Sarandë/Ngjarje e rëndë në fshatin Gjashtë: 40-vjeçari godet për vdekje 62-vjeçarin me shishe qelqi
Një ngjarje tragjike ka ndodhur sot në fshatin Gjashtë, Sarandë, ku shtetasi Admir Beqiri, 40 vjeç, dyshohet se ka goditur për vdekje me një shishe qelqi shtetasin Gëzim Bizioni, 62 vjeç, në oborrin e banesës së tij. Viktima ndërroi jetë në vendngjarje si pasojë e dëmtimeve të marra.
Shërbimet e Policisë mbërritën menjëherë në vendngjarje dhe, falë reagimit të shpejtë, arrestuan autorin e dyshuar, i cili u shoqërua në Komisariatin e Policisë Sarandë për hetime të mëtejshme. Sipas dyshimeve paraprake, autori ishte nën ndikimin e alkoolit dhe lëndëve narkotike në momentin e ngjarjes.
Sipas informacioneve të para, viktima Gëzim Bizioni jetonte i vetëm pasi ishte i divorcuar. Një vit më parë, ai kishte marrë në shtëpi autorin e ngjarjes, Admir Beqirin, për të jetuar bashkë. Megjithatë, kohët e fundit, viktima i kishte kërkuar 40-vjeçarit të largohej nga banesa. Admir Beqiri vuante nga problemet me alkoolin dhe në gjendje të dehur, dyshohet se e ka goditur Bizionin për vdekje.
Policia po vijon hetimet për të zbardhur shkaqet e konfliktit dhe për të sqaruar plotësisht rrethanat e ngjarjes, ndërsa dyshohet se mund të ketë edhe persona të tjerë të përfshirë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
