Një video që po qarkullon në internet tregon momentin tragjik kur një helikopter rrëzohet në qytetin Perm, në Malet Urale të Rusisë, pasi ngatërrohet në linjat e energjisë elektrike.
Pamjet, të publikuara nga rrjeti televiziv rus RT, tregojnë helikopterin duke fluturuar në një lartësi relativisht të ulët, teksa papritur kapet pas telave elektrikë. Pas përplasjes me linjat e tensionit, mjeti ajror humbet kontrollin dhe rrëzohet në tokë.
Sipas raportimeve, dy pasagjerët e helikopterit kanë humbur jetën si pasojë e përplasjes. Mes viktimave është edhe Ilyas Gimandutdinov, milioner rus dhe themelues i kompanisë së transportit Tattranskom, me seli në Perm, si dhe Elmir Koniakov, drejtues i së njëjtës kompani.
Autoritetet ruse kanë nisur hetimet për të zbardhur rrethanat e plota të aksidentit, ndërsa pritet një reagim zyrtar mbi shkaqet dhe përgjegjësitë e ngjarjes.
