U promovua në Sarandë romani “Liana”, vepra më e re e autorit dhe gazetarit Panajot Zoto, një rrëfim që sjell në vëmendje sfidat, sakrificat dhe shpresat e shqiptarëve gjatë viteve të tranzicionit dhe emigrimit. Ky aktivitet kulturor u organizua nga Klubi i Krijuesve Jonianë.

Libri, i botuar në vitin 2026, përbëhet nga 162 faqe të ndara në 11 kapituj. Në qendër të ngjarjeve është personazhi Liana, një grua që përballet me vështirësi të shumta jetësore, duke nisur nga një familje e varfër tradicionale shqiptare, martesa pa dëshirën e saj, emigrimi në Greqi dhe përpjekjet për t’u integruar në një realitet të ri.

Përmes historisë së saj, autori trajton tema të rëndësishme shoqërore si varfëria, emigracioni, korrupsioni, besnikëria, solidariteti, mbajtja e fjalës dhe lufta për mbijetesë. Romani pasqyron gjithashtu transformimet e mëdha që përjetoi Shqipëria pas vitit 1990, periudhë e shoqëruar me ndryshime politike, ekonomike dhe sociale, si dhe valën e madhe të emigrimit drejt Greqisë.

Një pjesë e rëndësishme e veprës ndalet te përvoja e emigrantëve shqiptarë, vështirësitë për të siguruar dokumentet, paragjykimet, sfidat e integrimit dhe sakrificat e familjeve që kërkonin një jetë më të mirë jashtë vendit. Nëpërmjet personazheve të ndryshëm, autori sjell histori që pasqyrojnë realitetin e asaj kohe si në Shqipëri ashtu edhe në Greqi.

Me një gjuhë të qartë dhe të kuptueshme, të pasuruar me figura letrare dhe personazhe me botë të pasur shpirtërore, “Liana” synon të jetë jo vetëm një vepër artistike, por edhe një dëshmi e një periudhe të rëndësishme historike për shqiptarët.

Mesazhi kryesor që përcillet në roman është se pavarësisht sfidave, humbjeve dhe padrejtësive, njeriu mund të gjejë forcën për të ecur përpara. Përmes historisë së Lianës, Panajot Zoto sjell një rrëfim mbi qëndresën, dashurinë, identitetin dhe shpresën për një të ardhme më të mirë. Ky aktivitet u transmentua drejtpërdrejt nëpërmjet Saranda Web

The post Panajot Zoto promovon në Sarandë romanin “Liana” – VIDEO appeared first on Saranda News.

Në një deklaratë publike, Gani Islamaj, pronar i një objekti 3-katësh në Sarandë, shprehet se njoftimi i AMP-së dhe pasqyrimi i tij në media kanë përmbajtur të dhëna të pavërteta që, sipas tij, cenojnë imazhin e tij dhe rëndojnë padrejtësisht pozitën ligjore të djalit të tij.

Islamaj deklaron se objekti në fjalë është pronë e tij e regjistruar me dokumentacion të rregullt dhe se disponon certifikata pronësie, leje zhvillimi dhe leje ndërtimi të miratuara nga Bashkia Sarandë. Ai thekson se hoteli funksionon ligjërisht, ka NIPT aktiv dhe markë tregtare të regjistruar.

Sipas tij, pretendimet e ngritura nga organet hetimore krijojnë një pasqyrë të shtrembëruar të realitetit juridik dhe faktik, ndërsa akuzon institucionet se po ndikojnë në opinionin publik në prag të shqyrtimit të çështjes në apel.

Në deklaratën e tij, Islamaj pretendon gjithashtu se në pronën e tij janë kryer disa kontrolle pa u njoftuar si pronar dhe se punonjës të AMP-së kanë hyrë në objekt mbi bazën e urdhrave verbalë të prokurorëve.

Ai bën të ditur se do të publikojë dokumentacionin përkatës të pronës, përfshirë lejet e ndërtimit dhe certifikatat e pronësisë, ndërsa paralajmëron se do të ndjekë të gjitha rrugët ligjore për mbrojtjen e dinjitetit, pronës dhe të drejtave të tij.

Në përfundim, Gani Islamaj i bën thirrje AMP-së dhe Prokurorisë të respektojnë dokumentacionin zyrtar dhe parimin e procesit të rregullt ligjor, duke kërkuar që të mos publikohen, sipas tij, informacione të pavërteta që ndikojnë në perceptimin publik të çështjes. Saranda Web

The post Flet babai i oficerit të Policisë të arrestuar nga AMP: Pretendimet janë të pavërteta, hoteli është i ligjshëm appeared first on Saranda News.

Sipas sqarimit zyrtar, spitali mohon të ketë mungesa të materialeve mjekësore dhe thekson se janë marrë të gjitha masat për furnizimin e nevojshëm.

“Spitali Sarandë ka marrë të gjitha masat për furnizimin me materiale mjekimi dhe aktualisht nuk ka mungesa”, thuhet në reagim.

Drejtoria sqaron se qytetarët në fjalë kanë kërkuar një shërbim pranë Repartit të Urgjencës, ndërkohë që sipas saj ky shërbim nuk ofrohet në urgjencë, por pranë shërbimit ambulator.

Megjithatë, sipas reagimit zyrtar, qytetarëve u është mundësuar shërbimi i kërkuar dhe janë orientuar që në ditët në vijim ta marrin atë pranë Qendrës Shëndetësore.

“Qytetarët në fjalë kanë kërkuar një shërbim pranë Repartit të Urgjencës, shërbim i cili nuk ofrohet pranë Urgjencës, por pranë shërbimit ambulator. Megjithatë, qytetarëve ju mundësua shërbimi i kërkuar dhe u rekomandua për ditët në vazhdim të marrin shërbim pranë Qendrës Shëndetësore”, përfundon reagimi i Drejtorisë së Spitalit Sarandë.

Spitali dhe Urgjenca në Sarandë pa ilaçe: Pacientët detyrohen të blejnë edhe serumin dhe shiringat

The post Pas publikimit në Saranda Web, reagon Spitali: Nuk kemi mungesë ilaçesh dhe materiale mjekësore appeared first on Saranda News.

Mënyra e hyrjes dhe daljes në Terminalin e ri të Autobusëve në Sarandë është kthyer në objekt diskutimi në mbledhjen e fundit të Këshillit Bashkiak, ku u ngritën shqetësime për ndikimin që mund të ketë në qarkullimin rrugor dhe sigurinë e qytetarëve.

Këshilltari bashkiak Ilirjan Gërdhuqi përcolli shqetësimet e ngritura nga qytetarë dhe specialistë të fushës, duke theksuar se skema aktuale e hyrje-daljeve në terminal rrezikon të krijojë ngarkesë në trafik dhe situata të rrezikshme për drejtuesit e mjeteve.

Në përgjigje të këtyre shqetësimeve, kryetari i Bashkisë Sarandë, Oltion Çaçi, deklaroi se aktualisht janë marrë masa për të garantuar sigurinë në këtë segment.

“Aktualisht kemi siguruar që të mos ndodhin aksidente gjatë hyrjeve dhe daljeve nga Terminali”, tha Çaçi.

Megjithatë, ai pranoi se në të ardhmen mund të shqyrtohet një alternativë më e përshtatshme. Sipas kryebashkiakut, kjo mund të lidhet me projektin për ndërtimin e Rrugës së Gjashtë, e cila pritet të ndikojë edhe në organizimin e qarkullimit në zonë.

“Një zgjidhje alternative dhe më e mirë për hyrjen dhe daljen nga terminali do të shikohet gjatë punimeve për ndërtimin e Rrugës së 6-të, por ajo mbetet për t’u parë”, u shpreh kryetari i Bashkisë.

Terminali i ri i Autobusëve është një nga investimet e rëndësishme për transportin publik në qytet, por mënyra e organizimit të aksesit në të vijon të ngrejë pikëpyetje dhe shqetësime. Saranda Web

The post Hyrja & dalja në Terminal ngre shqetësime, Çaçi: Do shikojmë zgjidhje kur të bëhet rruga e 6-të appeared first on Saranda News.

Një shqetësim serioz po ngrihet nga qytetarët e Sarandës lidhur me gjendjen në Spitalin dhe Urgjencën e qytetit, ku sipas denoncimeve të mbërritura në Saranda Web mungojnë jo vetëm medikamentet, por edhe materialet më bazike mjekësore që duhet të jenë pjesë e shërbimit spitalor.

Një qytetare, e cila ka ndjekur për shtatë ditë trajtim me antibiotik në rrugë venoze, tregon se është detyruar të blejë jo vetëm antibiotikun, por edhe aparatin e serumit, ujin fiziologjik për tretjen e medikamentit dhe shiringat.

“Kam marrë mjekim venoz për 7 ditë. Antibiotikun e bleva vetë, por kur shkova për ta bërë në spital më njoftuan se duhej të blija edhe aparatin e serumit, ujin fiziologjik dhe shiringën. Më vjen keq që institucionet mjekësore janë katandisur në këtë gjendje”, shprehet ajo.

Ky nuk është një rast i izoluar. Saranda Web ka marrë edhe më herët ankesa të ngjashme nga qytetarë të tjerë, të cilët në heshtje dhe me dorëzim përballen me të njëjtin realitet, duke paguar nga xhepi materiale që teorikisht duhet të jenë të disponueshme në një institucion shëndetësor publik.

Pyetja që shtrohet është e thjeshtë dhe e drejtë: Ku shkojnë fondet publike për shëndetësinë nëse qytetarët duhet të blejnë vetë edhe materialet më elementare për të marrë një shërbim bazik?

Nëse një qytetar me të ardhura mesatare arrin t’i përballojë këto shpenzime, çfarë ndodh me pensionistët, familjet në ndihmë ekonomike apo personat që nuk kanë as mundësinë minimale financiare për të blerë këto materiale?

Shëndetësia publike duhet të garantojë akses të barabartë për të gjithë qytetarët dhe jo t’i vendosë ata përballë zgjedhjes mes shëndetit dhe pamundësisë ekonomike.

Saranda Web i bën thirrje Drejtorisë së Spitalit të Sarandës, Ministrisë së Shëndetësisë dhe institucioneve përgjegjëse të japin një sqarim publik lidhur me këtë situatë dhe të tregojnë sa është përmasa e problemit dhe çfarë masash do të merren për ta zgjidhur atë.

Reagimi i Spitalit Sarandë pas publikimit në Saranda Web

Pas publikimit të shqetësimit të qytetarëve lidhur me mungesën e materialeve të mjekimit, Drejtoria e Spitalit Sarandë ka dërguar një reagim për Saranda Web.

Sipas sqarimit zyrtar, spitali mohon të ketë mungesa të materialeve mjekësore dhe thekson se janë marrë të gjitha masat për furnizimin e nevojshëm.

“Spitali Sarandë ka marrë të gjitha masat për furnizimin me materiale mjekimi dhe aktualisht nuk ka mungesa”, thuhet në reagim.

Drejtoria sqaron se qytetarët në fjalë kanë kërkuar një shërbim pranë Repartit të Urgjencës, ndërkohë që sipas saj ky shërbim nuk ofrohet në urgjencë, por pranë shërbimit ambulator.

Megjithatë, sipas reagimit zyrtar, qytetarëve u është mundësuar shërbimi i kërkuar dhe janë orientuar që në ditët në vijim ta marrin atë pranë Qendrës Shëndetësore.

“Qytetarët në fjalë kanë kërkuar një shërbim pranë Repartit të Urgjencës, shërbim i cili nuk ofrohet pranë Urgjencës, por pranë shërbimit ambulator. Megjithatë, qytetarëve ju mundësua shërbimi i kërkuar dhe u rekomandua për ditët në vazhdim të marrin shërbim pranë Qendrës Shëndetësore”, përfundon reagimi i Drejtorisë së Spitalit Sarandë.

The post Spitali dhe Urgjenca në Sarandë pa ilaçe: Pacientët detyrohen të blejnë edhe serumin dhe shiringat appeared first on Saranda News.

Të cilësosh si “lajm të rremë” një video ku dëgjohet dhe shihet qartë propozimi i z. Vesel Koçiu për vendosjen e tarifës 4.000 lekë në plazhet kryesore të Ksamilit, është një fyerje për inteligjencën e qytetarëve. Në të njëjtën video dëgjohet kundërshtimi i këshilltarëve Dafina Allkushi dhe Ilirjan Gërdhuqi, ndërsa kryetari i Këshillit Bashkiak e hedh në votim projekt-vendimin me ndryshimin e kërkuar nga Vesel Koçiu dhe shumica e këshilltarëve e miratojnë.

Këto nuk janë interpretime të Saranda Web. Janë fakte të regjistruara me zë dhe figurë.

Fatkeqësisht, sa herë që përfaqësuesit e Partisë Demokratike damkosen nga qytetarët për votat dhe qëndrimet e tyre, ata zgjedhin të sulmojnë Saranda Web që publikon faktet. Kështu ndodhi edhe me votimin për parkun fotovoltaik në Heremec, kur këshilltarët e saj votuan PRO dhe dolën nga dera e pasme për të mos u përballur me qytetarët. Kështu po ndodh edhe sot.

Problemi i tyre është se qytetarët kanë filluar të shohin qartë dhe të reagojnë për t’i shporrur të 2 bashkë.

Këshilli Bashkiak Sarandë miraton çmimet për çadrat në plazhe në Sarandë dhe Ksamil

The post Menaxherët e faqes Partia Demokratike Sarandë sulm ndaj Saranda Web appeared first on Saranda News.

Krenari ishte një figurë e njohur në jetën shoqërore dhe politike të qytetit. Ai ka qenë aktivist i FRESH-it në radhët e Partisë Socialiste, ndërsa më herët ka shërbyer edhe si anëtar i Këshillit Bashkiak të Sarandës.

Ndarja e tij e parakohshme ka shkaktuar dhimbje dhe trishtim te familjarët, miqtë dhe bashkëpunëtorët, të cilët e kujtojnë si një njeri aktiv në jetën publike dhe të angazhuar në çështjet e komunitetit.

Saranda Web i shpreh ngushëllimet më të sinqerta familjes Bedaj, të afërmve dhe miqve të të ndjerit.

U prehtë në paqe.

The post Ndahet nga jeta në moshën 46-vjeçare aktivisti Krenar Bedaj appeared first on Saranda News.

Në Shëtitoren e qytetit, ku ishte parashikuar të zhvillohej festivali, ishin vendosur 6 kioska për prezantimin e produkteve dhe gatimeve të detit, por asnjë prej tyre nuk ishte funksionale. Të gjitha kioskat kanë mbetur bosh, ndërsa nuk është evidentuar pjesëmarrja e asnjë biznesi në aktivitet.

Përveç mungesës së bizneseve, edhe prania e qytetarëve ka qenë shumë e kufizuar. Pavarësisht promovimit të aktivitetit nga Bashkia Sarandë, në hapësirën e festivalit janë vërejtur vetëm pak vizitorë.

Deri më tani nuk ka asnjë reagim zyrtar nga Bashkia Sarandë për arsyet e mungesës së bizneseve apo nëse ka pasur një bojkot të aktivitetit nga operatorët e sektorit.
Më herët, Bashkia Sarandë kishte njoftuar se “Fish Saranda Festival” do të zhvillohej nga 11 deri më 13 qershor në pedonalen e qytetit, si një aktivitet kushtuar gastronomisë së detit, muzikës dhe atmosferës verore, me aktivitete çdo mbrëmje duke nisur nga ora 19:00.

Mungesa e bizneseve dhe pjesëmarrja minimale e qytetarëve kanë bërë që nata e parë e festivalit të mos reflektojë pritshmëritë e krijuara për këtë aktivitet. Saranda Web

The post Dështon “Fish Saranda Festival”, bizneset bojkotojnë aktivitetin – VIDEO appeared first on Saranda News.

Fillimisht, Bashkia Sarandë kishte propozuar që çmimet të ndaheshin në tre kategori: 1 mijë, 2 mijë dhe 3 mijë lekë për çadër, në varësi të zonës dhe plazhit.

Gjatë diskutimeve në mbledhje, këshilltarët Përparim Ahmeti dhe Vesel Koçiu kërkuan që për plazhet kryesore të Ksamilit, veçanërisht ato përreth ishujve, të vendosej një kategori më e lartë çmimi, prej 4 mijë lekësh për çadër.

Ky propozim u kundërshtua nga këshilltarët Dafina Allkushi dhe Ilirjan Gërdhuqi, të cilët nuk ishin dakord me rritjen e çmimit në këtë nivel.

Në përfundim, propozimi për aplikimin e çmimit 4 mijë lekë për çadër në plazhet kryesore të Ksamilit u hodh në votim. Këshilltarët e Partisë Demokratike bashkuan votat me shumicën, duke bërë të mundur miratimin e këtij propozimi.

Me këtë vendim, në plazhet e Sarandës dhe Ksamilit do të aplikohen disa kategori çmimesh, ndërsa në zonat më të frekuentuara të Ksamilit çmimi për një çadër do të arrijë në 4 mijë lekë. Saranda Web

The post Këshilli Bashkiak Sarandë miraton çmimet për çadrat në plazhe në Sarandë dhe Ksamil appeared first on Saranda News.

Pronarë hotelesh, restorantesh, apartamentesh turistike dhe aktivitetesh të tjera të lidhura me turizmin thonë se çdo ditë përballen me mungesë energjie për periudha të konsiderueshme, duke vështirësuar funksionimin normal të bizneseve të tyre.

Sipas tyre, ndërprerjet ndikojnë drejtpërdrejt në shërbimin ndaj klientëve, pasi pajisjet elektrike dalin jashtë funksionit, sistemet e ftohjes dhe ruajtjes së produkteve rrezikojnë të dëmtohen, ndërsa turistët mbeten pa shërbime bazë gjatë qëndrimit të tyre.

“Jemi në mes të sezonit turistik dhe nuk mund të ofrojmë standardin që kërkojnë vizitorët. Kjo situatë po na shkakton humbje ekonomike dhe po dëmton imazhin e destinacionit”, shprehen bizneset në mesazhin e dërguar.

Ata theksojnë se turistët që kanë zgjedhur Sarandën dhe rivierën shqiptare për pushimet e tyre përballen me kushte të papranueshme për një zonë turistike, duke rritur pakënaqësitë dhe ankesat ndaj operatorëve turistikë dhe strukturave akomoduese.

Bizneset kërkojnë ndërhyrje urgjente nga institucionet përgjegjëse dhe një zgjidhje të qëndrueshme për furnizimin me energji elektrike, duke argumentuar se një problem i tillë nuk mund të vazhdojë gjatë periudhës më të rëndësishme ekonomike të vitit për qytetin.

“Turizmi nuk mund të zhvillohet në errësirë. Nevojitet veprim i menjëhershëm”, përfundon reagimi i tyre.

Saranda Web mbetet e hapur për çdo reagim apo sqarim zyrtar nga operatori i shpërndarjes së energjisë elektrike lidhur me këtë shqetësim të ngritur nga bizneset turistike të qytetit.

The post Bizneset turistike në Sarandë në alarm: Ndërprerjet e energjisë po dëmtojnë sezonin turistik appeared first on Saranda News.