Aksident i rëndë në rrugën Sarandë–Delvinë: Automjeti bie nga ura, plagoset drejtuesi
Një aksident i rëndë ka ndodhur pasditen e sotme në fshatin Buronjë, pranë Stjarit, në segmentin rrugor Sarandë–Delvinë. Një automjet ka rreshqitur nga rruga dhe ka rënë nga ura, duke lënë të plagosur drejtuesin e mjetit, i cili ndodhej i vetëm në makinë.
Sipas informacioneve paraprake, shoferi, një burrë rreth të 60-ave, është transportuar me urgjencë në Spitalin e Sarandës.
Shkak për aksidentin dyshohet të jetë gjendja e rënduar e rrugës, e cila është gërmuar që përpara zgjedhjeve, por nuk është përfunduar ende. Segmenti ku ndodhi aksidenti është një kthesë e fortë dhe shumë automjete janë çdo ditë në rrezik për shkak të mungesës së sinjalistikës dhe punimeve të papërfunduara.
Banorët e zonës shprehen të shqetësuar për mungesën e përgjegjësisë nga autoritetet, ndërsa kërkojnë përfundimin sa më parë të punimeve për të shmangur tragjedi të tjera të mundshme.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
