Kapet me 3.5 litër vaji kanabisi, kallashnikov dhe kanabis në formë çokollate
Policia e Sarandës njofton se ka përfunduar me sukses operacionin e koduar “Haze”, i cili synonte goditjen e veprimtarisë kriminale në fushën e prodhimit dhe shpërndarjes së narkotikëve, si dhe armëmbajtjes pa leje.
Në kuadër të këtij operacioni, u arrestua në flagrancë shtetasi B. K., 35 vjeç, banues në Delvinë, i cili u kap duke transportuar vaj kanabisi me qëllim shitjen e tij në qytetin e Sarandës.
Gjatë kontrollit të ushtruar ndaj tij dhe në banesën e tij, shërbimet e policisë sekuestruan:
- 3.5 litër vaj kanabisi,
- Një armë zjarri kallashnikov,
- Një armë të ftohtë (thikë),
- 3 krehëra dhe fishekë luftarak,
- Sasi narkotike kanabis në formë çokollate.
Komisariati i Policisë Sarandë, bazuar në informacionet e siguruara në rrugë operative, organizoi një ndjekje të koordinuar në aksin rrugor Delvinë-Sarandë, ku u lokalizua dhe u ndalua 35-vjeçari.
Materialet hetimore janë referuar në Prokurorinë pranë Gjykatës së Shkallës së Parë Sarandë për veprime të mëtejshme procedurale.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
