Në vitin 2018, në Sarandë, shkallët e gurit u zëvendësuan me beton, ndërsa gurët u depozituan në një gurore me premtimin se do të ripërdoreshin në projekte të tjera.

Që prej asaj kohe, nuk ka asnjë informacion publik: Ku janë gurët e shkallëve të Sarandës?

The post Ku janë gurët e shkallëve të Sarandës? – VIDEO appeared first on Saranda News.

Pas publikimit të denoncimit në Saranda Web lidhur me punimet pa cilësi në një kanal kullues në hyrje të qytetit të Delvinës, ditën e sotme ka nisur sërish puna në terren për korrigjimin e problematikave të konstatuara.

Nga pamjet e siguruara dhe informacionet nga vendngjarja, rezulton se këtë herë po kryhen punime sipas standardeve teknike, duke përfshirë edhe vendosjen e rrjetës së hekurit, element që mungonte më parë dhe që është thelbësor për qëndrueshmërinë e strukturës.

Ky reagim vjen pas shqetësimit të ngritur nga banorët dhe pas pasqyrimit të situatës në media, duke treguar edhe një herë rëndësinë e transparencës dhe rolit të denoncimit publik për përmirësimin e punëve me interes për qytetarët.

Saranda Web do të vijojë të ndjekë nga afër ecurinë e punimeve dhe të informojë qytetarët për çdo zhvillim të mëtejshëm.

Banorët denoncojnë: Punime pa cilësi në Delvinë, betoni shembet pak orë pas shtrimit – VIDEO

The post Pas denoncimit në Saranda Web, rifillojnë punimet për korrigjimin e kanalit në Delvinë appeared first on Saranda News.

Banorët e Delvinës kanë ngritur shqetësimin për punime pa cilësi që po kryhen në hyrje të qytetit, duke denoncuar mënyrën skandaloze se si po realizohet një kanal kullues me gjatësi rreth 300 metra.

Sipas tyre, ditën e sotme kanali është shtruar me beton, por pa respektuar standardet minimale teknike, konkretisht pa vendosur rrjetë hekuri, element thelbësor për qëndrueshmërinë e strukturës. Si pasojë, betoni ka nisur të shembet pothuajse menjëherë, ende pa u tharë plotësisht.

Pamjet e siguruara tregojnë qartë plasaritjet dhe dëmtimet në strukturë, duke ngritur dyshime serioze mbi cilësinë e materialeve të përdorura dhe mënyrën e zbatimit të punimeve. Banorët shprehen se këto punime jo vetëm që përbëjnë shpërdorim të fondeve publike, por rrezikojnë të kthehen shumë shpejt në një problem edhe më të madh, sidomos në rast reshjesh apo përmbytjesh.

“Kjo nuk është hera e parë që shohim punime të tilla. Betoni hidhet për sy e faqe, pa rrjetë hekuri, pa standarde, dhe pas pak ditësh gjithçka prishet,” – shprehet një banor.

Banorët kërkojnë ndërhyrje të menjëhershme nga institucionet përgjegjëse, verifikim të punimeve në terren dhe marrjen e masave.

https://sarandanews.net/pas-denoncimit-ne-saranda-web-rifillojne-punimet-per-korrigjimin-e-kanalit-ne-delvine/

The post Banorët denoncojnë: Punime pa cilësi në Delvinë, betoni shembet pak orë pas shtrimit – VIDEO appeared first on Saranda News.

Pas publikimit të denoncimit në Saranda Web, problemi i një nëne që kishte raportuar mungesën e shërbimit shëndetësor për fëmijën e saj me diabet është zgjidhur.

Ditën e djeshme, Saranda Web publikoi denoncimin e një nëne nga zona e Delvinës, e cila raportonte se fëmija i saj, prej 10 ditësh, nuk po merrte shërbimin e nevojshëm shëndetësor, për shkak të një problemi në sistemin elektronik, i cili nuk njihte diagnozën e diabetit për grupmoshën 0–25 vjeç.

Si pasojë e këtij defekti, nëna ishte e detyruar të siguronte insulinën dhe fishat e diabetit në farmaci private, duke përballuar kosto të larta financiare dhe rrezik për shëndetin e fëmijës.

Sot, problemi është zgjidhur, sistemi ka rifilluar funksionimin normal dhe fëmija ka marrë shërbimin shëndetësor dhe recetat e rimbursimit që i takonin.

Ky rast dëshmon edhe një herë rëndësinë e denoncimeve publike dhe rolit të medias, në adresimin e problemeve që prekin drejtpërdrejt shëndetin dhe jetën e qytetarëve.

Saranda Web do të vijojë të ndjekë dhe publikojë raste të ngjashme, duke qëndruar në mbrojtje të interesit publik dhe të drejtës për shërbim shëndetësor dinjitoz.

The post Pas publikimit në Saranda Web, sistemi rifillon punën dhe fëmija me diabet merr shërbimin appeared first on Saranda News.

Në Sarandë, një vendim që prek drejtpërdrejt fëmijët është marrë në heshtje, është zbatuar pa konsultim dhe është justifikuar më pas me nene ligji. Bëhet fjalë për zhvendosjen e nxënësve të shkollës “9 Tetori” në mes të vitit shkollor, për t’i hapur rrugë rikonstruksionit të godinës – një proces i nevojshëm, por i menaxhuar në mënyrën më të gabuar të mundshme.

Prindërit nuk kundërshtojnë rikonstruksionin. Ata kundërshtojnë arrogancën institucionale, mungesën e dialogut dhe trajtimin e fëmijëve si objekte që mund të zhvendosen pa pyetur askënd.

Pyetje konkrete, përgjigje boshe

Prindërit iu drejtuan Zyrës Vendore Arsimore Sarandë–Konispol–Delvinë me një kërkesë të qartë dhe të arsyeshme. Ata nuk kërkuan favore, por informacion bazik dhe përgjegjësi:

 – A janë të sigurt fëmijët?

 – Çfarë kushtesh ofron shkolla pritëse?

 – A janë të përshtatshme oraret e pasdites për fëmijë 8-vjeçarë?

 – Çfarë ndikimi ka kjo lodhje fizike dhe emocionale?

 – Pse nuk u thirr një takim me prindërit?

Përgjigjja zyrtare që morën ishte një listë nenesh ligji. Asnjë fjali për fëmijët. Asnjë sqarim praktik. Asnjë ndjeshmëri njerëzore.

Një përgjigje pa përgjigje.

Kush mbron fëmijët, kur institucionet mbrojnë vetëm veten?

Institucionet zgjodhën rrugën më të lehtë: të citojnë ligjin për të treguar kush ka kompetencë për muret, por jo kush mban përgjegjësi për fëmijët brenda atyre mureve.

Në këtë histori, askush nuk mori përgjegjësinë të thotë:

 – “Po, fëmijët do të lodhen.”

 – “Po, oraret janë të papërshtatshme.”

 – “Po, duhej të kishim folur me prindërit.”

Sepse është më e lehtë të fshihesh pas ligjit sesa të përballesh me realitetin.

Fëmijët nuk janë numra turnesh

Nxënësit e shkollës “9 Tetori” nuk janë:
dosje protokolli
numra statistikorë
objekte që zhvendosen sipas nevojës së projektit

Janë fëmijë të mitur që mbarojnë mësimin në orën 17:30.
Janë fëmijë që lodhen, stresohen, humbasin përqendrimin.
Janë fëmijë që kanë të drejtë për arsim dinjitoz, jo improvizim institucional.

Kur institucionet nuk japin përgjigje për këto realitete, atëherë problemi nuk është ligjor. Është moral.

Prindërit nuk janë pengesë, janë partnerë

Trajtimi i prindërve si “pengesë” për projektet, dhe jo si partnerë në procesin arsimor, është një gabim i rëndë. Arsimi nuk është thjesht ndërtim godinash. Arsimi është komunikim, transparencë dhe respekt.

Kur këto mungojnë, krijohet mosbesim.
Kur krijohet mosbesim, dëmtohen fëmijët.

Heshtja sot, vendime edhe më të rënda nesër

Ky rast nuk është thjesht për një shkollë. Është një precedent i rrezikshëm. Sepse sa herë prindërit heshtin “për hir të qetësisë”, dikush tjetër vendos për fëmijët e tyre.

Prandaj reagimi i prindërve nuk është problem.
Është alarm.

Transparenca nuk është favor.
Informimi nuk është luks.
Respekti për fëmijët nuk negociohet.

Dhe nëse institucionet nuk e kuptojnë këtë, atëherë është detyrë e prindërve dhe e medias ta thonë me zë të lartë.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb

The post Kur ligji përdoret si justifikim dhe fëmijët harrohen: rasti i shkollës “9 Tetori” në Sarandë appeared first on Saranda News.

Në qytetin e Delvinës, banorët kanë denoncuar publikisht mënyrën skandaloze të shtrimit të një rruge me asfalt. Përmes një videoje të siguruar nga Saranda Web, shihet qartë se punimet janë kryer pa respektuar asnjë standard teknik, ndërkohë që banorët pretendojnë se asfalti i përdorur është i përzier me vaj të djegur.

Në pamjet e publikuara, dallohet mungesa e përgatitjes së duhur të terrenit, hedhja e asfaltit mbi një bazament të papërshtatshëm dhe në kushte tejet skandaloze. Banorët shprehen të revoltuar, duke thënë se një punim i tillë jo vetëm që nuk garanton jetëgjatësinë e rrugës, por përbën edhe një rrezik për mjedisin dhe shëndetin e komunitetit.

Ata kërkojnë ndërhyrjen urgjente të institucioneve përgjegjëse për të hetuar cilësinë e materialeve të përdorura dhe mënyrën e realizimit të punimeve, në mënyrë që të ndalen abuzimet me fondet publike dhe të garantohet një infrastrukturë e sigurt për qytetarët.

Saranda Web do të vijojë të ndjekë hap pas hapi këtë çështje dhe inkurajon qytetarët të dërgojnë denoncimet e tyre për problematika të ngjashme.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb

The post Delvinë: Banorët denoncojnë shtrimin skandaloz të rrugës me asfalt – VIDEO appeared first on Saranda News.

Banorët e një blloku banesash private në rrugën “Gjergj Arianiti”, pranë ish-Regjimentit, kanë ngritur një shqetësim serioz lidhur me bllokimin e puseteve të ujërave të ndotura dhe mungesën e reagimit nga Ndërmarrja e Ujësjellës-Kanalizimeve Rajonal Sarandë.

Sipas ankesës së tyre, pusetat jashtë territorit të banesave janë të bllokuara për shkak të problemeve me tubacionet që vijnë nga një pallat përpara tyre. Ky problem është raportuar fillimisht që më 25 korrik, por, edhe pas katër muajsh, nuk është ndërmarrë asnjë veprim konkret për zgjidhjen e situatës.

Banorët thonë se kanë kontaktuar disa herë drejtpërdrejt me administratën e Ndërmarrjes së Ujësjellësit, duke përfshirë takime me drejtorin dhe inxhinierin teknik, por pa rezultat. “Ujërat e ndotura derdhen në rrugë, duke krijuar një ambient të ndotur dhe të rrezikshëm për shëndetin e qytetarëve,” shprehen ata në ankesën e tyre, duke theksuar rrezikun e shpërthimit të infeksioneve.

Pagim i Rregullt, Por Asnjë Shërbim në Kthim

Pavarësisht se janë pagues të rregullt të shërbimeve, banorët ndihen të lënë pas dore dhe të mashtruar. Ata theksojnë se paguajnë çdo muaj për çdo metër kub ujë të përdorur dhe të ndotur, por nuk kanë marrë shërbimin për të cilin kanë kontratë.

“Jemi katër muaj pa shpresë, edhe pse kemi kontaktuar disa herë personalisht dhe nëpërmjet telefonit me stafin e ndërmarrjes. Ndjehemi të zhgënjyer nga njerëzit që nuk po përmbushin detyrat e tyre në shërbim të qytetarëve,” thuhet në ankesë.

Thirrje për Ndërhyrje Urgjente

Banorët kërkojnë që Ndërmarrja e Ujësjellës-Kanalizimeve të veprojë menjëherë dhe seriozisht për zgjidhjen e këtij problemi të zvarritur. Ata bëjnë thirrje që administrata të përmbushë misionin e saj në shërbim të qytetarëve, pa mashtrime dhe sorollatje.

Saranda Web do të ndjekë nga afër këtë çështje, duke monitoruar reagimin dhe masat që pritet të merren nga autoritetet përgjegjëse.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb

The post Banorët denoncojnë neglizhencën e Ujësjellës-Kanalizimeve Sarandë – VIDEO appeared first on Saranda News.

The post Shqepet një rrugë tjetër, biznesi reagon i shqetësuar appeared first on Saranda News.

Përshëndetje Saranda Web,

Desha të ndaj me ju një problem që më shqetëson jo vetëm mua por dhe të gjithë prindërit që kanë të njëjtin problem si unë. Si një prind që kam fëmijën me probleme me autizmin, më saktësisht fëmijë autik, po përballemi me një diskriminim të qartë nga shteti për shkak të një pagese qesharake që marrim si prindi dhe fëmija.

Aktualisht, marrim nga 100,000 lekë të vjetra (10,000 lekë të reja) secili, unë si prind shoqërues dhe fëmija im autik. Duke kaluar vitet, na është rritur paga me vetëm 2,000 lekë të vjetra për vit, duke arritur në 12 vjet deri në 125,000 lekë të vjetra (12,500 lekë të reja) për secilin.

Por, erdhi një ditë e bukur dhe u prezantua një sistem i ri që, në fakt, e përkeqësoi situatën tonë. Tani marrim 128,000 lekë (12,800 lekë të reja) për fëmijën dhe 103,000 lekë (10,300 lekë të reja) për mua si prind shoqërues. Kjo rritje e vogël prej 3,000 lekësh për fëmijën është e pashoqëruar me një ulje prej 22,000 lekësh për mua, duke krijuar një pabarazi të madhe dhe diskriminim të dukshëm ndaj nesh.

Kjo është një situatë shumë e vështirë për ne, prindërit e fëmijëve autikë, të cilët nuk mund të punojmë si të gjithë të tjerët dhe nuk mund të sjellim të ardhura të mjaftueshme për familjen. Fëmijët tanë kanë nevojë për terapi të ndryshme që variojnë nga 15,000 lekë minimalisht dhe më lart. Me këto pagesa qesharake, është thuajse e pamundur të mbulojmë shpenzimet e nevojshme për terapitë e fëmijëve tanë.

Dëshirojmë të dimë se çfarë zgjidhje mund të na ofrojë shteti për këtë problem? Si mund të përballojmë ne si prindër këto shpenzime dhe t’i ofrojmë fëmijëve tanë kujdesin dhe terapitë e nevojshme kur jemi të diskriminuar në këtë mënyrë?

Falënderim për vëmendjen dhe mbështetjen tuaj,
Një prind i një fëmije autik

—

Në këtë artikull, kemi paraqitur shqetësimin e një prindi të një fëmije autik në Sarandë për diskriminimin financiar dhe mungesën e mbështetjes adekuate nga shteti shqiptar. Kjo situatë tregon nevojën urgjente për rishikimin dhe përmirësimin e politikave dhe mbështetjes për familjet me fëmijë me nevoja të veçanta. Shteti duhet të ndërmarrë hapa konkretë për të siguruar që këto familje të kenë burimet e nevojshme për të mbështetur zhvillimin dhe mirëqenien e fëmijëve të tyre.

The post DENONCIMI: Diskriminimi dhe sfida e prindërve të fëmijëve autik appeared first on Saranda News.

Sipas qytetarit, një familjar i tij është operuar vetëm 1 javë më parë dhe për këtë është detyruar të paguajë shumën 800 euro.

VIDEO

Ku është SHËNDETËSIA FALAS që thotë kryeministri?! ka pyetur qytetari.

The post Denoncimi në takimin e Shqipëria Bëhet: Në spitalin e Sarandës kam paguar 800 euro – VIDEO appeared first on Saranda News.