2 ditë pas protestës së taksistëve vjen reagimi i Policisë Bashkiake Sarandë
Pas protestës 2 ditë më parë nga taksistët përpara bashkisë Sarandë, ka ardhur reagimi i institucioneve. Që në orët e para të mëngjesit të sotëm, Policia Bashkiake ka ndërmarrë një aksion kundër informalitetit në tregun e taksive dhe konkurrencës së pandershme.
Aksioni nisi në orën 05:00 të mëngjesit dhe synon të ndalojë operimin e taksive të palicencuara, si dhe të ndalojë taksi nga bashki të tjera që të marrin pasagjerë apo të punojnë në Sarandë pa leje të rregullt. Kjo ishte një nga katër kërkesat kryesore të protestës së taksistëve, të cilët 2 ditë më parë shprehën pakënaqësitë e tyre para godinës së bashkisë.
Taksistët kanë kërkuar që Policia Bashkiake dhe institucionet përgjegjëse të ndërhyjnë për të rregulluar tregun, duke eliminuar konkurrencën e pandershme që, sipas tyre, po dëmton ata që operojnë ligjërisht.
Ende mbetet për t’u parë nëse ky aksion do të jetë i vazhdueshëm apo vetëm një masë e përkohshme pas protestës. Saranda Web do të vazhdojë të ndjekë nga afër zhvillimet e mëtejshme mbi këtë çështje.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
