Aleanca për Mbrojtjen e Butrintit ishte sot në Parkun Kombëtar të Butrintit, për të denoncuar dhe një tjetër herë konçesionin, që votoi Kuvendi.
Një përfaqësi e Aleancës, e përbërë nga aktivisti Aulon Kalaja, arkeologu Halil Shabani dhe Tania Williams nga Australia, theksuan se beteja për Butrintin nuk ka mbaruar dhe se ata do t’i drejtohen Gjykatës Kushtetuese.
Edhe pse Presidenti i Republikës e ktheu konçesionin për Butrintin, sërish shumica parlamentare e kaloi. Por specialistët e fushës e kundërshtojnë, pasi nuk ka pasur konsultime.
Konçesioni i Butrintit mbështet rreth vetes dhe skandale të tjera, siç është rasi i avokates së skandalit të imceneratorëve që është pjesë e bordit që do menaxhojë Parkun Kombëtar. Apo prania e Kryetarit të Bordit që ka një një lidhje të ngushtë me Greqinë, sipas aktivistëve.
Ata po sensibilizojnë dhe institucionet ndërkombëtare të fushës së trashigimisë kulturore dhe kanë një dosje voluminoze që do dorëzojnë. Edhe vizitorët e huaj, janë të habitur nga ky konçesion dhe kërkojnë reagim.
