Një vajzë 10-vjeçare me origjinë shqiptare u plagos gjatë një sulmi me armë ndaj lokalit të babait të saj në lagjen Agios Panteleimonas të Athinës. E mitura ndodhej brenda kafenesë në çastin kur persona që lëviznin me makinë hapën zjarr drejt fasadës. Ngjarja ndodhi rreth orës 23:50 të së premtes, në rrugën “Agorakritou”. Sipas të dhënave paraprake të raportuara nga mediat greke, në automjet ndodheshin katër persona, të cilët qëlluan pa zbritur prej tij dhe më pas u larguan. Në lokal ndodheshin edhe rreth dhjetë klientë.

Ngjarja ndodhi rreth orës 23:50 të së premtes, në rrugën “Agorakritou”. Sipas të dhënave paraprake të raportuara nga mediat greke, në automjet ndodheshin katër persona, të cilët qëlluan pa zbritur prej tij dhe më pas u larguan. Në lokal ndodheshin edhe rreth dhjetë klientë.

Vajza pësoi një plagë në pulpën e këmbës së majtë. Nëna e dërgoi menjëherë në Spitalin e Fëmijëve, ndërsa informacionet e deritanishme tregojnë se ajo është jashtë rrezikut për jetën. Mbetet ende për t’u sqaruar nëse plagosja është shkaktuar drejtpërdrejt nga një plumb apo nga një fragment i shpërndarë gjatë të shtënave.

Automjeti që dyshohet se u përdor nga sulmuesit u gjet më pas i djegur në zonën e Aspropyrgos. Policia greke po shqyrton provat e mbledhura për të identifikuar personat e përfshirë dhe për të përcaktuar motivin. Deri tani nuk është bërë i ditur ndonjë përfundim zyrtar mbi arsyen pse u qëllua ndaj lokalit. Saranda Web

The post Qëllohet me armë drejt lokalit të një shqiptari në Athinë; plagoset vajza e tij 10-vjeçare appeared first on Saranda News.

Një 25-vjeçare është vrarë me thikë mbrëmjen e 20 shtatorit në Igumenicë, ndërsa për krimin dyshohet ish-partneri i saj, 27 vjeç. Sipas raportimeve të mediave greke, i riu ka pranuar më pas para policisë se e kishte goditur 25-vjeçaren pas një debati mes tyre.

E reja u gjet e mbuluar me gjak dhe pa ndjenja pranë një kioske në zonën e shtegut të biçikletave në Igumenicë. Ekipi i urgjencës që mbërriti në vendngjarje konstatoi vdekjen e saj. Viktima kishte marrë një goditje të rëndë me thikë në qafë.

Ishin ndarë një muaj më parë

Sipas informacioneve të deritanishme, 25-vjeçarja dhe 27-vjeçari kishin qenë në një lidhje, por ishin ndarë rreth një muaj më parë.

Në dëshminë e tij, 27-vjeçari mësohet se ka pretenduar se mes tyre kishte pasur një debat për mosmarrëveshje financiare dhe se gjatë konfliktit e kishte goditur të renë me thikë.

Plagosi veten dhe sajoi historinë e sulmit nga katër persona

Një nga elementet që po hetohet lidhet me përpjekjen e dyshuar të 27-vjeçarit për të fshehur atë që kishte ndodhur.

Fillimisht, ai u kishte thënë autoriteteve se ndërsa ndodhej me ish-partneren në shtegun e biçikletave, ishin sulmuar nga katër persona të maskuar, të cilët më pas ishin larguar.

27-vjeçari u gjet edhe vetë me plagë në gjoks. Sipas informacioneve të raportuara nga mediat greke, plagët dyshohet se ia kishte shkaktuar vetes, ndërsa versioni fillestar për sulmin nga katër persona rezultoi i rremë. Rrethanat krijuan dyshime se vetëplagosja ishte pjesë e përpjekjes për ta paraqitur ngjarjen si një sulm ndaj të dyve.

Më pas, sipas raportimeve, 27-vjeçari ndryshoi versionin dhe pranoi se pas debatit kishte goditur me thikë 25-vjeçaren. Ai deklaroi gjithashtu se thikën e kishte hedhur gjatë largimit nga vendi i ngjarjes. Arma e dyshuar e krimit u lokalizua më pas nga policia.

Pas vetëplagosjes së dyshuar, 27-vjeçari telefonoi Qendrën Operacionale të Policisë së Thesprotisë. Ai u transportua fillimisht në urgjencën e Igumenicës dhe më pas në Spitalin e Përgjithshëm të Filiates, ku sipas raportimeve ndodhet jashtë rrezikut për jetën.

Autoritetet greke po vijojnë hetimet për të zbardhur plotësisht motivin dhe dinamikën e vrasjes, si dhe veprimet e 27-vjeçarit pas krimit. Saranda Web

The post Vrau ish-partneren 25-vjeçare dhe plagosi veten për të sajuar një sulm appeared first on Saranda News.

Tre shqiptarët që shihni në foto janë viktimat e aksidentit të rëndë të regjistruar gjatë natës në Glyfada të Athinës. Ngjarja ndodhi rreth orës 02:00 në bulevardin “Poseidonos”, pranë kryqëzimit me rrugën “Kalypsous”, në drejtim të Athinës. Automjeti, në të cilin udhëtonin pesë persona, doli nga rruga dhe u përplas me forcë me një mur betoni pranë një hoteli.

Përplasja ishte tepër e fortë dhe makina u shkatërrua pothuajse tërësisht. Për nxjerrjen e personave të bllokuar u angazhuan tetë efektivë zjarrfikës, tre automjete dhe pajisje të posaçme shpëtimi.

Pavarësisht ndërhyrjes, tre prej personave që ndodheshin në automjet humbën jetën. Sipas të dhënave të para të autoriteteve greke, dy nga viktimat ishin 23 dhe 26 vjeç, ndërsa identiteti i viktimës së tretë nuk ishte publikuar në raportimet fillestare.

Dy pasagjerët e tjerë, të dy 18 vjeç, u transportuan me urgjencë në spital. Njëri prej tyre ndodhet në gjendje kritike dhe është intubuar, ndërsa i riu tjetër ka marrë dëmtime të shumta dhe po mbahet nën kujdesin e mjekëve.

Autoritetet greke kanë nisur hetimet për të përcaktuar shkaqet dhe dinamikën e aksidentit. Mediat vendase raportojnë se po verifikohet mundësia që automjeti të ketë qenë duke lëvizur me shpejtësi të lartë ose në garë me një makinë tjetër.

Po hetohet gjithashtu pretendimi se të rinjtë mund të ishin duke regjistruar një video për TikTok pak përpara përplasjes. Deri tani, asnjëra prej këtyre pistave nuk është konfirmuar zyrtarisht dhe mbetet pjesë e hetimeve. Saranda Web

The post Aksident tragjik në Athinë, humbin jetën tre shqiptarë dhe plagosen dy 18-vjeçarë appeared first on Saranda News.

Një skenë që të kujton filmat aksion është regjistruar mbrëmjen e së premtes në Serres të Greqisë, ku një grup i armatosur rëndë organizoi arratisjen e një 41-vjeçari shqiptar që po transferohej nga burgu i Nigritës drejt spitalit.

Gjithçka ndodhi rreth orës 23:30, në oborrin e Spitalit të Përgjithshëm të Serres, pranë repartit psikiatrik. I burgosuri ndodhej ende brenda furgonit të transportit, nën shoqërimin e punonjësve të sigurisë së burgut, kur në zonë u shfaqën disa automjete.

Në pamje të parë, asgjë nuk ngriti menjëherë alarmin. Automjetet krijonin përshtypjen se i përkisnin policisë. Njëri prej tyre raportohet se ishte një Nissan Navara, i ngjashëm me mjetet që përdorin njësitë speciale greke OPKE dhe i pajisur edhe me një sinjal të vogël.

Pikërisht kjo duket se ka çorientuar për disa çaste shoqëruesit e të burgosurit, të cilët dyshuan se kishin përballë efektivë policie.

Por situata ndryshoi brenda pak sekondash.

Nga automjetet dolën persona të armatosur me kallashnikovë. Nën kërcënimin e armëve, ata neutralizuan shoqëruesit e 41-vjeçarit dhe vunë në zbatim planin e arratisjes. Gjatë aksionit, njërit prej punonjësve të burgut dyshohet se iu mor edhe arma e shërbimit.

41-vjeçari u nxor nga furgoni dhe u largua së bashku me grupin e armatosur. Autorët hipën menjëherë në automjetet e tyre dhe u zhdukën, duke lënë pas një operacion që dyshohet se ishte planifikuar me kujdes.

Ngjarja bëhet edhe më shqetësuese për faktin se në atë moment në ambientet e spitalit ndodheshin edhe dy të burgosur të tjerë, të transportuar atje me një eskortë tjetër.

Sipas informacioneve paraprake, i arratisuri është 41-vjeçar me shtetësi shqiptare, i arrestuar vitin e kaluar nga strukturat greke kundër Krimit të Organizuar. Ai dyshohet se ishte përfshirë në një tentativë vrasjeje në Selanik, pas një incidenti të ndodhur në një lokal, ndërsa emri i tij është lidhur gjithashtu me çështje që kanë të bëjnë me armë dhe lëndë narkotike.

Arratisja ka vënë në alarm autoritetet greke. Menjëherë pas ngjarjes janë ngritur kontrolle dhe kanë nisur kërkime të gjera për kapjen e 41-vjeçarit dhe identifikimin e personave të armatosur që organizuan lirimin e tij.

Deri në informacionet e fundit, si shqiptari i arratisur, ashtu edhe bashkëpunëtorët e tij mbeten në kërkim.

The post Arratisje spektakolare në Greqi: grupi i armatosur me kallashnikovë liron 41-vjeçarin shqiptar appeared first on Saranda News.

Rasti është zbuluar pasi e mitura është paraqitur për një kontroll mjekësor e shoqëruar nga nëna e saj. Gjatë ekzaminimit, mjeku dyshohet se ka konstatuar shenja që ngritën dyshime për abuzim dhe ka vënë në dijeni nënën e fëmijës.

Pas kësaj, nëna iu drejtua autoriteteve policore dhe paraqiti kallëzim, duke vënë në lëvizje hetimet për zbardhjen e plotë të rastit.

Sipas të dhënave paraprake të hetimit, dyshimet e ngritura çuan në arrestimin e 51-vjeçarit. Autoritetet po hetojnë pretendimet se abuzimi ndaj së miturës mund të ketë ndodhur në mënyrë të përsëritur, ndërsa po punohet për të përcaktuar periudhën dhe rrethanat në të cilat dyshohet se kanë ndodhur episodet.

51-vjeçari është paraqitur sot përpara prokurorit, ku ka kërkuar afat për t’u përgatitur dhe për të dhënë shpjegimet e tij lidhur me çështjen. Ai i ka mohuar akuzat e ngritura ndaj tij.

Edhe prindërit e 8-vjeçares kanë depozituar kallëzim penal.

Hetimet vijojnë për të dokumentuar rrethanat e çështjes dhe për të përcaktuar nëse ka prova të tjera që lidhen me akuzat ndaj 51-vjeçarit. Saranda Web

The post Tmerr në Korfuz: 51-vjeçari shqiptar akuzohet për përdhunimin e mbesës së tij 8-vjeçare appeared first on Saranda News.

13 doganierët e përfshirë në çështjen e Doganës së Mavromatit pritet të lënë sot qelitë e burgut, pas vendimit të marrë një ditë më parë nga Këshilli i Apelit për zëvendësimin e masës së paraburgimit me masa kufizuese.

Me këtë vendim merr fund paraburgimi disamujor i 13 të pandehurve, të cilët u arrestuan në korrik të vitit 2025, në kuadër të hetimeve për çështjen që përfshiu punonjës të pikës doganore të Mavromatit, në Thesproti.

Sipas informacioneve, lirimi i tyre do të shoqërohet me disa kushte. Secilit prej të pandehurve i ndalohet largimi nga Greqia, ndërsa do të kenë detyrimin të paraqiten periodikisht pranë një komisariati policie. Gjithashtu, për secilin është përcaktuar një garanci financiare në shumën 3.500 euro.

Në kuadër të kësaj çështjeje u arrestuan gjithsej 14 zyrtarë doganorë, të akuzuar se janë të përfshirë në raste mitmarrjeje, ryshfeti dhe shkelje të detyrës. Pas paraqitjes së tyre përpara autoriteteve gjyqësore, 13 prej tyre u lanë në paraburgim, ndërsa një tjetër ishte liruar që në atë fazë me masa kufizuese.

Hetimi për Doganën e Mavromatit mori vëmendje të madhe në Thesproti, si për shkak të numrit të personave të përfshirë, ashtu edhe për përmasat e dosjes dhe akuzat e ngritura ndaj tyre.

Vendimi për lirimin nga paraburgimi nuk i jep fund çështjes penale. Procedura gjyqësore ndaj të pandehurve do të vijojë deri në shqyrtimin përfundimtar të akuzave dhe marrjen e një vendimi nga drejtësia. Saranda Web

The post Lirohen sot nga qelitë e paraburgimit 13 doganierët grekë të Mavromatit appeared first on Saranda News.

Një 55-vjeçar shqiptar nga Delvina është plagosur me armë zjarri në orët e para të mëngjesit të sotëm në Athinë. I plagosuri është identifikuar si Eduart Mullaj, ndërsa autoritetet greke po hetojnë rrethanat dhe motivin e sulmit.

Ngjarja ka ndodhur rreth orës 05:00 në zonën e Patisia-s, pranë banesës së 55-vjeçarit. Sipas të dhënave të deritanishme, dy persona që lëviznin me një motoçikletë kanë qëlluar ndaj Mullajt dhe më pas janë larguar nga vendi i ngjarjes.

55-vjeçari është plagosur në këmbë dhe është transportuar në spital. Gjendja e tij raportohet jashtë rrezikut për jetën.

Mullaj u ka deklaruar hetuesve se dy personat po tentonin t’i vidhnin motorin dhe se e qëlluan pasi ai reagoi. Megjithatë, mediat greke raportojnë se policia po shqyrton edhe pista të tjera dhe nuk e ka marrë ende si të mirëqenë këtë version.

Në kuadër të hetimeve po verifikohet gjithashtu një episod me të shtëna me armë zjarri të ndodhur rreth një muaj më parë në të njëjtën zonë, ku nuk pati persona të plagosur. Autoritetet po përpiqen të përcaktojnë nëse mes dy ngjarjeve ekziston ndonjë lidhje.

Në vendin ku u qëllua 55-vjeçari janë gjetur tri gëzhoja dhe një predhë, të cilat janë sekuestruar për ekzaminim.

Dëshmitarë nga zona kanë deklaruar se kanë parë dy persona me helmeta duke u larguar pas të shtënave, ndërsa pak më vonë kanë konstatuar 55-vjeçarin të plagosur në rrugë. Banorë të tjerë kanë pohuar se pak përpara incidentit kishin dëgjuar zëra dhe një debat në zonë, por mbetet e paqartë nëse personat e përfshirë në të kishin lidhje me sulmin.

Policia greke vijon hetimet për identifikimin dhe kapjen e autorëve, si dhe për të përcaktuar motivin e plagosjes së Eduart Mullajt, 55-vjeçarit me origjinë nga Delvina. Saranda Web

The post Plagoset me armë 55-vjeçari nga Delvina, policia heton edhe një ngjarje të një muaji më parë appeared first on Saranda News.

Një ngjarje tragjike është regjistruar në zonën kufitare të Thesprotisë, ku një 20-vjeçar nga Kili ka humbur jetën, ndërsa shoku i tij 22-vjeçar është transportuar në spital.

Siç raporton Thespro.gr dy të rinjtë kishin udhëtuar nga Kili drejt Shqipërisë dhe më pas kishin tentuar të kalonin ilegalisht kufirin drejt Greqisë, duke ndjekur një nga shtigjet malore të zonës. Ecja e gjatë dhe temperaturat e larta dyshohet se kanë rënduar gjendjen e tyre shëndetësore. Pasi kishin arritur pranë Sagiadës, 20-vjeçari ka humbur ndjenjat dhe është rrëzuar.

Shoku i tij 22-vjeçar ka arritur të dalë në rrugën kryesore, ku ka ndaluar një kamion dhe i ka kërkuar ndihmë drejtuesit të mjetit. Menjëherë janë njoftuar policia dhe shërbimet e emergjencës, të cilat kanë mbërritur në zonë.

20-vjeçari është transportuar me urgjencë me ambulancë në Spitalin e Filatis, por pavarësisht ndërhyrjes, mjekët kanë konstatuar vdekjen e tij.

Sipas vlerësimeve paraprake, dyshohet se i riu ka humbur jetën si pasojë e dehidratimit dhe goditjes nga nxehtësia, pas ekspozimit për një kohë të gjatë ndaj temperaturave të larta.

Edhe 22-vjeçari është dërguar në Spitalin e Filatit, ku po merr trajtim mjekësor pasi ka shfaqur shenja lodhjeje dhe dehidratimi.

Ngjarja ka ndodhur në zonën pranë kufirit shqiptaro-grek, ndërsa autoritetet po vijojnë procedurat për zbardhjen e plotë të rrethanave. Saranda Web

The post Tragjedi në kufirin shqiptaro-grek, 20-vjeçari humb jetën nga etja dhe vapa appeared first on Saranda News.

Një operacion për shuarjen e zjarreve është kthyer në tragjedi në Greqi. Dy helikopterë të angazhuar në luftën kundër flakëve u përplasën në zonën e Psathës, në Atikë, duke shkaktuar vdekjen e dy personave. Dy të tjerë arritën të mbijetonin. Në bordin e dy helikopterëve ndodheshin gjithsej katër persona.

Sipas Departamentit të Zjarrfikësve, në njërin helikopter ndodheshin një pilot britanik dhe ndërlidhësi i tij grek, të cilët mbijetuan, ndërsa helikopteri i dytë kishte në bord një pilot danez dhe ndërlidhësin e tij grek, të cilët humbën jetën.

Menjëherë pas përplasjes u aktivizua një operacion i gjerë kërkim-shpëtimi. Ekipet arritën të lokalizonin dhe nxirrnin nga zona e aksidentit të katër anëtarët e ekuipazheve, por për dy prej tyre nuk mund të bëhej më asgjë.

Helikopterët ishin marrë me qira për nevojat e Shërbimit Zjarrfikës grek dhe ishin nisur nga aeroporti i Elefsinës për t’iu bashkuar operacionit për shuarjen e zjarrit të madh në Porto Germeno.

Autoritetet greke kanë nisur hetimet për të përcaktuar rrethanat dhe shkakun e përplasjes. Sipas informacioneve paraprake, një nga pistat që po shqyrtohet është ajo e një gabimi njerëzor, megjithëse ende nuk ka një përfundim zyrtar mbi shkakun e tragjedisë.

Mitsotakis: Humbja e tyre na mbush të gjithëve me dhimbje

Kryeministri grek Kyriakos Mitsotakis reagoi pas ngjarjes, duke shprehur trishtimin për humbjen e dy personave që po merrnin pjesë në betejën kundër zjarreve.

“Shpreh trishtimin tim më të thellë për aksidentin tragjik që përfshiu dy helikopterët e marrë me qira për shuarjen e zjarreve, që morën jetën e dy luftëtarëve në vijën e parë në luftën kundër zjarreve në kushte shumë të këqija atmosferike”, shkroi Mitsotakis.

Ai shprehu ngushëllimet për familjet e viktimave, duke theksuar se humbja e pilotit danez dhe e ndërlidhësit grek “na mbush të gjithëve me dhimbje”.

Tragjedia vjen në një periudhë tepër të vështirë për Greqinë, ndërsa forcat zjarrfikëse po zhvillojnë operacione të vazhdueshme për përballimin e zjarreve. SarandaWeb

The post Tragjedi në Greqi/ Përplasen dy helikopterë zjarrfikës gjatë betejës me flakët, dy të vdekur appeared first on Saranda News.

Sipas autoriteteve greke, operacioni u zhvillua nga shërbimet e policisë kufitare në bashkëpunim me strukturat e hetimit të krimit. Dy të arrestuarit akuzohen për shkelje të legjislacionit pyjor, si edhe për hyrje të paligjshme në territorin grek.

Gjatë kontrollit, policia konstatoi se ata kishin mbledhur në mënyrë të paligjshme rreth 6.1 kilogramë çaj mali. Sasia e sekuestruar do t’u dorëzohet autoriteteve pyjore për procedurat përkatëse.

Pas arrestimit, dy shtetasit shqiptarë u shoqëruan pranë prokurorisë kompetente për veprime të mëtejshme procedurale. Saranda Web

The post Arrestohen dy shqiptarë duke mbledhur çaj mali pranë kufirit Shqipëri – Greqi appeared first on Saranda News.