Rruga e fshatit Metoq, ndodhet në gjendje të mjerueshme prej 20 vitesh.
Me gropa, baltë dhe pa ndriçim, kjo rrugë që u shërben më shumë se 50 familjeve nuk ka parë kurrë investim.
“Problemet kryesore janë rruga, uji dhe ndriçimi. Kjo rrugë që nga ura e Gajdarit, deri tek thertorja është gjithë gropa. Kanë bërë asfaltime të vogla por këtë këtu e kanë lënë në gjendje të mjerueshme”, shprehen banorët.
Fshati 5 km larg qëndrës së Sarandës, është nën pushtetin e plehrave.
Mbetjet urbane këtu nuk pastrohen dhe nuk ka kontenier.
“Kosha për mbeturinat nuk ka, hidhen mbeturinat në tokë dhe sëmundjet nga këto vijnë, nga papastërtia. Sikur një kosh nuk kanë vendosur këtu, mbeturinat shkojmë i hedhim në lumë”, shprehen banorët.
Furnizimi me uji është i pakët, mungojnë kanalizimet, dhe nuk pastrohen kanalet kulluese.
“Uji nuk vjen i rregullt këtu, herë ka ujë dhe herë nuk ka”, shprehen banorët.
Fshati me potencial të madh bujqësor, nuk njeh investim prej një kohe të gjatë nga Bashkia Sarandë.
Banorët thonë se nuk e njohin Adrian Gurmën.
“Unë nuk e njoh se kush është kryetari i bashkisë”, shprehen banorët.
Dështimi i Bashkisë Sarandë, në përmbushjen e nevojave bazike të komunitetit ndihet në cdo lagje apo fshat jashtë qendrës së qytetit.
VIDEO në youtube https://youtu.be/KbYDPCf6zdw
