Sot në orën 04:00 të mëngjesit, një aksident rrugor ka ndodhur në rrugën Turizëm – Kanali i Çukës, ku janë përfshirë dy automjete. Sipas informacioneve të para, një mjet Volkswagen me drejtues shtetasin N.G., 21 vjeç, është përplasur me një mjet Renault, i drejtuar nga shtetasi A.B., 33 vjeç.
Si pasojë e përplasjes, është dëmtuar edhe një automjet i parkuar në vendngjarje..
Të dy drejtuesit e mjeteve janë gjetur nën ndikimin e alkoolit. Policia ka kryer veprimet hetimore proceduriale, duke arrestuar shtetasin N.G. për veprat penale të parashikuara nga nenet 290 dhe 291 të Kodit Penal, dhe shtetasin A.B. për veprën penale të parashikuar nga neni 291 i Kodit Penal.
Hetimet për zbardhjen e plotë të rrethanave të ngjarjes janë në vijim.
Please follow and like us:
