Policia Bashkiake: Shanset për kioska në Ksamil? Janë ZERO
Policia Bashkiake Sarandë ka ndërmarrë një tjetër aksion për lirimin e hapësirave publike nga ndërtime të paligjshme. Në orët e para të mëngjesit të sotëm, bazuar në informacione të siguruara nga strukturat përkatëse, është zbuluar një kioskë e ndërtuar në mënyrë të paligjshme gjatë natës në Ksamil.
Menjëherë pas zbulimit, janë njoftuar Inspektorati Vendor i Mbrojtjes së Territorit (IVMT) dhe Komisariati i Policisë Sarandë për të ndërmarrë hapat e nevojshëm ligjorë. Strukturat bashkiake, në bashkëpunim me autoritetet e tjera, do të asistojnë në prishjen e kësaj ndërtese dhe në lirimin e hapësirës publike.
Ky rast do të referohet në Prokurorinë pranë Gjykatës së Juridiksionit të Përgjithshëm Sarandë për procedurat e mëtejshme.
Kjo ndërhyrje është një hap i rëndësishëm për të siguruar që hapësirat publike të mbeten të paprekura dhe të ruhet ligjshmëria në një nga zonat më të rëndësishme turistike të vendit.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
