U përkujtua 34-vjetori i themelimit të Shoqatës “Çamëria” – Ceremonia u mbajt mbrëmë në Sarandë
Mbrëmjen e djeshme u zhvillua ceremonia përkujtimore me rastin e 34-vjetorit të themelimit të Shoqatës Patriotike Atdhetare “Çamëria”, dega Sarandë, e para shoqatë e regjistruar pas rënies së regjimit komunist, që mbrojti të drejtat e shqiptarëve të Çamërisë.
Në këtë ngjarje morën pjesë personalitete të njohura të jetës publike, përfaqësues të komunitetit çam, si dhe drejtues të shoqatave të tjera kulturore nga treva e jugut. Prania e Shoqatës “Labëria”, Shoqatës “Tomorri”, Shoqatës së Egjiptianëve të Sarandës dhe Shoqatës “Hasan Tahsini” tregoi harmoninë dhe bashkëjetesën mes komuniteteve të ndryshme të zonës së Sarandës, Delvinës dhe Konispolit.
Kreu i Shoqatës “Çamëria” në Sarandë, z. Rexhep Ismaili, dhe kryetari i nderit, inxhinier Hekuran Halili, përmendën kontributin e vazhdueshëm të shumë personaliteteve në ruajtjen e identitetit dhe për mbrojtjen e të drejtave të shqiptarëve të Çamërisë.
Ceremonia u karakterizua nga ndjesi atdhedashurie dhe krenarie, duke dëshmuar se kauza çame mbetet e gjallë në zemrat e shqiptarëve dhe do të vijojë të përcillet brez pas brezi.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
