Njoftim i hidhur – Ndërron jetë Andrea Prifti
Me dhimbje të thellë njoftojmë se sot, në moshën 82-vjeçare, u nda nga jeta Andrea Prifti, një figurë e nderuar e komunitetit tonë.
I lindur në fshatin Nivicë të Sarandës, Andrea Prifti i kushtoi afro katër dekada të jetës së tij punës në Spitalin e Sarandës, si ndihmës mjek në pavionin e kirurgjisë. Me përkushtim të palodhur, humanizëm të rrallë dhe shpirt të sakrificës, ai shërbeu jo vetëm qytetarëve të Sarandës, por edhe banorëve të fshatrave e zonave përreth, në çdo orë dhe çdo situatë, për vite me radhë.
Në një kohë të vështirë, me sfida të mëdha dhe mungesa të shumta, Andrea Prifti u bë simbol i ndihmës dhe shpresës për shumë familje. Ai u qëndroi pranë njerëzve me thjeshtësi, dinjitet dhe përkushtim të rrallë, duke lënë pas një trashëgimi të vyer njerëzore dhe profesionale.
Ai la pas bashkëshorten, tre fëmijët, si dhe nipër e mbesa, të cilët ndjejnë krenari për jetën dhe vlerat që ai përfaqësoi.
Ngushellimet priten tek Shtëpia Funerale “BEBRI“ Limjon Sarandë. Ceremonia e varrimit organizohet diten e Hënë në orën 13:00
Saranda Web i shpreh ngushëllimet më të sinqerta familjes së tij dhe gjithë të afërmve.
🕊️ U prehtë në paqe!
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
