Tregu i FrutaPerimeve në Sarandë: Pamje që trishtojnë
Tregu i Fruta–Perimeve, ndodhet prej më shumë se 15 vitesh në një gjendje të braktisur dhe pa asnjë mirëmbajtje. Gjatë ditëve me reshje, çatia e amortizuar pikon, ndërsa në muajt e nxehtë të verës, temperatura brenda ambientit bëhet e padurueshme.
Tavolinat dhe hapësira përreth kërkojnë urgjentisht rikonstruksion, ndërkohë që ndriçimi i pamjaftueshëm e thellon ndjesinë e rrënimit.
Shumica e tregtarëve, të zhgënjyer nga kushtet dhe mungesa e vëmendjes institucionale, kanë zgjedhur të shesin jashtë tregut, në trotuarë, duke krijuar kaos dhe dëmtuar ndershmërinë e konkurrencës.
Ndërkohë, brenda tregut mbizotëron boshatisja dhe mes tezgave të ndryshkura duken disa tregtarë të trishtuar.
Asnjë prej tregtarëve te Tregu i Fruta – Perimeve në Sarandë nuk pranon të flasi para kamerës, por jashtë saj shprehen të lodhur dhe të zhgënjyer: “Prej vitesh, asgjë nuk ka ndryshuar. As investime, as përkujdesje, as dëgjim nga institucionet.”
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
