Gjykata e Shkallës së Parë e Juridiksionit të Përgjithshëm Sarandë, duke u nisur nga interesimi i medias, në kuadër të transparencës informon sa më poshtë:
Prokuroria pranë Gjykatës së Shkallës së Parë të Juridiksionit të Përgjithshëm Sarandë, më datë 27.05.2025, ka paraqitur pranë Gjykatës kërkesën me objekt “Verifikimin e kushteve dhe kritereve të masës së sigurimit “arrest në burg” caktuar në mungesë, ndaj personit nën hetim O.L”.
Më datë 28.5.2025, në përfundim të gjykimit brenda afatit ligjor, Gjykata e Shkallës së Parë e Juridiksionit të Përgjithshëm Sarandë, (gjyqtari i hetimeve paraprake) ka vendosur:
1 – Pranimin e kërkesës së Prokurorisë pranë Gjykatës së Shkallës së Parë të Juridiksionit të Përgjithshëm Sarandë për verifikimin e kushteve dhe kritereve për zbatimin e masës së sigurimit.
2 – Vazhdimin e zbatimit të masës së sigurimit personal me karakter shtrëngues “Arrest në burg”, parashikuar nga neni 238 i Kodit të Procedurës Penale, caktuar me vendimin nr.108 datë 18.5.2025, të Gjykatës së Shkallës së Parë të Juridiksionit të Përgjithshëm Sarandë, ndaj personit nën hetim O.L.
3- Ngarkohet policia gjyqësore të zbatojë menjëherë këtë vendim.
Kundër këtij vendimi lejohet ankim në Gjykatën e Apelit të Juridikisionit të Përgjithshëm brenda pesë ditëve, duke filluar ky afat nga e nesërmja e njoftimit të vendimit.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
