Ndryshimet e reja në Kodin Rrugor kanë hyrë në fuqi që prej 7 gushtit 2026, duke sjellë masa më të ashpra për drejtuesit e mjeteve që shkelin rregullat e qarkullimit rrugor. Një nga ndryshimet kryesore lidhet me drejtimin e automjetit nën ndikimin e alkoolit. Sipas dispozitave të reja, leja e drejtimit hiqet përgjithmonë kur një drejtues rezulton me një vlerë alkoolike më të lartë se 0.5 gram për litër (g/l) në gjak dhe është konstatuar e ndëshkuar më parë për drejtim mjeti nën ndikimin e alkoolit ose në gjendje të dehur.

Kodi i ri ashpërson gjithashtu masat për sjelljet e rrezikshme në rrugë, përfshirë manovrat agresive, ndryshimet e shpeshta të korsisë pa sinjalizim dhe shkeljet që rrezikojnë përdoruesit e tjerë, veçanërisht në zonat urbane, pranë shkollave dhe kryqëzimeve. Për këto shkelje, gjoba shkon nga 20 mijë deri në 60 mijë lekë.

Ndryshime ka edhe për përdorimin e celularit gjatë drejtimit të mjetit. Leja e drejtimit pezullohet kur drejtuesi është ndëshkuar dy herë brenda të njëjtit vit për përdorimin e celularit. Masa për përdorimin e telefonit shtrihet edhe te drejtuesit e biçikletave, motomjeteve deri në 50 cc dhe monopatinave me motor.

Masa të posaçme janë vendosur edhe për drejtuesit që kanë marrë lejen e drejtimit gjatë 24 muajve të fundit, si për drejtimin nën ndikimin e alkoolit, ashtu edhe për kufizimet e shpejtësisë.

Një tjetër ndryshim i rëndësishëm është heqja e mundësisë për të zëvendësuar pezullimin e patentës me pagesën e dyfishit të masës maksimale të gjobës. Me ndryshimet e reja, kur parashikohet pezullimi i lejes së drejtimit, masa zbatohet pa mundësinë e zëvendësimit me pagesë.

Policia Rrugore u ka bërë apel drejtuesve të mjeteve të respektojnë kufijtë e shpejtësisë, të mos drejtojnë nën efektin e alkoolit, të mos përdorin celularin gjatë drejtimit dhe të shmangin manovrat e rrezikshme. Saranda Web

The post Ndryshimet në Kodin Rrugor: Shoferët që kapen me alkool mbi 0.5 gr/l në gjak, u hiqet patenta përgjithmonë appeared first on Saranda News.

Një ngjarje tragjike ka tronditur Ksamilin mëngjesin e sotëm, ku një vajzë vetëm 4 vjeçe ka humbur jetën pasi është goditur aksidentalisht nga automjeti që drejtohej nga babai i saj.

Ngjarja ka ndodhur në një parkim privat. Sipas të dhënave paraprake, gjatë kryerjes së një manovre me automjet, babai dyshohet se ka goditur pa dashje vajzën e tij të mitur.

Pavarësisht përpjekjeve për t’i ardhur në ndihmë, 4-vjeçarja nuk ka mundur të mbijetojë.

Rrethanat e plota të ngjarjes po hetohen, ndërsa tragjedia ka shkaktuar dhimbje të madhe për familjen që humbi fëmijën në mënyrë kaq të papritur. Saranda Web

The post Tragjedi në Ksamil, humb jetën një vajzë 4 vjeçe. U godit aksidentalisht nga automjeti i babait appeared first on Saranda News.

Një aksident rrugor është regjistruar në aksin Sarandë–Ksamil, ku janë përfshirë tre automjete. VIDEO

Nga aksidenti kanë mbetur të plagosur dy shtetas spanjollë, Jove Pibrall Jove, 24 vjeç, dhe Catia Picac, 37 vjeçe, të cilët ndodheshin në Sarandë për turizëm.

Sipas burimeve nga bluzat e bardha, 24-vjeçari ka pësuar dëmtime më të rënda. Pasi mori ndihmën e parë në Spitalin e Sarandës, ai është transportuar me ambulancë drejt Spitalit të Traumës në Tiranë, për mjekim të specializuar.

Ndërkohë, 37-vjeçarja ka pësuar dëmtime në kokë dhe po merr trajtim mjekësor në Spitalin e Sarandës.

Për shkak të aksidentit, qarkullimi në aksin Sarandë–Ksamil u ndërpre për disa minuta, ndërsa Policia po vijon veprimet për sqarimin e plotë të rrethanave të ngjarjes. Saranda Web

The post Tre automjete aksident në rrugën Sarandë-Ksamil, 2 të plagosur nisen drejt Tiranës appeared first on Saranda News.

Sipas Policisë, S. M., 32 vjeç, nga Tirana, dhe A. K., 26 vjeç, nga Kavaja, u kapën në flagrancë në fshatin Gjashtë, pranë një lokali, teksa kishin nxjerrë nga automjeti dy pistoleta, municion luftarak dhe një silenciator dhe qëndronin në pritë në një zonë pa ndriçim.

Nga hetimet e deritanishme dyshohet se personat kishin ardhur në Sarandë me qëllim kryerjen e një vrasjeje. Gjatë operacionit u arrestuan edhe V. H., 20 vjeç, V. P., 31 vjeç dhe F. B., 21 vjeç, për “Moskallëzim të krimit”.

Policia sekuestroi 2 pistoleta, municion, një silenciator dhe 2 automjete. Hetimet vijojnë për të identifikuar objektivin e dyshuar të atentatit dhe për të zbardhur plotësisht rrethanat e ngjarjes.

The post Parandalohet një vrasje në Sarandë, 5 të arrestuar – dy prej tyre u kapën me armë dhe silenciator appeared first on Saranda News.

Policia ka dhënë informacionin zyrtar lidhur me aksidentin tragjik të ndodhur mbrëmjen e sotme në Ksamil, ku humbi jetën Antonio Mateli 20 vjeç. Sipas Policisë, aksidenti ka ndodhur rreth orës 18:10, në Ksamil.

Një automjet furgon mallrash tip “Benz”, i drejtuar nga shtetasi A. Gj., rreth 22 vjeç, ka humbur kontrollin dhe ka dalë nga rruga. Si pasojë e aksidentit, ka humbur jetën në vendngjarje pasagjeri i cili punonte si shpëndarës mallrash, shtetasi Antonio Mateli 20 vjeç.

Ndërkohë, drejtuesi i automjetit është transportuar në spital për të marrë ndihmë mjekësore. Sipas informacionit paraprak të Policisë, 22-vjeçari ndodhet jashtë rrezikut për jetën.

Grupi hetimor ndodhet në vendngjarje dhe po punon për dokumentimin e plotë të rrethanave të aksidentit dhe përcaktimin e shkakut të daljes së automjetit nga rruga.

Informacioni zyrtar i Policisë korrigjon të dhënat e para të raportuara pas ngjarjes, sipas të cilave 20-vjeçari dyshohej se ishte drejtuesi i mjetit. Saranda Web

The post Aksidenti tragjik në Ksamil: 20-vjeçari ishte pasagjer, drejtuesi i mjetit i plagosur në spital appeared first on Saranda News.

DEKLARATA E AVOKATIT: 

Sot, Gjykata e Juridiksionit të Përgjithshëm Sarandë vendosi se arrestimi i shtetasit K.J. ishte i paligjshëm dhe nuk caktoi masë sigurimi ndaj tij. Ky vendim rrëzoi pretendimet e Prokurorisë, duke evidentuar mungesën e bazës ligjore për kufizimin e lirisë së tij.

Megjithatë, lind një pyetje që meriton përgjigje: Kush do t’ia kthejë dinjitetin K.J. dhe familjes së tij?

Për ditë me radhë, opinioni publik u njoh me një komunikatë zyrtare të Policisë së Shtetit, sipas së cilës ai paraqitej si person i përfshirë në një çështje të lëndëve narkotike. Ky informacion u përhap gjerësisht, duke dëmtuar rëndë reputacionin e një të riu që, sipas materialeve të shqyrtuara nga gjykata, nuk rezultoi të kishte prova që ta lidhnin me veprën penale për të cilën u arrestua.

K.J. nuk u arrestua duke poseduar lëndë narkotike. Ai ndodhej në një automjet që u ndalua gjatë kontrollit të një karvani mjetesh dhe u implikua si bashkëpunëtor pa prova konkrete që të mbështesnin një dyshim të arsyeshëm ndaj tij. Pikërisht për këtë arsye, gjykata nuk legjitimoi arrestimin dhe nuk caktoi masë sigurimi.

Pas çdo vendimi të tillë nuk qëndron vetëm një dosje penale. Qëndron një njeri, një familje, prindër, të afërm dhe një reputacion i ndërtuar ndër vite. Dëmi moral dhe shoqëror që shkakton një arrestim i paligjshëm nuk fshihet lehtë, edhe kur drejtësia arrin ta korrigjojë atë.

Si avokat mbrojtës, që në momentin e parë i jam drejtuar Prokurorisë me kërkesë për rishikimin e menjëhershëm të arrestit dhe lirimin e K.J., duke argumentuar se mungonin provat që ta lidhnin me ngjarjen. Vendimi i sotëm i gjykatës konfirmoi se këto shqetësime ishin të bazuara.

Respektimi i prezumimit të pafajësisë nuk është një formalitet. Ai është një parim themelor i shtetit të së drejtës. Kur ky parim cenohet, nuk mjafton vetëm korrigjimi i gabimit nga gjykata. Shoqëria ka të drejtë të kërkojë përgjegjësi institucionale, ndërsa qytetari ka të drejtë të kërkojë rikthimin e dinjitetit dhe reputacionit të tij.

Drejtësia nuk matet vetëm me lirimin e një personi të pafajshëm. Ajo matet edhe me aftësinë e institucioneve për të mos cenuar padrejtësisht lirinë, emrin dhe dinjitetin e qytetarëve. Saranda Web

The post Gjykata e Sarandës e liroi K.J., avokati Rigels Dërvishi: Kush do t’ia kthejë dinjitetin atij dhe familjes? appeared first on Saranda News.

Një drejtues mjeti lundrues është ndëshkuar me 500 mijë lekë të rinj gjobë, pasi dyshohet se shkeli perimetrin e sigurisë në një plazh në Ksamil, duke rrezikuar pushuesit.

Sipas Policisë, rasti u konstatua gjatë patrullimeve të Policisë Kufitare në sektorin detar të Ishujve të Ksamilit, në zonën e njohur si “Plazhi Publik”.

Gjatë kontrollit, efektivët konstatuan një gomone që kishte hyrë brenda perimetrit të sigurisë të rezervuar për pushuesit, duke krijuar rrezik për personat që ndodheshin në plazh dhe në det.

Pas ndërhyrjes së Policisë Kufitare dhe Njësisë Policore Detare, mjeti lundrues u bllokua.

Drejtuesi i gomones, i identifikuar me inicialet A. B., u ndëshkua me masë administrative në vlerën 500 000 lekë të rinj.

Policia e Shtetit bëri të ditur se kontrollet dhe patrullimet do të vijojnë përgjatë vijës bregdetare, me qëllim garantimin e sigurisë së pushuesve dhe respektimin e rregullave të lundrimit.

Autoritetet u kanë bërë apel drejtuesve të mjeteve lundruese dhe subjekteve që operojnë me to që të respektojnë me rigorozitet perimetrat e sigurisë së plazheve, për të shmangur ngjarjet që mund të rrezikojnë jetën e pushuesve. Saranda Web

The post Policia: Hyri me gomone mes pushuesve në Ksamil, gjobë 500 mijë lekë dhe bllokim të mjetit appeared first on Saranda News.

Në reagimin e dërguar në redaksinë e Saranda Web, avokati deklaron se K.J. nuk ka asnjë lidhje me ngjarjen për të cilën akuzohet dhe se arrestimi i tij është kryer, sipas mbrojtjes, në kundërshtim me ligjin.

Dërvishi sqaron se në automjetin ku ndodhej K.J. nuk është gjetur lëndë narkotike. Sipas tij, automjeti ka qenë një prej mjeteve të ndaluara nga Policia gjatë kontrollit të një karvani automjetesh dhe K.J. është implikuar si bashkëpunëtor pa pasur prova konkrete që ta lidhin me veprën penale.

Avokati kundërshton gjithashtu deklaratën e Policisë se K.J. ka precedentë në fushën e narkotikëve, ndërsa e përshkruan atë si një të ri me integritet, të rritur në një familje të nderuar, me të dy prindërit mësues dhe me reputacion të mirë në komunitet.

Mbrojtja i ka dërguar një kërkesë prokurores së çështjes, përmes së cilës kërkon rishikimin e menjëhershëm të arrestit dhe lirimin e K.J., me argumentin se nuk ekziston asnjë provë që e lidh atë me ngjarjen.

Ndërkohë, sipas njoftimit zyrtar të Policisë, 5 kilogramët e dyshuar cannabis sativa u gjetën në një automjet tjetër, të drejtuar nga A.N., ku udhëtonte edhe A.C. Për K.J., Policia pretendon se ai lëvizte me një automjet tjetër për të monitoruar itinerarin dhe për të sinjalizuar praninë e shërbimeve policore, pretendim që kundërshtohet nga mbrojtja. Saranda Web

The post Avokati kundërshton deklaratën e Policisë: K.J. nuk ka lidhje me ngjarjen, është arrestuar pa prova appeared first on Saranda News.

Sipas Policisë, në pranga kanë rënë A. N., 31 vjeç, dhe A. C., 30 vjeç, të dy banues në Lukovë, si dhe K. J., 26 vjeç, banues në Sarandë.  Ata u kapën në rrugën Nivicë–Sarandë, pranë urës së Kakomesë, teksa lëviznin me dy automjete. Në makinën e drejtuar nga A. N., ku ndodhej edhe A. C., Policia gjeti dhe sekuestroi rreth 5 kilogramë lëndë të dyshuar cannabis sativa.

Sipas hetimeve, droga dyshohet se po transportohej për t’u shitur në Sarandë dhe Ksamil, ndërsa K. J. dyshohet se lëvizte me automjetin tjetër për të kontrolluar itinerarin dhe për të sinjalizuar në rast të pranisë së Policisë.

Hetimet vijojnë për identifikimin e personave të tjerë që mund të jenë përfshirë në këtë veprimtari. Saranda Web

Avokati kundërshton deklaratën e Policisë: K.J. nuk ka lidhje me ngjarjen, është arrestuar pa prova

The post Me 5 kg kanabis drejt Sarandës dhe Ksamilit, arrestohen 3 persona pranë urës së Kakomesë appeared first on Saranda News.

Një ngjarje e rëndë është regjistruar mëngjesin e sotëm në afërsi të zonës së Porto Palermos, ku një 65-vjeçar ka humbur jetën pas shpërthimit të një lënde plasëse.

Sipas njoftimit të Policisë, ngjarja ka ndodhur rreth orës 09:00. Dyshohet se shtetasi Pandeli Mërkuri, 65 vjeç, ishte duke kryer peshkim të paligjshëm me lëndë plasëse, kur dinamiti ka shpërthyer duke i shkaktuar dëmtime të rënda.

65-vjeçari është transportuar menjëherë drejt Qendrës Shëndetësore të Himarës për ndihmë mjekësore, por nuk ka mundur t’u mbijetojë plagëve dhe ka humbur jetën.

Policia bën të ditur se grupi hetimor, nën drejtimin e Prokurorisë, po vijon veprimet për të zbardhur rrethanat e plota të ngjarjes dhe për dokumentimin e saj. Saranda Web

The post Tragjedi në det/ 65-vjeçari humb jetën, po peshkonte me dinamit appeared first on Saranda News.