Oltion Caci kandidati i PS për Bashkinë Sarandë
Oltion Caci do të jetë kandidati i Partisë Socialiste për Bashkinë Sarandë. Vendimit, i cili pritet për tu bërë publik pas mbledhjes së Kryesisë së PS, i kishte paraprirë më shumë se 1 muaj më parë një gazetari Endri Xhafo.
I ftuar në emisionin NOW në euronews, Endri Xhafo është shprehur se:. Pavarësisht sondazheve që janë kryer në Sarandë… Partia Socialiste do të kandidojë për bashkinë e Sarandës një emër që deri tani mbetet enigmë.
Sipas Endrit, zbulimin e këtij kandidati, për të cilin tha se është fitues ende pa votuar qytetarët e Sarandës… E ka bërë sekretari politik i PS për Qarkun Vlorë Blendi Klosi. Endri Xhafo u shpreh se ndiente keqardhje edhe për PD që kishte një kandidat shumë të mirë si Ardit Cikuli, por që do humbiste.
Oltion Caci – Kush është
Oltion (Olti) Caci është një biznesmen dhe sipërmarrës në fushën e hotelerisë.
Olti Caci ka lindur në 1980. Ka përfunduar studimet e larta në Kiev, Ukrainë, në Institutin e Marrëdhënieve Ndërkombëtare, të Universitetit Kombëtar Taras Shevchenko. Më pas ka vazhduar specializimin në të Drejtën Ndërkombëtare Publike në Kiev. Është themelues i Flower Hotels & Resort dhe Flower Residence në Sarandë.
Caci ka një përvojë 15 vjeçare në industrinë e turizmit dhe një rekord të provuar të suksesit në menaxhimin dhe rritjen e bizneseve. Ai gjithashtu shërbeu si Kryetar i Sektorit të Hotelerisë në Unionin Turistik Shqiptar, duke treguar përkushtim për të promovuar turizmin dhe zhvillimin ekonomik në rajon.
Aktualisht, Bashkia Sarandë drejtohet nga Adrian Gurma, i cili mesa duket nuk e ka bindur Blendi Klosin për të garuar dhe për një mandat tjetër.
Website Saranda Web
Facebook Saranda Web
Instagram saranda.web
Youtube sarandaweb
Twitter Saranda Web
Tiktok saranda.web
Pinterest sarandaweb
in sarandaweb
