”, por në shumë raste kjo nuk ndodh.

Përballë kësaj situate, prindërit detyrohen të humbasin orë të tëra nga dita e punës dhe, në disa raste, të kërkojnë shërbim në institucione të tjera private apo jashtë Sarandës për të vaksinuar apo trajtuar fëmijët e tyre.

Qytetarja e cilëson këtë situatë si papërgjegjshmëri institucionale dhe kërkon reagim nga drejtuesit e spitalit dhe institucionet përgjegjëse, në mënyrë që të garantohet respektimi i orarit zyrtar dhe ofrimi normal i shërbimeve shëndetësore për qytetarët e Sarandës.

Saranda Web mbetet e hapur për reagimin e Spitalit të Sarandës lidhur me këtë shqetësim të ngritur nga qytetarët. Saranda Web

The post Ankesa për Spitalin e Sarandës: Vonesa, mungesë mjekësh dhe prindër që presin me fëmijët në krahë appeared first on Saranda News.

Banorët e zonës së njohur si “Lugu i Dardhës” në Sarandë kanë ngritur shqetësimin për gjendjen e rënduar të infrastrukturës, duke deklaruar se prej më shumë se 20 vitesh përballen çdo ditë me një rrugë të amortizuar dhe pa ndriçim publik.

Sipas ankesës së dërguar në Saranda Web, segmenti prej rreth 200 metrash është kthyer në një problem serioz për banorët e zonës, ku kalimi bëhet veçanërisht i vështirë gjatë natës për familjarët, fëmijët dhe të moshuarit. Ata shprehen se dëmtimet në rrugë po shkaktojnë vazhdimisht probleme edhe për automjetet, ndërsa mungesa e ndërhyrjes nga institucionet ka sjellë pakënaqësi të madhe në komunitet.

Banorët theksojnë se ndërkohë që pjesë të tjera të lagjes janë shtruar me beton dhe asfalt, madje disa rrugë janë rikonstruktuar edhe dy herë, kjo rrugë vazhdon të mbetet jashtë çdo investimi, edhe pse në zonë jetojnë mbi 15 familje.

Ata kërkojnë nga institucionet përgjegjëse që të ndërhyjnë sa më shpejt për rikonstruksionin e rrugës dhe vendosjen e ndriçimit publik, në mënyrë që banorët të mos vazhdojnë të përballen me të njëjtën problematikë pas më shumë se dy dekadash. Saranda Web

The post Banorët e “Lugut të Dardhës” në Sarandë: Prej 20 vitesh me rrugë të shkatërruar dhe pa ndriçim appeared first on Saranda News.

Vetëm një vit pas përfundimit të investimit në rrugët me mozaik në qendër të Sarandës, degradimi i tyre po bëhet çdo ditë më i dukshëm. Pllakat e dëmtuara, çarjet dhe fundosjet në segmente të ndryshme të rrugëve kanë ngritur shqetësime të forta tek qytetarët dhe bizneset e zonës, të cilët shprehen se investimi i realizuar nga Fondi Shqiptar i Zhvillimit nuk po i reziston kohës.

Saranda Web e ka denoncuar me dhjetra herë këtë problematikë, duke publikuar vazhdimisht pamje nga gjendja alarmante e rrugëve në qendër të qytetit. Sipas qytetarëve, ndërhyrjet e deritanishme kanë qenë vetëm sipërfaqësore dhe pa efekt real.

“Lyerja me çimento të lëngshme nuk zgjidh problemin, thjesht e fsheh disa ditë”, shprehen banorët, ndërsa pas çdo ndërhyrjeje të përkohshme, çarjet dhe dëmtimet rikthehen sërish. Në shumë zona, mozaiku është dëmtuar plotësisht, ndërsa rruga po humbet jo vetëm estetikën, por edhe funksionalitetin e saj.

Pamjet tregojnë qartë se investimi po degradon me ritme të shpejta, ndërsa mungon një zgjidhje përfundimtare për problemin. Banorët kërkojnë transparencë mbi cilësinë e punimeve dhe një ndërhyrje serioze për rikonstruksionin e segmenteve të dëmtuara, përpara se situata të bëhet edhe më problematike në zemër të qytetit. Saranda Web

The post Lyerja me çimento të lëngshme nuk zgjidh problemin, thjesht e fsheh disa ditë – VIDEO appeared first on Saranda News.

Pamjet tregojnë panel elektrik në gjendje alarmante, me kabllo të ekspozuara, lidhje të improvizuara dhe struktura të dëmtuara që, sipas banorëve, prej vitesh vetëm “sajohen” pa u zgjidhur kurrë realisht problemi.

“Vetëm në Sarandë vazhdohet të operohet me sahatë të kohës së Enver Hoxhës. Nuk përdorim dot kondicioner dhe lavatriçe në të njëjtën kohë sepse bie automati. Çdo vit merr flakë dhe vetëm sa e sajojnë”, shprehet qytetari për Saranda Web.

Është e papranueshme që familje të tëra të jetojnë me frikën se një shkëndijë mund të kthehet në tragjedi, ndërkohë që faturat e energjisë paguhen rregullisht dhe qytetarëve u kërkohet korrektësi maksimale. Ndërsa Saranda reklamohet si destinacion turistik europian, shumë banorë vazhdojnë të kenë infrastrukturë elektrike të viteve ’70-80.

Banorët shtrojnë pyetjen: deri kur do të tolerohen këto kushte të rrezikshme? A duhet të ndodhë një zjarr apo një ngjarje e rëndë që institucionet të reagojnë seriozisht?

Qytetarët kërkojnë reagim urgjent dhe investime serioze për zëvendësimin e matësve dhe infrastrukturës së amortizuar elektrike në pallatet e vjetra të Sarandës, përpara se situata të përfundojë në ndonjë ngjarje të rëndë.

Kjo situatë nuk është thjesht shqetësim estetik, por çështje sigurie publike.

Tashmë pritet reagimi i OSHEE Group dhe institucioneve përgjegjëse për të verifikuar urgjentisht rastet dhe për të sqaruar pse në Sarandë vazhdojnë të funksionojnë instalime që rrezikojnë jetën e qytetarëve. Saranda Web

The post “Vetëm sa i sajojnë” – Denoncimi për matësit e vjetër elektrikë ngre alarm në Sarandë appeared first on Saranda News.

Pas denoncimit të banorëve dhe publikimit të pamjeve në Saranda Web, zona e mbushur me mbeturina dhe barishte është pastruar, ndërsa banorët kërkonin prej kohësh ndërhyrje nga institucionet përgjegjëse për mirëmbajtjen dhe pastrimin e territorit.

Një ditë më parë, banorët e Lagjes Nr. 2 kishin ngritur shqetësimin për gjendjen e rënduar pranë tregut industrial, duke denoncuar mungesën e shërbimeve dhe praninë e mbeturinave pranë banesave, çka sipas tyre po krijonte rrezik për shëndetin dhe një situatë të papranueshme për komunitetin.

Saranda Web apelon ndaj Ndërmarrjes së Shërbimeve Publike dhe Bashkisë Sarandë që ndërhyrjet dhe kontrollet në terren të kryhen në mënyrë të vazhdueshme, pa qenë e nevojshme që çdo problematikë të publikohet në media për të sjellë reagimin e institucioneve. Saranda Web

Banorët denoncojnë ndotjen pranë tregut industrial: Paguajmë taksa, por jetojmë mes mbeturinave

The post Pas denoncimit në Saranda Web, Ndërmarrja e Shërbimeve Publike pastron zonën te tregu industrial në Sarandë appeared first on Saranda News.