Pas denoncimit publik të një qytetari nga Delvina lidhur me procesin e hipotekimit të një godine, ka reaguar përmes një videomesazhi drejtoresha e Kadastrës, Lerena Goxhobelli.

Duke iu referuar rastit të bërë publik, Goxhobelli theksoi se denoncimet për raste të dyshuara korrupsioni duhet të bëhen pranë institucioneve kompetente, në mënyrë që pretendimet të hetohen dhe të verifikohen.

“Delvinjoti ka denoncuar për ata që kanë qenë, vazhdoni të denonconi”, u shpreh ajo.

Drejtoresha e Kadastrës theksoi se çdo akuzë duhet t’i nënshtrohet hetimit dhe se përgjegjësit duhet të ndëshkohen në rastet kur faktet dhe provat vërtetojnë fajësinë.

“Dua të theksoj se korrupsioni luftohet duke e denoncuar aty ku duhet dhe se çdo akuzë duhet hetuar dhe përgjegjësit duhen ndëshkuar kur faktet e provojnë fajësinë. E vërteta përcaktohet nga faktet dhe provat dhe jo nga deklaratat publike”, tha Goxhobelli në videomesazhin e saj.

Reagimi vjen pas denoncimit të bërë në Saranda Web nga një 80-vjeçar nga Delvina, i cili ngriti pretendime lidhur me hipotekimin e një godine. Pretendimet e qytetarit mbeten akuza të tij dhe kërkojnë verifikim nga institucionet kompetente. Saranda Web

The post Drejtoresha e Kadastrës: Qytetari nga Delvina ka denoncuar ata që kanë qenë. Vazhdoni të denonconi appeared first on Saranda News.

Gjatë protestës së banorëve të Delvinës përpara Bashkisë Sarandë, një 80-vjeçar, krahas kundërshtimit për çështjen e linjës Delvinë–Sarandë, ka bërë në Saranda Web një denoncim të rëndë lidhur me hipotekimin e një godine në Delvinë.

Qytetari pretendon se i janë kërkuar dy hyrje të godinës, duke pretenduar se “një e kërkon kryetari i Bashkisë dhe një drejtori i Hipotekës”.

Në gjendje të rënduar emocionale, ai deklaroi se, nëse çështja e tij nuk merr zgjidhje, do të ndërmarrë një akt ekstrem përpara Kryeministrisë, duke u lyer me benzinë. Saranda Web

The post Më kërkojnë 2 hyrje për hipotekimin e godinës, 1 kryetari i Bashkisë, 1 drejtori i Hipotekës appeared first on Saranda News.

Terminali i ri i autobusëve në Sarandë, që prej nisjes së funksionimit, ka sjellë një sërë problematikash për qytetarët që përdorin transportin ndërqytetës. Një prej rasteve ku pakënaqësia është shndërruar tashmë në reagim të organizuar është linja Sarandë–Delvinë, për të cilën rreth 350 qytetarë kanë firmosur një peticion duke kërkuar rishikimin e zhvendosjes së stacionit në terminal.

Për banorët e Delvinës që udhëtojnë drejt Sarandës, zhvendosja nuk është thjesht ndryshimi i vendit ku ndalon autobusi. Terminali ndodhet larg qendrës dhe për shumë prej tyre udhëtimi nuk përfundon më me mbërritjen në Sarandë. Pasagjerët duhet të sigurojnë një tjetër mjet transporti për të vazhduar drejt qendrës dhe zonave të tjera të qytetit, duke u përballur me më shumë kohë, pritje dhe kosto shtesë.

Problemi bëhet edhe më i ndjeshëm për të moshuarit, personat me vështirësi në lëvizje dhe qytetarët që e përdorin rregullisht këtë linjë për punë, shërbime apo nevoja të tjera.

Situata rëndohet edhe nga problematikat e transportit urban drejt terminalit, ku qytetarët kanë ngritur shqetësime për pritjet dhe mungesën e informacionit të qartë mbi oraret.

Operatorët dhe qytetarët kërkojnë rikthimin e stacionit

Përballë situatës së krijuar, operatorët e linjës Sarandë–Delvinë iu drejtuan zyrtarisht Bashkisë Sarandë që më 8 korrik 2026.

Kërkesa, e regjistruar me nr. protokolli 5685, kërkon rishikimin e vendimit për zhvendosjen e stacionit, duke argumentuar se vendndodhja e re ka krijuar probleme aksesueshmërie, distancë më të madhe nga qendra dhe kosto shtesë për qytetarët, por edhe pasoja ekonomike për operatorët e licencuar.

Kërkesa e tyre kryesore është që stacioni i linjës Sarandë–Delvinë të rikthehet në një pikë më të aksesueshme për qytetarët ose, nëse kjo nuk realizohet, Bashkia të përcaktojë një alternativë funksionale që të lehtësojë lëvizjen e pasagjerëve.

Operatorët kërkojnë gjithashtu që Bashkia të tregojë mbi çfarë baze ligjore dhe administrative është marrë vendimi për zhvendosjen, si dhe t’u vendosë në dispozicion aktin përkatës dhe dokumentacionin që ka shërbyer për këtë vendimmarrje.

Një tjetër pikë e rëndësishme është kërkesa për të mësuar nëse përpara zhvendosjes është kryer ndonjë studim apo vlerësim i ndikimit te qytetarët, përfshirë aksesueshmërinë e terminalit për të moshuarit dhe kategoritë vulnerabël.

Nëse një analizë e tillë ekziston, operatorët kërkojnë që ajo të bëhet e disponueshme.

Rreth 350 qytetarë firmosin kundër situatës së krijuar

Pakënaqësia nuk ka mbetur vetëm te operatorët.

Pas kërkesës së 8 korrikut, rreth 350 qytetarë firmosën një peticion, i cili iu dorëzua Bashkisë Sarandë.

Numri i firmave tregon se çështja nuk mund të reduktohet në një interes ekonomik të kompanive që operojnë linjën. Problemi prek drejtpërdrejt një pjesë të konsiderueshme të qytetarëve që lëvizin mes Delvinës dhe Sarandës.

Për këtë arsye kërkohet edhe organizimi i një dëgjese mes Bashkisë Sarandë, operatorëve dhe qytetarëve, ku palët të dëgjohen dhe të diskutohet një zgjidhje konkrete.

Në thelb, kërkesa është që vendimi të rishikohet duke marrë parasysh jo vetëm organizimin e terminalit, por edhe interesin praktik të njerëzve që përdorin transportin.

Pas kërkesës dhe 350 firmave, Bashkia Sarandë nuk përgjigjet

Por ndërsa qytetarët kanë firmosur, operatorët kanë protokolluar kërkesën dhe kanë kërkuar dialog institucional, nga Bashkia Sarandë, sipas tyre, nuk ka ardhur asnjë përgjigje zyrtare e shkruar dhe e arsyetuar.

Kërkesa mban datën 8 korrik 2026. Pas saj është depozituar peticioni me rreth 350 firma. Megjithatë, përfaqësuesit e linjës deklarojnë se asnjëri prej dokumenteve nuk ka marrë përgjigje.

Pikërisht kjo heshtje ka sjellë tashmë një kërkesë-ankesë të re për mospërgjigje dhe mosveprim administrativ, drejtuar kryetarit të Bashkisë Sarandë nga Roland Zani, në cilësinë e përfaqësuesit të operatorëve të linjës Sarandë–Delvinë.

Këtë herë kërkesa nuk është vetëm për stacionin.

Kërkohet edhe përgjigje përse Bashkia nuk është përgjigjur.

Bashkia Sarandë mund të ketë argumentet e saj për përqendrimin e linjave ndërqytetëse në terminal. Mund të vlerësojë gjithashtu se vendimi për linjën Sarandë–Delvinë nuk duhet ndryshuar.

Por ajo që bëhet e vështirë për t’u justifikuar është mungesa e një përgjigjeje ndaj qytetarëve që kanë ndjekur rrugën institucionale për të kundërshtuar një vendim

Nëse stacioni duhet të qëndrojë në terminal, Bashkia duhet të shpjegojë pse.

Nëse ekziston një vendim, duhet të tregojë aktin.

Nëse është kryer një studim mbi aksesueshmërinë dhe ndikimin te qytetarët, duhet ta bëjë të ditur.

Dhe nëse rreth 350 qytetarë kërkojnë rishikimin e situatës, institucioni minimalisht duhet t’i dëgjojë dhe t’u përgjigjet.

Sepse 350 firma nuk janë thjesht një numër në një peticion. Ato përfaqësojnë qytetarë që po thonë se mënyra aktuale e organizimit të transportit ua ka vështirësuar jetën e përditshme.

Në ankesën e fundit të operatorëve kjo situatë përmblidhet në një fjali të qartë:

“Heshtja e administratës nuk mund të zëvendësojë një vendimmarrje të arsyetuar.”

Tashmë është radha e Bashkisë Sarandë të tregojë nëse do të dëgjojë shqetësimin e ngritur nga qindra qytetarë, apo do të vazhdojë ta trajtojë atë me heshtje. Saranda Web 

The post 350 banorë të Delvinës peticion kundër Terminalit, të lejohet hyrja në qytet appeared first on Saranda News.

Problemi kryesor mbetet mungesa e një orari të afishuar dhe të qartë për linjën urbane drejt terminalit. Qytetarët nuk kanë informacion se në çfarë ore kalon urbani dhe sa shpesh kryhet shërbimi, duke u detyruar të presin në stacione pa ditur se kur do të mbërrijë autobusi.

Sipas shqetësimeve të ngritura nga qytetarët, pritja në disa raste arrin deri në një orë. Situata bëhet edhe më problematike për ata që duhet të kapin një autobus ndërqytetas në një orar të caktuar. Ka pasur raste kur udhëtarët, për shkak të vonesës së urbanit, kanë mbërritur me vonesë në terminal dhe kanë humbur autobusin drejt destinacionit të tyre.

Pamjet tregojnë qytetarë dhe turistë të shumtë që presin përgjatë rrugës, në një periudhë kur Saranda ka fluks të lartë vizitorësh dhe nevoja për një transport publik të organizuar është edhe më e madhe.

Zhvendosja e nisjeve të autobusëve në një terminal të ri kërkon domosdoshmërisht edhe një lidhje funksionale me pjesën tjetër të qytetit. Nuk mjafton vetëm përcaktimi i vendit ku nisen autobusët, nëse qytetarëve nuk u garantohet mundësia për të mbërritur atje në kohë.

Afishimi i menjëhershëm i orareve në çdo stacion, përcaktimi i një frekuence të rregullt të urbanit dhe respektimi i saj janë masa minimale që do të shmangnin pritjet e gjata dhe rastet kur qytetarët humbasin autobusin në terminal.

Pas më shumë se një muaji e gjysmë funksionim, kjo nuk mund të konsiderohet më një problem i ditëve të para. Qytetarët kanë nevojë të dinë saktësisht kur kalon urbani dhe sa kohë u duhet për të mbërritur në terminal, në mënyrë që një udhëtim i zakonshëm të mos kthehet në pritje dhe pasiguri. Saranda Web

The post Transporti urban drejt terminalit kthehet në problem, pa orare dhe me pritje të gjata appeared first on Saranda News.

“Nga momenti që ky vend tek shkolla ‘9 Tetori’ është zyrtarisht stacion autobusi, si ka mundësi që një tendë pushimi dhe mbrojtëse nuk kanë vënë? Dimër e behar pasagjerët nuk ndihen rehat. A është diskutuar ndonjëherë ky problem? Kam kaq vite që i shoh nga ballkoni”, shkruan qytetari për Saranda Web.

Një strehë autobusi nuk është luks

Në një qytet turistik si Saranda, ku gjatë verës transporti publik përdoret nga mijëra vizitorë dhe banorë, është e vështirë të justifikohet mungesa e kushteve më elementare në një stacion autobusi.

Nuk bëhet fjalë për një investim madhor apo një projekt që kërkon vite për t’u realizuar. Bëhet fjalë për një strehë normale, ku njerëzit të mund të presin autobusin pa u pjekur në diell gjatë verës apo pa u lagur nga shiu gjatë dimrit.

Pamja e dhjetëra turistëve që presin në këmbë dhe kërkojnë një copë hije poshtë pemëve është larg standardit që duhet të ofrojë një prej destinacioneve turistike më të frekuentuara të Shqipërisë.

Sa vite duhen për një stacion normal?

Shqetësimi i qytetarit ngre një pyetje të thjeshtë për Bashkinë Sarandë: A është diskutuar ndonjëherë vendosja e një tende apo strukture mbrojtëse në këtë stacion dhe, nëse po, përse nuk është realizuar?

Saranda investon dhe promovon çdo vit imazhin e saj si destinacion turistik, por standardi i një qyteti nuk matet vetëm me hotele, plazhe apo numrin e turistëve. Matet edhe me shërbimet bazë që u ofrohen njerëzve.

Një strehë në një stacion autobusi nuk është luks. Është minimumi. Dhe kur një problem kaq i thjeshtë vazhdon prej vitesh, pyetja është: çfarë po pritet për ta zgjidhur?  

The post Qytetari denoncon kushtet te stacioni i autobusave te “9 Tetori”: Presin në diell dhe në shi appeared first on Saranda News.

Ngjarja ka rikthyer njëkohësisht në vëmendje shqetësimet e banorëve për gjendjen e Urës së Vanës. Sipas tyre, më herët kishin shprehur gatishmërinë që të kontribuonin vetë për rregullimin e urës, por pretendojnë se nuk janë lejuar të ndërhyjnë nga Bashkia Delvinë.

Banorët thonë se nga Bashkia u ishte komunikuar se punimet në urë duhet të kryheshin përmes procedurave të tenderimit, ndërsa në atë moment nuk kishte fonde në dispozicion për realizimin e ndërhyrjes.

Rënia e automjetit dhe bllokimi i qarkullimit kanë shtuar shqetësimin e komunitetit, i cili kërkon jo vetëm zgjidhjen e situatës së krijuar sot, por edhe një ndërhyrje përfundimtare në Urën e Vanës, për të garantuar lëvizjen dhe sigurinë e banorëve të zonës. Saranda Web

The post Automjeti bie në Urën e Vanës, bllokohet qarkullimit për 300 banorë – VIDEO appeared first on Saranda News.

Banorët e fshatit Vanë në Delvinë denoncojnë në Saranda Web gjendjen e rrezikshme të urës që përdorin çdo ditë.

Dërrasat janë dëmtuar dhe në disa pjesë janë krijuar hapësira që rrezikojnë automjetet dhe kalimtarët.

Banorët thonë se kanë kërkuar ta rregullojnë urën me mundësitë e tyre, por Bashkia Delvinë nuk i ka lejuar, duke iu komunikuar se ndërhyrja do të kryhet nga Bashkia sapo të sigurohet fondi.

Ndërkohë, ata kërkojnë ndërhyrje sa më të shpejtë, përpara se të ndodhë ndonjë incident. Saranda Web

The post Banorët e Vanës: Ura në gjendje të rrezikshme, duam ta rregullojmë por nuk na lë Bashkia appeared first on Saranda News.

Familja e Polo Shkrepa, 53 vjeç, nga Rusani i Delvinës, kërkon ndihmën e qytetarëve për gjetjen e tij, pasi ka humbur kontaktet me familjarët që prej ditës së djeshme.

Sipas familjarëve, 53-vjeçari është parë për herë të fundit në Delvinë, ku ka pirë një kafe dhe më pas është larguar me fugon në drejtim të Sarandës.

Prej atij momenti, familja nuk ka mundur të komunikojë me të, ndërsa telefoni i tij rezulton i padisponueshëm.

Familjarët kanë denoncuar rastin edhe në Polici dhe kërkojnë ndihmën e kujtdo që mund ta ketë parë Polo Shkrepën ose që mund të ketë informacion mbi vendndodhjen e tij.

Kushdo që ka informacion, lutet të njoftojë Policinë ose të kontaktojë familjarët. Saranda Web

The post Familja kërkon ndihmë: 53-vjeçari ka humbur kontaktet që prej ditës së djeshme appeared first on Saranda News.

Në zonë kanë ndërhyrë forcat zjarrfikëse, ndërsa drejtori i zjarrfikësve të Sarandës konfirmon se zjarri është vënë nën kontroll.

Për momentin nuk ka të dhëna të konfirmuara për dëme apo për shkaqet e zjarrit. Saranda Web

The post Zjarri në Gjirin e Hartës në Ksamil vihet nën kontroll – VIDEO appeared first on Saranda News.

Sipas banorëve, kjo situatë jo vetëm dëmton pamjen e zonës, ku shumë prej banesave përdoren për turizëm dhe akomodimin e pushuesve, por përbën edhe rrezik për kalimtarët, veçanërisht gjatë natës, për shkak edhe të mungesës së ndriçimit. Saranda Web

The post Banorët denoncojnë: Kanë çarë rrugët dhe kanë braktisur punimet prej 3 muajsh appeared first on Saranda News.