Një ngjarje tragjike me pasoja fatale ka tronditur ishullin e Kefalonisë në Greqi, ku një 19-vjeçare me origjinë shqiptare ka humbur jetën në rrethana të dyshimta, duke ngritur shumë pikëpyetje mbi atë që ndodhi në orët e fundit të jetës së saj.

E reja, e identifikuar nga mediat greke si Myrto, u gjet pa ndjenja në orët e para të mëngjesit në një zonë publike të Argostolit. Ajo u transportua me urgjencë në spital, ku mjekët luftuan për rreth një orë për ta rikthyer në jetë, por pa sukses.

Sipas burimeve hetimore, ngjarja ka nisur disa orë më herët në një dhomë hoteli, ku 19-vjeçarja kishte shkuar fillimisht me një 23-vjeçar. Më pas, në ambient janë bashkuar edhe dy persona të tjerë, duke e kthyer takimin në një mbrëmje me disa të rinj. Dyshohet se gjatë kësaj kohe janë konsumuar lëndë narkotike, një element që po verifikohet përmes analizave laboratorike.

Në një moment gjatë natës, gjendja e vajzës është përkeqësuar dhe ajo ka humbur ndjenjat. Ajo që ka tronditur më shumë hetuesit është fakti se, sipas të dhënave paraprake, në vend që të njoftohej urgjenca apo të transportohej menjëherë në spital, të rinjtë e kanë nxjerrë nga dhoma dhe e kanë çuar drejt qendrës së qytetit.

Pamjet e kamerave të sigurisë kanë dokumentuar momentet kur një prej tyre e mban në krahë vajzën e pajetë, ndërsa dy të tjerët e shoqërojnë. Ata e kanë lënë në një zonë pranë sheshit dhe janë larguar, duke e lënë pa ndihmë në një gjendje kritike për një periudhë të konsiderueshme kohe.

Dyshohet se kjo vonesë në marrjen e ndihmës mjekësore ka qenë vendimtare për fatin e saj. Vetëm më vonë është njoftuar ambulanca, e cila e ka transportuar drejt spitalit, por ndërhyrja rezultoi e vonuar.

Pas ngjarjes, tre të rinjtë janë kthyer në hotel dhe, sipas hetimeve, kanë tentuar të fshijnë gjurmët duke pastruar dhomën dhe duke marrë sende personale të vajzës, përfshirë edhe telefonin e saj.

Policia greke ka arritur të identifikojë personat e përfshirë përmes kamerave të sigurisë dhe dëshmive të mbledhura, ndërsa ndaj tyre rëndon akuza për veprime që çuan në vdekjen e 19-vjeçares. Ata pritet të dalin përpara drejtësisë, ndërsa hetimet vijojnë për të sqaruar nëse kemi të bëjmë me neglizhencë fatale apo elementë të tjerë penalë më të rëndë.

Ekspertiza paraprake mjeko-ligjore ka evidentuar si shkak fillestar të vdekjes arrestin kardiak, por pritet që analizat toksikologjike të japin një pasqyrë më të plotë mbi substancat e mundshme të përdorura.

Ngjarja ka shkaktuar reagime të forta në opinionin publik dhe ka hapur debat mbi përgjegjësinë morale dhe ligjore në raste të tilla, ku një jetë e re humbet në rrethana që mund të ishin shmangur.

Ndërkohë, familja e 19-vjeçares është në gjendje të rëndë emocionale dhe kërkon drejtësi, duke këmbëngulur në zbardhjen e plotë të së vërtetës dhe ndëshkimin e përgjegjësve për këtë tragjedi. Saranda Web

The post 19-vjeçarja shqiptare humb jetën në Greqi, e droguan dhe e lanë të vdiste në rrugë appeared first on Saranda News.

Për më shumë informacion dhe aplikim, kontaktoni në 069 271 9975

 Ky është një postim informues nga Saranda Web. Përgjegjës për përmbajtjen është punëdhënësi.

The post Kërkohet një kujdestare gjatë ditës për një grua të moshuar në Sarandë appeared first on Saranda News.

Kasiere
Punonjëse për sistemim raftesh
Manaxhere marketi
Financiere të brendshme

Adresa: Rruga Butrinti, Sarandë
Ofrohet ambient pune korrekt dhe serioz, me kushte të mira dhe mundësi bashkëpunimi afatgjatë.

Kontaktoni në WhatsApp 069 696 2692

 Ky është një publikim informues nga Saranda Web. Përgjegjës për përmbajtjen, kushtet dhe marrëdhënien e punës është punëdhënësi.

The post MARKET DAILY në Sarandë kërkon të punësojë staf shërbimi dhe manaxherial appeared first on Saranda News.

Vendndodhja: Kompleksi Keljani, Sarandë

Ofrohen kushte shumë të mira pune, pagë e kënaqshme dhe vendbanim i siguruar, në një ambient korrekt dhe serioz.

Kontakto në 069 538 3895

Apliko tani dhe bëhu pjesë e stafit!

 Ky është një publikim informues nga Saranda Web. Përgjegjës për përmbajtjen, kushtet dhe marrëdhënien e punës është punëdhënësi.

The post Market ushqimor JULI kërkon Kasiere dhe Sistemuese. Ofrohet akomodim appeared first on Saranda News.

Një automjet është përfshirë nga flakët në orët e para të mëngjesit të sotëm në lagjen nr. 4 të qytetit të Sarandës, duke shkaktuar dëme materiale.

Sipas informacionit paraprak të referuar nga Policia, zjarri ka rënë në një automjet të parkuar, në pronësi të shtetasit A. P. Fatmirësisht nuk raportohet për persona të lënduar, ndërsa mjeti ka pësuar dëmtime si pasojë e flakëve.

Autoritetet bëjnë me dije se po vijon puna për zbardhjen e plotë të rrethanave të këtij rasti, si dhe për identifikimin dhe kapjen e autorëve të mundshëm.

The post Digjet një automjet në orët e para të mëngjesit, Policia në kërkim të autorëve appeared first on Saranda News.

Drejtoria e Shërbimeve Publike pranë Bashkisë Sarandë ka dalë me një njoftim të përsëritur për agjencitë funerale dhe banorët e qytetit, duke bërë të ditur se në Varrezat e Limionit nuk ka më hapësira të lira për varrime të reja.

Sipas këtij njoftimi, për shkak të situatës së krijuar, të gjitha varrimet e reja duhet të orientohen drejt varrezave publike në Volloder, të cilat mbeten aktualisht alternativa e vetme për përballimin e nevojave të komunitetit.

Në të njëjtën kohë, autoritetet lokale sqarojnë se në Varrezat e Limionit do të lejohen vetëm varrimet në varre familjare, në rastet kur ekziston hapësirë brenda tyre.

Bashkia Sarandë u bën thirrje qytetarëve dhe subjekteve përkatëse të tregojnë mirëkuptim dhe të respektojnë këtë orientim, duke e konsideruar si një masë të domosdoshme për menaxhimin e kapaciteteve të kufizuara në varrezat publike të qytetit. Saranda Web

The post Sarandë/ Nuk ka më vende në Varrezat e Limionit, Bashkia: shkoni në Volloder appeared first on Saranda News.

Ofrohen kushte pune dhe pagë e kënaqshme.

Kontakt: 069 291 6950

 Ky është një publikim informues nga Saranda Web. Përgjegjës për përmbajtjen, kushtet dhe marrëdhënien e punës është punëdhënësi.

The post DUA Caffe në Sarandë kërkon të punësojë Kamarier/e appeared first on Saranda News.

– Recepsionist Turni i Tretë

Për info & aplikime kontaktoni 069 652 8336

 Ky është një publikim informues nga Saranda Web. Përgjegjës për përmbajtjen është punëdhënësi.

The post Hotel “Palma City” në Sarandë kërkon Recepsionist Turni i Tretë appeared first on Saranda News.

Më herët ishte premtuar se pala greke do të siguronte kushte për funksionim të pandërprerë të doganës së Mavromatit, një kërkesë e kahershme e banorëve, bizneseve dhe sektorit të turizmit në jug të Shqipërisë. Megjithatë, deri më tani nuk ka një vendim zyrtar për zgjatjen e orarit në 24 orë.

Në këtë kontekst, autoritetet greke kanë shpallur hapjen e tetë pozicioneve të reja pune për forcimin e stafit në Stacionin Doganor të Mavromatit. Këto pozicione janë pjesë e Ciklit të parë për vitin 2026 të Sistemit të Unifikuar të Lëvizshmërisë dhe synojnë plotësimin e vendeve vakante në këtë pikë kufitare.

Konkretisht, bëhet fjalë për dy pozicione në nivel Arsimi Universitar për Oficerë Doganorë, dy pozicione në Arsimin Teknik për Oficerë Doganorë dhe katër pozicione në Arsimin e Mesëm, gjithashtu për Oficerë Doganorë. Aplikimet për këto vende pune janë të hapura deri më 19 prill 2026.

Deputeti grek Vasilis Giogiakas theksoi rëndësinë e këtij zhvillimi, duke deklaruar se plotësimi i tetë pozicioneve do të përbëjë një hap thelbësor në forcimin e zyrës doganore me staf të përhershëm. Sipas tij, kjo do të plotësojë edhe emërimet vjetore të punonjësve të administratës tatimore greke (AADE), të cilat janë miratuar së fundmi.

Megjithatë, edhe pse ky zhvillim shihet si një hap pozitiv drejt përmirësimit të funksionimit të doganës, mbetet për t’u parë nëse rritja e stafit do të shoqërohet me vendime konkrete për zgjatjen e orarit të punës.

Për zonën e Sarandës dhe gjithë jugun e vendit, funksionimi 24 orë i pikës kufitare të Mavromatit konsiderohet një element kyç për zhvillimin ekonomik, lehtësimin e lëvizjes së qytetarëve dhe rritjen e fluksit turistik gjatë gjithë vitit. Saranda Web

The post Dogana e Mavromatit me 8 punonjës të rinj, por ende pa një afat për funksionim 24 orë appeared first on Saranda News.

Një nga platformat më të mëdha të rezervimeve në botë, Booking.com, është përballur me një incident serioz sigurie që ka vënë në rrezik të dhënat e përdoruesve.

Fillimisht i raportuar nga PCMag, rasti tashmë është konfirmuar edhe nga media të tjera ndërkombëtare si The Guardian dhe The Times of India.

Sipas raportimeve, persona të paautorizuar kanë mundur të aksesojnë informacione të lidhura me rezervimet e klientëve. Të dhënat e prekura mund të përfshijnë emra, adresa email-i, numra telefoni, si dhe detaje të rezervimeve dhe çdo informacion shtesë të ndarë me akomodimet.

Vetë kompania ka konfirmuar se ka identifikuar aktivitet të dyshimtë dhe ka ndërhyrë menjëherë për të kufizuar dëmet. Si pjesë e masave të sigurisë, janë gjeneruar kode të reja PIN për rezervimet, ndërsa klientët e prekur janë njoftuar përmes email-it.

Megjithatë, ndonëse incidenti konsiderohet serioz, raportimet ndërkombëtare theksojnë se nuk ka prova që të jenë komprometuar të dhënat financiare apo kartat bankare të përdoruesve. Problemi lidhet kryesisht me informacionet e rezervimeve dhe të dhënat personale bazë.

Pavarësisht kësaj, ekspertët paralajmërojnë për rritje të rrezikut nga mashtrimet. Të dhënat e ekspozuara mund të përdoren për sulme phishing, ku mashtruesit paraqiten si përfaqësues të kompanisë për të marrë informacione sensitive. Disa përdorues kanë raportuar tashmë mesazhe të dyshimta në aplikacione si WhatsApp, si dhe tentativa përmes telefonatave.

Një rast i raportuar nga Australian Broadcasting Corporation tregon se tentativa të tilla mund të kenë ndodhur edhe më herët, ku një qytetar ishte kontaktuar nga një person që pretendonte të ishte agjent i Booking.com me qëllim marrjen e të dhënave të kartës së kreditit.

Deri më tani, Booking.com nuk ka bërë publike numrin e përdoruesve të prekur apo detaje mbi autorët e mundshëm të sulmit. Situata mbetet në zhvillim, ndërsa kompania thekson angazhimin për sigurinë e të dhënave dhe vijimin e hetimeve.

Ndërkohë, përdoruesit këshillohen të tregojnë kujdes maksimal ndaj çdo komunikimi të dyshimtë dhe të mos ndajnë të dhëna personale apo bankare përmes email-eve apo mesazheve të pakonfirmuara. Saranda Web

The post Sulm kibernetik ndaj Booking: Rrezikohen të dhënat e klientëve dhe shtohen rastet e mashtrimeve appeared first on Saranda News.