Një aksident ka ndodhur para pak çastesh në Qafë Gjashtë, në rrethrrotullimin e Lëkursit. Në aksident janë përfshirë një makinë dhe një motor, por fatmirësisht nuk ka të lënduar.
Ky aks është konsideruar problematik për një kohë të gjatë nga banorët e zonës dhe drejtuesit e automjeteve. Saranda Web ka denoncuar vazhdimisht se në këtë aks nuk ka asnjë vendkalim për këmbësorët, duke rritur kështu rrezikun për aksidente të ngjashme.
Mungesa e vendkalimeve për këmbësorët dhe mungesa e sinjalistikës janë çështje që kërkojnë zgjidhje urgjente nga autoritetet lokale për të parandaluar aksidente të mëtejshme dhe për të siguruar sigurinë e të gjithë përdoruesve të rrugës.
Pavarësisht se përpara pak ditësh u publikuan disa foto duke njoftuar se u vendos sinjalistika, në terren vijat janë të padukshme.
Në vazhdim, shpresohet që të merren masa konkrete për të përmirësuar infrastrukturën dhe për të rritur sigurinë në këtë zonë të rrezikshme.
