Teqeja “Dedë Reshat Bardhi” në Sarandë
Teqeja Reshat Dede Baba ndodhet në veri perëndim të qytetit në Sarandë. Ndërtimin e saj e nisi më 4 qershor 2009, Dede Reshat Bardhi, ish-Kryegjysh Botëror i Bektashinjve (1991-2011). Objekti filloi aty ku ishin gjurmët e vjetra të Sari Salltikut, në faqen kodrinës pranë detit. Punimet e ngritjes së teqesë nisën e vazhduan nën drejtimin e baba Sadik Ibrokodhelit. Kjo teqe është përball Korfuzit, atje ku ndaloi Sari Salltiku misionari i parë i islamit dhe bektashizmit, ku historia e tij në Shqipëri dhe Ballkan, është një histori e njohur.
Nisja e punimeve te Teqeja “Dedë Reshat Bardhi” në Sarandë
Ditën e nisjes së punimeve, Dede Reshati u shpreh: “ Ndihem sinqerisht i lumtur dhe shumë i respektuar të vendos gurin e themelit në teqenë tonë të re në Sarandë!”. Pas një viti u bë përurimi i tyrbes dhe teqesë. Në këtë përurim, më 2 qershor 2010, mori pjesë Kryegjyshi Dede Reshat Bardhi, i cili, ndër të tjera tha: “ Ndjehem i lumtur që një vit më parë hodhëm themelet e tyrbes dhe të teqesë së Sarandës dhe sot, inaugurojmë teqen e mrekullueshme. Në këtë teqe, në këtë vend që e ka bekuar Zoti, jam i sigurt se do të ndriçoj kurdoherë flaka e mësimeve të Haxhi Bektash Veliut.”
Tyrbja në Teqenë e Sarandës
Në tyrbe prehen eshtrat e dy klerikëve të shquar, baba Islami dhe baba Bilali. Teqeja, në këto vite ka marrë formën e plotë me tyrben e bukur. Ajo ruan elementët bektashian me dhoma të bollshme, mejdanin, kafeoxhakun, kuzhinën etj.
Muzeu i Teqesë në Sarandë
Teqeja Dedë Reshat Bardhi” në Sarandë ka edhe një muze me objekte të shumta origjinale bektashiane, ngritur nën kujdesin e baba Sadik Ibrokodhelit.
Website Saranda Web
Facebook Saranda Web
Instagram saranda.web
Youtube sarandaweb
Twitter Saranda Web
Tiktok saranda.web
Pinterest sarandaweb
Linktree sarandaweb
in sarandaweb
