Banorët e lagjes përbri rrugës Sarandë – Vlorë në Gjashtë janë përballur me një krizë të rëndë të furnizimit me ujë, pasi si shprehen ata, prej dy muajsh nuk kanë pasur qasje në këtë burim jetik. Kjo situatë ka krijuar një problem të madh për jetesën e tyre të përditshme dhe shëndetin publik.
Sot, një grup prej dhjetë banorësh të shqetësuar u mblodh për të kërkuar zgjidhje nga autoritetet përkatëse. Ata u drejtuan tek zyra e ujësjellësit, por, për fat të keq, nuk arritën të gjenin as drejtorin e ujësjellësit dhe as teknikët për të diskutuar çështjen e tyre.
Banorët e lodhur nga kjo situatë kanë njoftuar se do të rikthehen nesër në orën 10:00 për të kërkuar përgjigje dhe veprime konkrete për të zgjidhur këtë krizë. Ata kanë paralajmëruar se nesër do të jenë në numër më të madh, duke shpresuar që prania e tyre më e madhe të tërheqë vëmendjen e autoriteteve dhe të shtyjë për një zgjidhje të menjëhershme.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
