I dehur në biçikletë, rrëzohet dhe mbetet pa ndjenja në tokë
Një incident i pazakontë është regjistruar mbrëmjen e sotme pranë rrethrrotullimit të Spitalit në Sarandë, ku një person që udhëtonte me biçikletë ka humbur ekuilibrin dhe është rrëzuar, duke mbetur pa ndjenja në tokë.
Ngjarja ka shkaktuar panik te kalimtarët dhe drejtuesit e automjeteve, të cilët kanë lajmëruar menjëherë Policinë dhe Urgjencën e Spitalit. Pas mbërritjes në vendngjarje, ambulanca e ka transportuar të plagosurin në spital, ku ai është përmendur pas dhënies së ndihmës së parë.
Sipas burimeve nga spitali, 39-vjeçari i aksidentuar ka qenë në gjendje të dehur në momentin e aksidentit. Fatmirësisht, gjendja e tij shëndetësore raportohet të jetë e mirë dhe jashtë rrezikut për jetën. Ndërkohë, policia po heton rrethanat e sakta të ngjarjes.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
