Vlora mirëpret Ardit Bidon, mbi 600 qytetarë në takim
Kandidati i Partisë Socialiste për deputet në qarkun e Vlorës, Ardit Bido, zhvilloi një takim elektoral në qytetin e Vlorës, ku morën pjesë mbi 600 qytetarë. Gjatë takimit, ai prezantoi pjesë të programit të tij dhe ndau me të pranishmit qëndrimet dhe prioritetet për qarkun.
Në fjalën e tij, Bido falënderoi qytetarët për energjinë dhe besimin, duke theksuar se Vlora ka qenë gjithmonë një qytet që i ka marrë vetë vendimet për të ardhmen e saj. “Nëse doni një model të ri politik, keni një zgjedhje në 11 maj. Një fitore që nuk i shërben asnjë individi apo partie, por një Shqipërie që kërkon përfaqësim dinjitoz, vizion dhe vendimmarrje gjithëpërfshirëse,” u shpreh kandidati socialist.
Ai theksoi gjithashtu se është i vendosur të përfaqësojë çdo cep të qarkut të Vlorës, nga Ura e Mifolit në Konispol, nga qyteti në fshat, duke i ftuar qytetarët të bëhen pjesë aktive e fushatës, derë më derë, për të zgjedhur një të ardhme që ndërtohet mbi zërin e tyre.
“Votoni Partinë Socialiste, numrin 5. Votoni për Ardit Bidon, që Vlora të ketë fjalën e saj në Kuvend,” ishte thirrja përmbyllëse e takimit.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
