Saranda fiton Çmimin Bronze “Green Destinations” në Panairin e Turizmit në Berlin
Saranda ka marrë një vlerësim prestigjioz në panairin e turizmit ITB Berlin, duke u shpallur fituese e Çmimit Bronze “Green Destinations”. Sipas organizatorëve, ky çmim vjen pas një procesi të gjatë vlerësimi, ku qyteti iu nënshtrua një auditi të pavarur dhe u analizua mbi bazën e më shumë se 100 kritereve të qëndrueshmërisë.
Lajmi u bë publik nga kryetari i bashkisë Sarandë Oltion Çaçi, i cili e cilësoi këtë si një moment të rëndësishëm për Sarandën, duke theksuar se ky vlerësim konfirmon angazhimin e qytetit për një turizëm të përgjegjshëm, menaxhimin e mbetjeve dhe mbrojtjen e natyrës e klimës.
“Një arritje që na motivon të vazhdojmë drejt një të ardhmeje më të gjelbër!”, u shpreh Çaçi pas marrjes së çmimit.
Çmimi “Green Destinations” është një dëshmi e përpjekjeve të vazhdueshme për ta bërë Sarandën një destinacion model të qëndrueshëm, duke i dhënë më shumë vlerë turizmit dhe mjedisit të qytetit të Sarandë, ka thënë Çaçi.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
