Kryeministri Edi Rama ka publikuar në Instagram një video të kryetares së LSI, Monika Kryemadhit dhe Petrit Vasilit të cilët i drejtuan atij një mesazh.
‘Titi na ka zënë belaja. Nuk zuri mend Edi Rama, as nga tepsia as nga tiganët. Pushteti për lesh kështu i iku atij- thotë në video Kryemadhi.
‘Do hajë tepsi kokës tani nuk ka rrugë tjetër‘- thotë më pas Vasili.
‘ Po, po te tigani do skuqet, fap fap fap si pallaqinkë do ta skuqin shqiptarët me 25 prill. Jo 1 milionë vota po 3 milionë vota ke atje, ke tigani i shqiptarëve Edi Rama, aty ke për të përfunduar.– thotë kryetarja e LSI.
Ndërkohë videon Rama e shoqëron me fjalët: Dini gjë ku bie ky pavioni?, duke i cilësuar ‘si të çmendur’.
Ky reagim i Kryemadhit dhe Vasilit vjen pasi Rama teksa ishte i pranishëm ditën e sotme në një familje në Farkë, u shpreh për kryetaren e LSI, si ‘tigan’.
