Banorët e fshatit Vanë në Delvinë denoncojnë në Saranda Web gjendjen e rrezikshme të urës që përdorin çdo ditë.

Dërrasat janë dëmtuar dhe në disa pjesë janë krijuar hapësira që rrezikojnë automjetet dhe kalimtarët.

Banorët thonë se kanë kërkuar ta rregullojnë urën me mundësitë e tyre, por Bashkia Delvinë nuk i ka lejuar, duke iu komunikuar se ndërhyrja do të kryhet nga Bashkia sapo të sigurohet fondi.

Ndërkohë, ata kërkojnë ndërhyrje sa më të shpejtë, përpara se të ndodhë ndonjë incident. Saranda Web

The post Banorët e Vanës: Ura në gjendje të rrezikshme, duam ta rregullojmë por nuk na lë Bashkia appeared first on Saranda News.

Familja e Polo Shkrepa, 53 vjeç, nga Rusani i Delvinës, kërkon ndihmën e qytetarëve për gjetjen e tij, pasi ka humbur kontaktet me familjarët që prej ditës së djeshme.

Sipas familjarëve, 53-vjeçari është parë për herë të fundit në Delvinë, ku ka pirë një kafe dhe më pas është larguar me fugon në drejtim të Sarandës.

Prej atij momenti, familja nuk ka mundur të komunikojë me të, ndërsa telefoni i tij rezulton i padisponueshëm.

Familjarët kanë denoncuar rastin edhe në Polici dhe kërkojnë ndihmën e kujtdo që mund ta ketë parë Polo Shkrepën ose që mund të ketë informacion mbi vendndodhjen e tij.

Kushdo që ka informacion, lutet të njoftojë Policinë ose të kontaktojë familjarët. Saranda Web

The post Familja kërkon ndihmë: 53-vjeçari ka humbur kontaktet që prej ditës së djeshme appeared first on Saranda News.

Në zonë kanë ndërhyrë forcat zjarrfikëse, ndërsa drejtori i zjarrfikësve të Sarandës konfirmon se zjarri është vënë nën kontroll.

Për momentin nuk ka të dhëna të konfirmuara për dëme apo për shkaqet e zjarrit. Saranda Web

The post Zjarri në Gjirin e Hartës në Ksamil vihet nën kontroll – VIDEO appeared first on Saranda News.

Sipas banorëve, kjo situatë jo vetëm dëmton pamjen e zonës, ku shumë prej banesave përdoren për turizëm dhe akomodimin e pushuesve, por përbën edhe rrezik për kalimtarët, veçanërisht gjatë natës, për shkak edhe të mungesës së ndriçimit. Saranda Web

The post Banorët denoncojnë: Kanë çarë rrugët dhe kanë braktisur punimet prej 3 muajsh appeared first on Saranda News.

Në denoncimin e dërguar pranë Saranda Web, banorët shprehen të revoltuar teksa shohin në rrjetet sociale pamje nga koncerti të shpërndara nga persona që, sipas tyre, morën pjesë me bileta falas, ndërkohë që komuniteti i tyre vazhdon të përballet me mungesën e ndërhyrjes për rikthimin e aksesit në fshat.

Sipas tyre, rruga kryesore u shemb pas reshjeve të rrëmbyeshme dhe prej muajsh nuk është marrë asnjë masë për riparimin e saj apo krijimin e një rruge alternative. Për pasojë, banorët thonë se detyrohen të lënë automjetet dhe të përshkojnë një pjesë të rrugës në këmbë për të mbërritur në banesat e tyre.

Banorët e konsiderojnë të papranueshme që, ndërsa zona të tëra përballen me probleme të rënda infrastrukturore, fondet publike përdoren për aktivitete të tilla. Ata u bëjnë thirrje institucioneve përgjegjëse të ndërhyjnë sa më shpejt për rikonstruksionin e rrugës dhe rikthimin e lëvizjes normale për banorët e fshatit. Saranda Web

The post Banorët e Delvinës: Rruga prej muajsh e shembur, milionat shkojnë për koncertin e Kanye West appeared first on Saranda News.

Vitin e kaluar banorëve u është thënë se fondet e emergjencës ishin shteruar për të përballuar dëmet nga zjarret dhe nuk kishte mundësi për të riparuar rrugën, duke u premtuar se rruga do të rregullohej nga fondet e 2026

Sot shohin rrjetet sociale të mbushura me story dhe video të publikuara nga patronazhistët dhe parazitët e pushtetit që shkuan te koncerti i Kanye West me bileta falas, financuar me 4.2 milionë euro nga fondi i emergjencave.

Banorët e konsiderojnë këtë një fyerje për qytetarët që vazhdojnë të jetojnë me pasojat e fatkeqësive natyrore dhe kërkojnë që paratë publike të përdoren për zgjidhjen e problemeve reale të komuniteteve, jo për luks dhe propagandë. Tetë muaj më pas, rruga mbetet e shkatërruar dhe banorët ende presin ndërhyrjen që u ishte premtuar. Saranda Web

The post Për ne nuk kishte fonde, por për të çuar në koncert parazitët e pushtetit u dhanë 4.2 milionë euro appeared first on Saranda News.

Shqetësimi bëhet edhe më i madh duke pasur parasysh se rrjeti i kanalizimeve dhe shëtitorja janë pjesë e një investimi të përfunduar vetëm gjashtë vite më parë, ndërsa ky problem vazhdon të përsëritet pothuajse çdo ditë.

Qytetarët dhe operatorët turistikë kërkojnë ndërhyrje të menjëhershme nga institucionet përgjegjëse për t’i dhënë fund kësaj situate, e cila ndot mjedisin, rrezikon shëndetin publik dhe dëmton imazhin turistik të Sarandës. Saranda Web

The post Ujërat e zeza derdhen në Shëtitore pranë plazhit publik në Sarandë appeared first on Saranda News.

Me punë vullnetare, ata kanë shtruar me zhavorr disa prej segmenteve më problematike të rrugës që të çon drejt plazhit, duke lehtësuar kalimin e automjeteve të vogla. Ndërhyrja synon të përmirësojë aksesin për pushuesit gjatë sezonit veror, pasi rruga kishte pika të dëmtuara që vështirësonin qarkullimin.

Banorët deklarojnë se plazhi i Kakomesë është shpallur prej tyre plazh publik dhe pa pagesë, duke ftuar të gjithë qytetarët ta frekuentojnë lirshëm.

Sipas tyre, ndërhyrjet për përmirësimin e rrugës do të vijojnë edhe në ditët në vijim, me synimin që aksesi drejt një prej gjireve më të bukur të bregdetit jonian të jetë sa më i lehtë për çdo vizitor. Saranda Web

The post Pas shembjes së rrethimit 20-vjeçar, banorët e Nivicës shtrojnë rrugën për plazhin e Kakomesë appeared first on Saranda News.

Sipas qëndrimeve të shprehura nga banorët, ata nuk pranojnë të zhvillojnë një takim me kryeministrin, duke argumentuar se zgjidhja nuk kalon përmes bisedimeve, por përmes zbatimit të ligjit dhe respektimit të të drejtave të pronësisë.

Banorët janë shprehur se, sipas tyre, e vetmja gjë që duhet të bëjë qeveria është të zbatojë ligjin dhe të pajisë pronarët me certifikatat e pronësisë për tokat në Kakome, ku është parashikuar ndërtimi i një resorti turistik, si dhe për tokat në Heremec, ku Këshilli Bashkiak i Sarandës vetëm 1 vit më parë ka miratuar me 24 vota pro, pa asnjë votë kundër dhe abstenim, ndërtimin e një parku fotovoltaik.

Sipas burimeve të Saranda Web, pas këtij reagimi të banorëve, kryeministri Edi Rama është tërhequr nga iniciativa për zhvillimin e takimit dhe ai është anulluar.

Ngjarja vjen në një moment kur protestat për çështjen e Kakomesë dhe pronave vijojnë të mbeten në qendër të debatit publik, ndërsa banorët kanë deklaruar se do të vazhdojnë të kërkojnë njohjen e të drejtave të tyre mbi pronat dhe zbatimin e ligjit.

The post Pas reagimit të banorëve, Rama anullon takimin e kërkuar te Rrapi i Nivicës appeared first on Saranda News.

Paraditen e sotme është ndërhyrë në segmentin problematik dhe është hedhur shtresa e betonit, duke eliminuar rrezikun që prej rreth 20 ditësh shqetësonte banorët e zonës.

Denoncimi i publikuar dje evidentonte se në hyrje të pallatit ishte lënë e ekspozuar rrjeta metalike e betonit, duke krijuar vështirësi në lëvizje dhe rrezik për fëmijët, gratë, të moshuarit dhe banorët që kalonin çdo ditë në atë segment.

Pas publikimit, institucionet kanë reaguar duke përfunduar punimet. Fotot e dërguara sot nga banorët tregojnë se segmenti tashmë është shtruar me beton dhe zona është siguruar.

The post Pas publikimit në Saranda Web, hidhet betoni dhe eliminohet rreziku për banorët në Delvinë appeared first on Saranda News.