Pllakat e Sarandës, të cilat janë pjesë e memories së qytetarëve të Sarandës, por dhe mijëra vizitorëve që kanë patur rastin të pushojnë dhe bëjnë plazh pikërisht në “Pllakat e Sarandës”, janë hequr nga lista e Monumente të Natyrës. Pavarësisht se heqja e “Pllakave të Sarandës” nga lista e Monumenteve të Natyrës është bërë me VKM 187, Datë 25 Mars 2021, askush nga qytetarët dhe ambjentalistët në qytetin e Sarandës nuk ka patur dijeni për këtë veprim.
Lajmi për heqjen nga lista e monumenteve të natyrës së “Pllakave të Sarandës” ka shqetësuar shumë nga qytetarët në qytetin e Sarandës, duke e cilësuar këtë veprim një absurditet, pasi monumenti ekziston dhe ata kërkojnë kthimin e “Pllakave të Sarandës” në listën e monumenteve të Natyrës, pasi heqja nga kjo listë do ta bënte që këto pllaka të mbeten të rrezikuara nga ndërhyrjet e paligjshme.
Pllakat e Sarandës janë pjesë e memories së qytetarëve të Sarandës, por dhe mijëra vizitorëve që kanë patur rastin të pushojnë dhe bëjnë plazh.
