Një aksident i rëndë automobilistik ndodhi mëngjesin e djeshëm në Bypass-in e Fierit, duke shkaktuar humbjen e një jete njerëzore.

Viktima është Xherixhen Elmazaj, 30 vjeç, banues në Sarandë, i cili ndodhej si pasagjer në automjetin tip “BMW”.

Drejtuesi i mjetit, Genti Çela, humbi kontrollin e automjetit, i cili përfundoi jashtë rruge.

Trupi i të ndjerit u gjet disa metra larg automjetit, ndërsa Çela mbeti i plagosur dhe u transportua në Spitalin e Traumës për trajtim të specializuar.

Policia po vijon hetimet për zbardhjen e plotë të rrethanave të këtij aksidenti tragjik.