Ardit Bido shënon fitore të thellë në jug: “Faleminderit nga zemra për 7360 zemra që më besuan!”
Ardit Bido, kandidati i Partisë Socialiste, ka falënderuar publikisht qytetarët për mbështetjen e jashtëzakonshme që ka marrë në zgjedhjet e fundit, duke e cilësuar rezultatin si “spektakolar”. Me një mesazh të ndjerë në rrjete sociale, Bido është shprehur mirënjohës për çdo votë të dhënë me besim dhe ka theksuar se është renditur i pari në të gjithë zonën nga Borshi deri në Konispol.
“Ky është një mesazh i qartë besimi që më ka mbushur me përulje dhe përgjegjësi”, ka shkruar ai, ndërsa pret edhe rezultatin përfundimtar nga vota e diasporës.
Ardit Bido ka fituar bindshëm në të tre bashkitë e jugut – Sarandë, Delvinë dhe Konispol – si dhe ka marrë mbështetjen e mbi 2 mijë qytetarëve në rrethin e Vlorës. Ai ka premtuar se do të vijojë rrugëtimin e tij politik me të njëjtin përkushtim dhe vendosmëri, duke theksuar se “rrugëtimi sapo ka filluar” dhe “do ta bëjmë bashkë, deri në fund”.
Rezultati i Bidos përbën një sukses të dukshëm për Partinë Socialiste në zonën jugore, duke e përforcuar pozicionin e saj në një nga bastionet tradicionale të forcës së majtë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
